الله يجزاكم خير عندي درس نموذجي للشغل والطاقه الي يقدر يفيدني يليت مايبخل علي وشكرا

[شووقه]

السلام عليكم ورحمة الله
بصراحه انا فعلا محتاجه توجيهاتكم واقتراحاتكم
الي يقدر يساعدني لايتاخر وجزاكم الله عني خير

[ريمونه]

مرحبا اخت شووقه انا مثلك عندي نفس الدرس ومتوهقه اش اسوي باقي على درسي اقل من اسبوع

[شووقه]

شكرا ياريمونه على الرد بس ياليت احد يتضامن معنا ويساعدنا

[أثيـــــر]

أنا عندي نفس الدرس

اتمنى نلاقي مساعده

[جوري74]

وأنا عندي نفس الدرس الأسبوع الجاي وشكله ماحولنا أحد لكن الله يفرج للي بيفرج لنا ويرزقه من واسع فضله

[ريمونه]

أخواتي العزيزات شرحت الدرس اليوم وربي سهل أموري والجميع أعجب بالدرس

[جوري74]

الله يفرج لك ياريمونه أعطينا من أفكارك في هذا الدرس وهل أستخدمتي الحاسوب أم لا وماهي أفكارك في التطبيق والوسائل التي أستخدمتيها الله يسعدك والله في عون العبد مادام العبد في عون أخيه لأن عندي الدرس يوم الثلاثاء الجاي

[ريمونه]

اخت جوري انا بديت الدرس بورقه عمل للتمهيد الي موجودة في الموقع وكان فيه عرض بور بوينت للدرس
وفلاشات متحركه لكل نوع من انواع الطاقة اعرضها اولا ثم تستنتج الطالات نوع الطاقة

[ريمونه]

انا ماأعرف ارسل على الموقع الفلاشات والعرض والله باحاول وارسلة لك ياأخت جوري

[جوري74]

مشكوره حبيبتي والله يجزاك الف خير ويناولك الي في بالك والله أنك أخت رجال بس فيه عندي سؤال هل أعطيتي أنواع الطاقه مع الطاقه والشغل وهل كفى الوقت

[ريمونه]

أخت جوري أنا عطيت تعريف الطاقة مع الانواع وطبعاً مع عرض الفلاشات لكل نوع من انواع الطاقة ماراح تكفي حصه واحده أنا اخذت حصة ونص

[جوري74]

مشكوره ياريمونه وأنا سوف أشرح بأذن الله فقط الشغل يوم الثلاثاء هذا أدعيلي بالتوفيق

[كلنا للفيزياء]

الله يعافيكم عطونا أفكاركم اللي طبقتوها في درس الشغل والطاقة وطريقة ورقة العمل تكفــــــــــــــون ياريمونة وياجوري وجزاكم الله عني كل خيـــــــــــــــــــــــر بس رجاء ً لاتتأخرون علي درسي يوم الإثنين...[ أنــــا حـــــزيــــــــــن ]

[جوري74]

كلنا للفيزياء أنا درسي يوم الثلاثاء هل درسك الأسبوع هذا أخبريني حتى إذا سهل الله لي درسي يوم الثلاثاء أرسلتلك أفكاري البسيطه

[medical physics student]

السلام عليكم
اخواتي العزيزات ممكن تعطونا معلومات عن الدرس اللي تم شرحه والفايدة للجميع بس عندي سؤال انا الحين ادرس في الفيزياء الطبية في جامعة ام القرى وفاهم الفيزياء زين بس بصراحة احس ان المناهج اللي تدرس في المدارس تختلف عن موضوعات الجامعة بكثير يعني مناهج التعليم مختصرة مرررررررررررررة هل تتفقون معي ؟؟ وبعدين هل من المعقول ان يصبح الفيزيائي الطبي في حقل التعليم بعد ما تلقى تدريبه في المستشفيات المتخصصة بعلاج الاورام الرسطانية ؟؟ كيف يعقل هذا ؟؟ واذا حابين تتاكدوا اسئلو طلبة جامعة ام القرى ................ وشكرا

اخوكم/ medical physesist

[كلنا للفيزياء]

مشكورة ياجوري أنا درسي غدا ً ولكن أطمح أن أحصل على أفكار منكم يمكن تكون أحسن من أفكاري خصوصا ً اني دائما ً أشتغل على دروسي الى آخر لحظة .. إذا عندك شي لاتتأخرين علي لأني الليلة عندي شغل كثيييييييييير (قد شعر راســــــــي ) والله يجزاك عني كل خير ..

[كلنا للفيزياء]

أختي جوري أنا درسي غداً لكن يمكن تكون أفكارك أحسن من أفكاري ..!! خصوصاً اني أحب أشتغل على دروسي لآخر لحظة لأني دايم أطمح للأفضل ..الله يعافيك عطيني أفكارك بأسرع وقت لأني الليلة شغلي قد شعر راسي........!!!!والله يجـــزاك عني كل خير ..ويوفقك بدرسك ويسهلك..

[جوري74]

أبشركم سهل الله لي وشرحت الدرس يوم الثلاثاء مفيه أفكار بس التجديد أني قسمت الفصل إلى أربع مجموعات وسميت كل مجموعه بإسم شوكلاته ( سنكرز - جالكسي - باونتي - مارس )وزعت عليهم أوراق عمل تخص أستنتاج الصيغه الرياضيه والتعريف والوحدة وحل التدريب وكانت ألأسءلة مطبوعة لكل مجموعة على ورقة فيها صورة الشوكلاتة الخاصة بتلك المجموعة والتطبيق عبارة عن أسءلة موجودة في ورقه ملفوفه في ورق مقوى موضوعة في قرطاسة شوكولاته كبيرة يعني جالكسي أبو ريالين وكل مجموعة تأخذ السؤال الموجود في الشوكلاته الخاصه بها والمجموعه الفائزه تأخذ هديه كيس شوكلاته .
أرجو أنكم تعطوني رايكم لأنها والله من بنات أفكاري

[كلنا للفيزياء]

أووووووووووووووووه ياجوري قمـــــــــــــــــــــــــــة الإبداع ....لكن حرام عليك كان قلتي لي عن هالفكرة عشان أضيفها لدرسي عالعموم زين اللي سهلها لك الله وعدت على خير ...الدور والباقي علي أنا لسوء حظي تغير موعد درسي وبالتالي تغير الدرس كله فصرت الحين المفروض أشرح عن الهيدروميتر وطالما عندك أفكار جهنمية ..ساعديني بأفكار مختلفة لدرسي ...الله يوفقك ويجزاك عني كل خير ..طلب أخير
< عارفة ثقلت عليك > تذكري نفسك لما كنت تستعدين لدرسك وعيشي حالتي الحين ...تحياتي

[كلنا للفيزياء]

"]أووووووووووووووووه ياجوري قمـــــــــــــــــــــــــــة الإبداع ....لكن حرام عليك كان قلتي لي عن هالفكرة عشان أضيفها لدرسي عالعموم زين اللي سهلها لك الله وعدت على خير ...الدور والباقي علي أنا لسوء حظي تغير موعد درسي وبالتالي تغير الدرس كله فصرت الحين المفروض أشرح عن الهيدروميتر وطالما عندك أفكار جهنمية ..ساعديني بأفكار مختلفة لدرسي ...الله يوفقك ويجزاك عني كل خير ..طلب أخير
< عارفة ثقلت عليك > تذكري نفسك لما كنت تستعدين لدرسك وعيشي حالتي الحين ...تحياتي[/COLOR]

[جوري74]

ياحلوة تقصدين أفكار في كيفية عرض الدرس ولا معلومات في الدرس وتجارب كفائدة المعدن وأن الهيدرومتر مفرغ وليس مصمت هناك تجارب تخص ذلك أما أفكار أخرى في التطبيق فهناك موقع منتديات يزيد التعليميه والله أسئل أن يسهل لك

[كلنا للفيزياء]

شوفي أي معلومة أو فكرة عندك تحسينها غريبة وممكن أتميز فيها بدرسي ..تكفين لاتبخلين علينا..سواء في عرض الدرس او في طرق التدريس المتبعة أو في التطبيق أو ابلمقدمة وجزاك الله كل خير

[جوري74]

شوفي ياحلوة أفكار غريبة مافية لكن في تركيب الهيدرومتر نعم
أجري تجربه بسيطة أحضري مخبار وماء وساق زجاجيه وحبيبات معدن وأنبوبة أختبار
اولأُ ضعي الساق الزجاجية المصمته في المخبار المملؤ بالماء سوف يلاحظون أنة ينزل في الأسفل أما إذا وضعتي أنبوبة الأختبار المجوفه فسوف تطفو لذلك صنع الهيدرومتر مجوف
ثانياُ : أنبوبة الأختبار سوف تطفو مائلة ولكن عند وضع حبيبات المعدن فيها سوف تطفو عاموديه وهذا فائدة تثقيل الهيدرومتر بالمعدن حتى يبقيه في وضع عامودي حتى نتمكن من القراءة الصحيحة

[كلنا للفيزياء]

مشكورة ياجوري أنا كان طاري علي إني أتوصل لتركيب الجهاز مع البنات خطوة بخطوة مثل ماقلت لكن أنا أفكر أستخدم أستراتيجية القبعات الست ..
أبغاك تساعديني كيف أوظفها في الدرس أنا فكرت أني بعد ماأتوصل لتركيب الجهاز وأنتهي أبدأ بالقبعات وانت عارفة كل لون يرمز لمعنى
مثلا في البداية الأحمر ...ماهو شعورك عندما قمت بصنع هذا الجهاز ؟
الأسود .........ماهي السلبيات التي واجهتك أثناء صنع الجهاز ؟
الصفراء ......ماهي مميزات الجهاز الذي قمت بصنعه ؟
الأخضر ......كيف تمكنت من القضاء على السلبيات ؟
الأزرق ......ماهي مقترحاتك لتطوير الجهاز الذي حصلنا عليه ؟
أمانة وش رايك بالفكرة هذي ومتى أستخدمها ؟ أخليها بعد مانحصل على الجهاز ؟؟ والا أخليها لإي كل مرحلة من صنع الجهاز أطلع لون متناسب مع النقطة اللي وصلتها في الصنع ؟
بعدين أنا راح أستخدم التعلم التعاوني ..بشكل البنات مجاميع ... كل مجموعة تسوي جهاز ...
معليش ياجوري عارفة أني تعبتك لكن الله يجزاك عني خير ...تلقينه في موازين حسناتك انشالله وياليت الكل يساعدني في درسي ولكم الأجر
وكذلك التقويم النهائي مابعد قررت كيف أسويه..... (( أريـــــــــــــــــد مســـــــــا عـــد تــــــــــكــم ))

[جوري74]

كان ودي والله أفيدك في حكايت القبعات لكن مأعرف عنها شئ لكن الي فهمته من كلامك انها فكره رائعه وأتمنى إني أسويها مستقبلاُ إذا عرفت عنها أكثر وقلبي معك والله يسهلك وزي ماقلتلك التطبيق من منتديات يزيد التعليميه فيه أفكار جداُ رائعه لعضوه أسمها جداول أدخلي وماراح تندمين

[كلنا للفيزياء]

مشكورة حبيبتي جوري على مرورك ....يعطيك العافية ساعدتيني كثير بأفكارك ..الله يجزاك خير وسامحينا على الإطالة عليك ........................تحياتي ,,,

[آفاق]

ما شاء الله تبارك الله عليك ياجوري .....تحية طيبه لكي

كلنا للفيزياء ..اتمنى افيدك لكن انا جديدة ومتأخرة بالمنهج

[فيصل الغانم]

الموضوع موجودبشروحاته وفلاشاته واوراق عمله من الاستاذه جود
على الرابط
http://www.phys4arab.net/vb/showthread.php?t=17556

تحياتي

[كلنا للفيزياء]

شكرا ً حبيبتي آفاق على المشاعر الطيبة ... أخوي woooooow شكراً لإهتمامك بالموضوع ويعطيك العافية ...
لكن لما فتحت الرابط المذكور ماحصلت شئ .. فهل أنت متأكد من صحته .......

[مزون]

السلااام عليكم

رائعة فكرتك يااختي كلنا فيزياء

أما الرابط فموجود عليه الفلاشات و العروض

[كلنا للفيزياء]

وعليكم السلام أختي مزون الله يجزاك خير على مرورك وعلى دعمك لفكرتي حيث اني والله في ورطة ..!!!
لكن لما فتحت الرابط طلعت لي أسماء الأعضاء ولم أجد أي شرح أو فلاشات فكيف يمكنني الوصول اليها ...وجزاك الله الف خير ..........تحياتي..

[كلنا للفيزياء]

يعطيك العافية أخيراً فتح معاي
<< جــــــــــــــــزاك الله الف خيـــــــــــــــــــر >>