ساعدوني ضروري تكفون في البندول

[ام نمر]

السلام عليكم
ابي اعرف كيف اثبت السرعة الزاوية في البندول ص21
وابي حل النشاط (6-4) ص22
ضروري عندي درس بكرة وانا معلمة جديدة محتاسة راح تكسبون فيني اجر ابية الليلة ضررروري

[gravity]

تفضلي الاثبات عزيزتي


بما ان قش = - ك × جـ × جاهـ -------->1
ومن قانون نيوتن الثاني ت = ق / ك ----------->2
اذن نعوض من 1 في 2

ت = - ك × جـ × جاهـ / ك << هنا تروح الـ ك مع الـ ك

ت = - جـ × جاهـ -------> 3

ومن الرسم وترسمين الطرف الايمن لحركه البندول

وتخلين الخيط المايل هو الوتر وارمزي له بـ ل << يمثل طول الخيط والخط الافقي اللي تحت يوصل بين الكره اقصى ازاحه يمين لحد نقطه الاتزان بـ س <<لانه بعد النقطه

نوجد الان من الرسم قيمه جاهـ
اذن جاهـ = المقابل / الوتر = س / ل ------------> 4

نعوض الان من 3 في 4 اي في قيمه ت اللي في 3

ت = - جـ س / ل --------> 5
بما ان ت س = - ع ز^2 × س -------> 6

نساوي المعادلتين رقم 5 بـ 6

ت = ت س

- جـ س / ل = - ع ز^2 × س

بالقسمه على س في الطرفين والتخلص منها في الطرفين وايضا نتخلص من السالب من الطرفين

تصبح الصوره النهائيه هي

ع ز^2 = ج / ل


وباخذ الجذر التربيعي وانتهى الاثبات


اكتبيها في ورقه وراح توضح

لان تعرفين الكتابه في المنتديات ما توضح الرموز بشكل صحيح

بالتوفيق

[ام نمر]

جزاك الله الف الف الف مليون خير عن جد فرحتيني كنت شايلة هم ايش اقول للبنات

[gravity]

وياك يا ام نمر


ربي يسهل بكره درسي هذا :)

وانتي بعد ؟

[احب الفيزياء مووت]

بارك الله فيك

[mis_me]

جزاك الله ألف خير

[أغلى من الغلا]

جزاك اللة خيرأ كنت قد فقد الامل

[القمري]

بما ان قش = - ك × جـ × جاهـ -------->1
الأفضل من وجهة نظري استخدام رمز آخر للقوة المحركة للكتلة ك
لأن قش هو رمز لقوة الشد في الحبل ويتم حسابه بدالة الجتا