شعر الوقدانيات

[ربانة]

http://www.hawahome.com/vb/customavatars/avatar148_7.gifالسلام عليكم ورحمة الله وبركاته
اما بعد
..........
ياطارقين الشعر يامن تتذوقونه وتترنمون بحلاوته اتيتكم بقصائد من روائع الشاعر الفذ الكبير شاعر الطائف بديوي جبران الوقداني
شاعر من خريف الزمن الماضي لكن لا زلنا نمخر في امواج اشعاره العالية http://www.hawahome.com/vb/customavatars/avatar148_7.gif

هلموا الى حتى اسمعكموها ..................

http://www.hawahome.com/vb/customavatars/avatar148_7.gif



ايامنـا والليالـي كــم نعاتبـهـا
شبنا وشابت وعفنا بعض الاحوالـي
تاعـد مواعيـد والجاهـل مكذبهـا
واللي عرف حدها من همهـا سالـي
ان اقبلت يـوم ماتصفـي مشاربهـا
تقفي وتقبل وما دامت علـى حالـي
فـي كـل يـوم تورينـا كبايبـهـا
واليوم الاول تراه احسن مـن التالـي
ايـام فـي غلبهـا وايـام نغلبـهـا
وايام فيهـا سـوى والدهـر ميالـي
جربت الايام ومثلـي مـن يجربهـا
تجريب عاقل وذاق المـر والحالـي
نضحك مع الناس والدنيـا نلاعبهـا
نمشي مع الفي طوع حيـث مامالـي
كم مـن علـوم وكـم اداب نكسبهـا
والشعـر مـازون مثقـال بمثقالـي
اعرف حروف الهجا بالرمز واكتبها
عاقل ومجنون حاوي كل الاشكالـي
لكن حظـي ردي والـروح متعبهـا
مافادني حسن تأديبـي مـع أمثالـي
ان جيت ابي حاجة عـزت مطالبهـا
العفو ما واحد في النـاس يـا والـي
قـوم ليـا جيتهـا رفـت شواربهـا
بالضحك وقلوبها فيها الـردى كالـي
وقوم ليا جيتهـا صكـت حواجبهـا
وابدت لي البغض في مقفاي واقبالـي
ما كني الا اسموي حـال مغضبهـا
والكل في عشرتـه ماكـر ودجالـي
يا حيف تخفىامـور كنـت حاسبهـا
والاهل واصحابنا والـدون والعالـي
والروح وش عذرها في ترك واجبها
راح الحسب والنسب في جمع الاموالي
نفسي تبى العز والحاجـات تغصبهـا
ترمي بهـا بيـن اجاويـد وانذالـي
المال يحيـي رجـال لاحيـاة بهـا
كالسيل يحيي الهشيم الدمـدم البالـي
عفت المنازل وروحي يـوم اجنبهـا
منها غنيمة وعنها البعـد اولـى لـي
لاخير في ديرة يشقى العزيـز بهـا
يسشي مع الناس فـي هـم واذلالـي
دار بهـا الخـوف دوم مـا يغيبهـا
والجوع فيها ومعها بعض الاحوالـي
جوعى سراحينهـا شبعـى ثعاليبهـا
الكلـب والهـر يقـدم كـل ريبالـي
عز الفتى راس ماله مـن مكاسبهـا
يا مرتضي الهون لا عز ولا مالـي
دللت بالروح لين ارخصـت جانبهـا
وان عتيبي عريـب الجـد والخالـي
قوم تدوس الافاعـي مـع عقاربهـا
ولها عزايـم تهـد الشامـخ العالـي
خل المنازل غـراب البيـن يندبهـا
يبكي عليهـا بدمـع العيـن هطالـي
لاتعمـر الـدار والقـلات تخربهـا
بيع الردي بالخسارة واشتـر الغالـي
ماضاقت الارض وانسدت مذاهبهـا
فيها السعـة والمراجـل والتهفلالـي
دار بدار وجيران بجيـران نقاربهـا
وارض بارض واطلال بـا طلالـي


يتـــــــــــــــــــــبع
http://www.hawahome.com/vb/customavatars/avatar148_7.gif

[ربانة]

http://www.hawahome.com/vb/customavatars/avatar148_7.gif http://www.hawahome.com/vb/customavatars/avatar148_7.gif

والناس اجانيب لين انـك تصاحبهـا
تكون منهـم كمـا قالـوا بالامثالـي
الارض لله نمشـي فـي مناكبـهـا
والله قـدر لـنـا ارزاق واجـالـي
حـث المطايـا وشرقهـا وغربهـا
واقطع بهـا كـل فـج دارس خالـي
واطعن نحور الفيافـي فـي ترايبهـا
وابعد عن الهم تمسي خالـي البالـي
من فـوق عمليـة تقطـع براكبهـا
فدافـد البيـد درهــام وزرفـالـي
تبعدك عـن دار قـوم ودار تقربهـا
واختر لنفسـك وللمنـزال منزالـي
لو مت فـي ديـرة قفـرا جوانبهـا
فيها لوطي السباع الغبـس مدهالـي
اخير من ديـرة يجفـاك صاحبهـا
كـم ذا الجفـا والتجافـي والتعلالـي
دوس المخاطر ولا تخشـى عواقبهـا
تسعى على الرزق ماحـت للاشبالـي
والشمس في برجها والغيـم يحجبهـا
قفي وتقبل لها في العـرش مجدالـي
رب السماوات يامحصـي كواكبهـا
يا مجري السفن في لجات الاهوالـي
ضاقت بنا الارض واشتبت لهايبهـا
والغيث محبـوس يـارزاق ياوالـي
يالله مـن مزنـة هبـت هبايبـهـا
رعادها بات له في البحـر زلزالـي
ريح العوالي مـن المنشـا تجاذبهـا
جذب الدلي من جبا مطويـة الجالـي
ديمومـة سبلـت والاخـت ذوايبهـا
وانهل منها غزيـر الوبـل همالـي
تسقي ديار شديـد الوقـت حاربهـا
ما عاد فيها لبعض النـاس منزالـي
يا جاهـل اسمـع تماثيـل مرتبهـا
فيها معانـي جميـع القيـل والقالـي
مثل المحابيـب زادت فـي قوالبهـا
في صرفها زايدة عن قرش وريالـي
يـارب توبـه وروحـي لاتعذبهـا
يوم القيامـة اذا ماضاقـت اعمالـي
وازكي صلاتي على المختار واوهبها
شفيعنا يـوم حشـر فيـه الاهوالـي
يتــــــــــــــبع http://www.hawahome.com/vb/customavatars/avatar148_7.gif

http://www.hawahome.com/vb/customavatars/avatar148_7.gif

[ربانة]

تفكر بديوي الوقداني في زمانه وفي دنياه التي يعيش فيها والتي شبهها بالعجوز المتقلبة المزاج وفي الارزاق الشحيحة والاسعار الغالية ، وقال هذه القصيده الرائعة التي تصلح لكل زمان ومكان
http://www.hawahome.com/vb/customavatars/avatar148_7.gif
http://www.hawahome.com/vb/customavatars/avatar148_7.gif

آخر زمان وكل مـن عـاش خبـر
وبغيت اقول الميت ارجى من الحـي
ورد حبالـه فـي زمانـه وصـدر
ان كان اهو ضميـان ولا روى ري
ما عاش في هـذا الزمـان المغيـر
واحوالـه اللـي ماعرفنـا لهـا زي
دنيـا عجـوز وغيهـا مـا تغـيـر
تضحك مع الجاهل وتعجب هل الغـي
جار الزمـان وسـل نابـه وكشـر
واسعار طارت والمخاليق فـي لـي
وقـام الامـام وسـل سيفـة وكبـر
واهتز من صنعاء ليـا بـاب منبـي
والشمس دارت وجهها واقتوى الحـر
ما عاد يمنع من لضـا حرهـا الفـي
والطير الاصفر عاشر الطير الاخضر
بطيور ما نعرف لهـا وجـه وقفـي
والنار شبت والحطـب سـاع جمـر
واللي يدوس النار يصبر على الكـي
والنيل فاض وظنتـي يخـرب البـر
واهل البيوت الطارفـة مالهـا تـي
بعنوانها باخبرك عن كـل ماضمـر
شبت وشابت وابدلت عـود بصبـي
وراع النصيحة ضاع نصحه وعـذر
قال اسمعوا لكـن مـا يسمـع الحـي
وريح العوالي قابلت ريح صرصـر
وكل مافيهـا جـرى شـوف عينـي
والنمل جالـه ريـش نسـر وعمـر
وان استمر الحبـل لابـد مـن لـي
والنمـر حنـب والحصينـي تنمـر
حاسب حساب الغاب من جملة الفـي
وان كان الافعى نابهـا مـا تكسـر
عضت وسار السم لاصق مع الـدي
وان كان عظـم الداعيـة مـا تحيـر
اذا اظلمت ماعاد يبقـى لهـا ضـي
واللي حكم في سابق العصـر عبـر
تعبير يعقوب ابن اسحـاق يـا بنـي
الظلـم ظلمـة وان دخـل دار دمـر
ودنياك ما دامت لحاتـم ولـد طـي
منها السلامـة راس مـال ومتجـر
والقول كنـي لازم الشمـس بايـدي
واختـم كلامـي بالنبـي المـنـور
صلـى عليـه الله مـا سيـر الحـي
http://www.hawahome.com/vb/customavatars/avatar148_7.gif http://www.hawahome.com/vb/customavatars/avatar148_7.gif

يتـــــــــــ شعر الوقدانيات ـــــــــــــــــــــبع http://www.hawahome.com/vb/customavatars/avatar148_7.gif

http://www.hawahome.com/vb/customavatars/avatar148_7.gif

[ربانة]

يقول الشاعر بديويالوقداني في قصيدته الرائعة التي اشتملت علىجميع اغراض الشعر من الغزل والمدح والحكم وغيرها ،

http://www.hawahome.com/vb/customavatars/avatar148_7.gif http://www.hawahome.com/vb/customavatars/avatar148_7.gif


أول استبـداي باسمـك ياحـنـون
ياكريـم مـا تخالـفـه الظـنـون
امرك المحفوظ فـي كـاف ونـون
وانت لي فـي كـل مغـواة دليـل
هيج اشواقي حمـام فـي الغصـون
بات ساجع فـي بديعـات اللحـون
بيـن تغريـد وترجيـع يـهـون
مادرى اني في الهوى مثلـه عليـل
ياحمـام الـدوح هيجـت الغـرام
ما سبب نوحك ومالك مـن مـرام
اعطني عهدك وخـذ منـي ذمـام
بيعني شوقك وخـذ شوقـي بديـل
ان فـي قلبـي جـروح ماتطيـب
مابـدت حتـى يداويهـا طبـيـب
من هواجس جات من فرق الحبيـب
باح مكنونـي وصبـري مستحيـل
كلمـا هـب الصبـا قلبـي صبـا
من غزال في الحمـا فـاق الظبـا
ظبي جازي يرتعـي نبـت الربـا
يسلب العشـاق بالطـرف الكحيـل
مـال عنـي بالتجافـي والصـدود
مابقي غيـر الحسايـف والوجـود
كم رعيـت النجـم والعالـم رقـود
والمحاجر دمعهـا الصافـي يسيـل
زارني طيفه كمـا طيـف النسيـم
جـدد الاشـواق والعهـد القـديـم
وانثنى فـي داجـي الليـل البهيـم
قلت زدنـي قـال يكفيـك القليـل
آه مـن هـم شـوى قلبـي بنـار
وان طلبـت الصبرماالقالـه قـرار
كيـف ابـا صبروالحشـا للهم دار
صار مالكني وانـا عنـده نزيـل
قمت ممـا حسنـي عنـد الهجـوع
يـوم كـل نـام ولعـت الشمـوع
والهواجس جاتني تمشـي جمـوع
مثل ورد النحل فـي وادي طفيـل
أو كما سيل تسايـل مـن مضيـق
يقلـع الحيطـان والسـد الوثـيـق
يأخـذ الاشجـار ويسـد الطريـق
زاد عن حده وضاق بـه المسيـل
طار نومي يوم نامـت كـل عيـن
بت ساهـر مـع نجـوم الفرقديـن
من هواجس من جفا من جور ديـن

http://www.hawahome.com/vb/customavatars/avatar148_7.gif http://www.hawahome.com/vb/customavatars/avatar148_7.gif
يتــــــــ ـشعر الوقدانيات ـــــــــــــبع

[ربانة]

ما بقا الا البعـد عنهـا والرحيـل
صوب ارض الشام أو ارض العراق
عـل يـوم فيـه ينحـل الـوثـاق
كم نقاسـي والقسـا مـر المـذاق
ربما نلقـى عـن المنـزل بديـل
دع بـلاد الـذل وارحـل يالبيـب
واغتـرب فالكـل بالدنيـا غريـب
القضا مكتـوب والداعـي نصيـب
اركب الاخطـار والهـول المهيـل
وان جفتك الدار أو مـال الزمـان
لاتعيـش بــدار ذل أو هــوان
لـو يظلـي نبتهـا مـن زعفـران
صاحب الاخطـار واجعلهـا دليـل
شد عن ارض الاعـادي والحسـود
واطلـب العليـا وبالـغ بالجهـود
لو يكون العز فـي غـاب الاسـود
خير مـن دار تعيـش ابهـا ذليـل
كـل مـن رام العـلا يرقـى لهـا
سلـم الاخطـار فــي اهوالـهـا
مـن تراخـى عزمتـه مانالـهـا
دونهـا يقصـر البـاع الطـويـل
اقطع البيـدا علـى عـوج النضـا
لو يكن تمشي على جمـر الغضـا
مـا يفـوت العمـر قـدام القضـا
دين عنـدك ليـن ياتيـك العميـل
عاشر الاحرار مـن اهـل الرتـب
تستفيـد العـقـل منـهـم والادب
حيث هم اهـل المـروة والنسـب
واترك الانذال مـا منهـم حصيـل
سل عـن الجيـران قـدام النـزول
وان سمعت الناس تهـرج لاتقـول
تكتسـي ثـوب المعـزة والقبـول
والخلايـق يذكرونـك بالجمـيـل
كم كـلام راح فـي نقلـه نفـوس
وانت ماتاخـذ علـى نقلـه فلـوس
لاتفتـش كـل حـب فيـه سـوس
كم تخوض الناس في قـال وقيـل
صون عرضك من ملاغات السفيـه
واترك الكذبـان سـودان الوجيـه
من حكى عنهم يعـود الكـذب فيـه
كيف تاخذ هرج مـن بايـر هبيـل
اترك البيت الردي وانص الرجـال
خذ عريب البيت مـن عـم وخـال
يوم تنظـر فـي ولدهـا كالهـلال
وان مشى بالدرب ما يغوى الدليـل
خذ عزيز البز من زيـن القمـاش
والردي لو كان يعطونـك بـلاش
ما يفيدك كيف تاخـذ شـي مـاش
بيعـة المغبـون منهـا يستقـيـل
دور الطيـب لـو وغـال الثمـن
لو يكون القصد في صنعـا اليمـن
لا تغرك صقلـة الوجـه الحسـن
ابـذل المجهـود بالمـال الجزيـل
الذهـب مـا يخلطونـه بالنحـاس
غير بعض الناس ما عنـده قيـاس
خذ نصايح ما حواهـا بـو نـواس
مثل نظم الـدر واللولـو الأصيـل
وان ملكت المال لاتغـدي شحـوح
اطعم الجيعـان واكسـي كـل روح
الدبـش والمـال لابـده يــروح
والثنا والمجـد جيـل بعـد جيـل
هم روحك واغتنم عصـر الشبـاب
ان لـلأيـام مـيـل وانـقــلاب
ونت فيها تنطـوي طـي الكتـاب
لاتغـرك صحـة العمـر الطويـل
اترك الدنيا ليـا جاتـك ضحـوك
لا تغـرك بالملاعـب والشكـوك
كم غرر فيها وكـم غـرت ملـوك
ضحكها غرار ما اسرع مـا تميـل
والعدو لا تأمنـه لـو بعـد حيـن
لو حلف بالبيـت والركـن اليميـن
الحقد والبغـض فـي قلبـه دفيـن
وان ضحك بالوجه قلبه لـك غليـل
خـل عنـك الكبـر فالله الكبـيـر
لا تحاقـر عـاجـز والا فقـيـر
واعلـم ان الأمــر لله الخبـيـر
يقصـم الجبـار ويعـز الذلـيـل
http://www.hawahome.com/vb/customavatars/avatar148_7.gif
ربـــــــــــــــــــــــــ تحييكم ـــــــــــــــــــــــــــــــــــــــانة

[عادل الثبيتي]

يعطيك العافيه وبارك الله فيك وجزاك الله خيراً ،،،

[الفراولة22]

رااائعة
شكراا لك

[kingstars18]

شكرا لك وبارك الله فيك،،

[ربانة]

الاساتذة

عادل الثبيتي



الفراولة 22



كينج ستارز 18



شكرا جزيلا على المرور حفظكم المولى ورعاكم