لماذا تعتبر مشاركة المصريين ضعيفة

[مدحتكو]

سؤال مهم يطرح نفسه
أرجو المشاركة معي وابداء الآراء فيه
لماذا تعتبر مشاركة المصريين ضعيفة في هذا المنتدي وأغلب المنتديات العلمية
مع العلم بدخول الانترنت كثير من البيوت
هل لأن اهتماماتهم غير علميه؟
أم بسبب عدم تطور المدارس بالدرجة الكافية لتلاحق التعليم الالكتروني والسبورة الذكية والكمبيوتر و...؟
أرجو المشاركة وابداء الاراء

[المحب لدين الله]

السلام عليكم ورحمة الله وبركاته

شكرا لك أخى العزيز على طرح هذا الموضوع


أنا اعتقد ان قلة مشاركة المصريين فى المنتديات العلمية هى ترجع لأسباب كثيرة اذكر منها :

ان الطلبة المصريين يكتفون بالمادة العلمية الموجودة فى الكتب فقط ولا يتطلعون للبحث عن أكثر

بعض الناس يعتقدون ان الدخول على الانترنت فى الدراسة مضيعة للوقت خاصة وكلنا يعرف ان الكمبيوتر سارق للوقت وان الانترنت بحر ليس له آخر

وهناك من الناس من ليس لديهوقت لتصفح الانترنت

والبعض يهتم بالالعاب وغيرها من وسائل الترفيه على الانترنت ولكن هناك من يشارك فى المنتديات العلمية من المصريين


وعلى العلم أنا من مصــــــــــــــــــــــــــــــــــــر

[مدحتكو]

مشكور يا أخ محب لدين الله واتفق معك في الرأي
وأعتقد أن هناك أسباب أخري فمن يشاركنا برأيه

[الفتاة الأسطورة]

أنا كمان من مصر بس للأسف معرفش حد ممكن يكون بيدخل مواقع علمية على الإنترنت وأعتقد إن السبب ممكن يكون في اسلوب التعليم أو المعلمين
فأنا مثلاَ محدش شجعني للدخول والتسجيل في هذا الملتقى غير معلمة الفيزياء الله يعطيها العافية

[محمد شعبان محمد]

انا كمان مصري بس ما بدريسشي
في مصر
انا بدريس في السعودية
بس أظن ان اسبب ان الطلاب عندهم مصادر تكفيهم
وفي مباراة لمصر شوفوها

[محمد شعبان محمد]

نا كمان مصري بس ما بدريسشي
في مصر
انا بدريس في السعودية
بس أظن ان اسبب ان الطلاب عندهم مصادر تكفيهم
وفي مباراة لمصر شوفوها

[مدحتكو]

مشكور يا أخ محمد شعبان محمد علي المباراة
ولكن هل تعتقد أن إخوانك الطلاب المصريين في مصر لديهم مصادر تكفيهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

[إبنة عظيم الفيزياء]

انا بردو من مصر لكن فى الجامعه

اعتقد ان ما موجود فى الكتب بالنسبة للمرحلة الثانوية .. يكفى ويفيض لذلك الطلبة لا تجد مجالا للتوسع عبر النت

لكن فى المرحلة الجامعية كل شغلنا بيبقى على الانترنت .. وخاصة لما بيطلبوا مننا ابحاث

[نيوتن1989م]

لماذا لا توجد نسخة إلكترونية لكتب الفيزياء في المنهاج المصري؟؟

[adhem sapry]

السلام عليكم ورحمة الله وبركاته
أناكمات من مصر
وبحسسونى أنى اينشتين عشان بدخل مكتبة المدرسة

[وفاء(أم أسامة)]

لماذا تعتبر مشاركة المصريين ضعيفة
الجواب ببساطة.. لأن المصريين مطحونين ...
فلا يخفى عليكم المعاناة التي يعيشها المواطن المصري للسعي وراء حياة كريمة معقولة.. فلا وقت للإطلاع ولا وقت للإبداع
والطالب المصري لا يرى في مستقبله ما يبشر بالخير .. فالإبداع في مصر ميأكلش عيش بتعبيرنا الدارج ..وسينتهي به الأمر إلى معلم راتبه لا يكفيه ليومين فيضطر أن يلجأ للدروس الخصوصية حتى يوفر الحد الأدنى من الحياة الكريمة ..
أما مستوى التعليم فحدث ولا حرج.. فالمناهج العلمية مكثفة ومبهمة في بعض الأحيان ..وإن لم تكن كذلك فهي لا تهتم بالجانب الفكري والإبداعي..
وأنا اطلعت على مناهج الأحياء في الكويت ووجدت سلاسة ووضوح في تناول المادة العلمية وفرق واضح ..
أما الشباب فهم مستهدفون بلا شك وأبسط دليل على ذلك .. كم الأفلام الإباحية التي تعرض على السنيما المصرية التي تشمئز لها النفوس وتدمع لها العيون..
و..و...
كان الله في عوننا

[alshater]

المصريين مشاركتهم ضعيفة ؟؟؟؟؟ سؤال غريب
هل هناك مثل المصري أصلا ؟ مطحون مجتهد ثابت نفسه رغم كل المحن
قبل ما أحد يسأل يحاول يجاوب على سؤالي لماذا المصريين دائما موضع السؤال ؟ هو مافي غيرهم؟

[Physics_Genius]

يا شباب اية الكلام دة ان الاربعة العرب الحاصلين على جائزة نوبل مصريين وهذا أكبر دليل على تلك الادعاءات الكاذبة بأن المصرى
يفتقد القدرة الإبداعية

[مدحتكو]

أشكر الأخوة اللذين شاركو ( أم أسامة وأدهم صبري والشاطر) وأحب أن أنوه لشئ
انا لم أثير هذا الموضوع من أجل المقارنة بين المصريين وغيرهم
إنما أثرته بصراحة بسبب ثراء وغزارة مناقشات أعضاء الملتقيات المختلفة ومشاركاتهم الفعالة التي تجعل الواحد منا يتلهف من أجل الدخول علي الموقع ومعرفة الجديد والمشاركة معهم
هذا من جانب ومن جانب آخر أجد أعضاء الملتقي المصري هنا قليليون وحتي لو دخل الأعضاء فإنهم لا يشاركون

[استاذ اسامة]

هي المشكله عموما بترجع لضيق الوقت عند المصريين
وكل واحد بيدور علي مصدر تاني للرزق
واعرف ناس كتييييييييييييييير مثقفه جدا وبتحب العلم لكن مش قادر علشان بيشتغل شغلنتين والله في ناس اكتر من اثنين ومش فاضى بقي للنت
نت ايه دلوقتي وانت عارف ظروف المعيشه في مصر عامله ازاي
ربنا يوفق الجميع لكن انا شخصيا بحب الاطلاع والمشاركات جدا المهم انت عامل ايه دلوقتي
ربنا يوفقك

[FUTURE_MAN90]

ادا كان رب البيت بالدف ضارب ........
هذه الثقافه مجهوله للمصريين للاسف
____انا مصرى واتمنى الافضل لمصر _____

[Haythoom]

يا أخى الكريم
كل هدف طلاب الثانوية انهم يجيبوا مجموع كبير يدخلهم الكلية اللى عاوزينها
واحنا علينا 5 مواد
المادة كلها حفظ ( ماعدا الفيزيا والرياضة فيهم شوية فهم )
فالطالب معاه الكتب الخارجية وشغال
مش محتاجة حاجة
هو لو ذاكر الكتاب كويس هيجيب ال 50
فمش محتاج يطلع
وفى ناس متعرفشى الموقع زيي مثلا انا دخلت علشان اجيب فلاشات فيزيا يمكن استفاد
انما فى ناس مبدعين فيزيا فى الدراسة عندنا بس مش بيدخلوا ع النت أساسا
يعنى تقول شوية عوامل كدا

وان كنت مسجل انا من زمان فأكيد كنت داخل اجيب شئ من المنتدى وطالع
اسف للإطالة

[Haythoom]

وبالنسبة للمدرسين تقدر تقول الدروس الخصوصية مش مخلياهم فاضيين
اهم شئ الفلوس

[عايز اتعلم]

تقريبا وجود التبسيطات وكمية الاسئلة والاختبارات الهائلة لكن بالمملكة مفيش غيره واحد ولا اثنين والاسئلة تتعد على الصوابع
وكمان الدروس الخصوصية

[.. فجر الإسلام ..]

بما إننـــا في (مصــــــــــــر) فكده كده الطالب عارف إن مش ليه إلا كتاب المدرسة واللي جه فيه فالموضوع مش محتاج توسع ملهوش لازمة في الثانوية العامة وكده كده بردو الطالب بيكون وقته ضيق .. فممكن اللي بيدخل يدخل بدافع الفضول أو لشيئ معين أو تنمية مهارات وتوسيع أفق ..

وأنا طالبة ثانوية مصرية .. وده فكر أغلب الناس عندنا بالنسبة للتوسع ع النت .. وعلى فكرة هو صح .. الطالب هنا لو ألم باللي عنده وإهتم بكتاب الوزارة وكتاب خارجي كويس هيعدي وبمجموع كويس إن شاء الله ..

أما كونه يدخل ع النت بشكل رئيسي (للتوسع) فده أعتقد مش ليه فايدة كبيرة عشان ممكن يشتته ويلغبطله دماغه ..

وكمان فكر أهالي كتيييييير في مصر إن النت ما هو إلا مضيعة للوقت فتلاقي ناس كتيييييير تفصله مع بداية الدراسة ..

ده غير إن أصلاً الطالب هنا ده مش أسلوبه ..

هو أخد على كتاب المدرسة العقيم أو حتى الكتاب الخارجي والقلم والورقة والسبورة ..

بس مع ذلك في ناس كتير متفوقة وفي عقول جبارة ما شاء الله ..


تقبلوا تحياتي ..

[.. فجر الإسلام ..]

ومش كل المدرسين الخصوصيين ماديين على فكرة ولا ده فكرهم كلهم ..

بس هما بردو بيشغلوا الطالب جامد ..

بما إننا في مصر معتزلين المدارس في 3 ثانوي ..

[Al.austaz]

هذا يرجع لعدة أسباب ومنها :
1 - منهج الفيزياء معظمه منهج قديم لابد من تغييرها الى الأحدث
2 - معظم المعلمين لا يقومون بإستخدام الأدوات المعملية ويعتدون على الشرح النظرى
3 - كثرة غياب الطلاب مما يفقد الطلاب القدرة على ربط موضوعات المنهج
4 - الذين يقومون بتدريس هذه المناهج يحتاجوا الى تدريب لأنهم يقوموا بتحفيظ الطلاب المعلومات كما هى دون فهم
5 - المستوى التفكيرى للمعلمين ضعيف
6 - اغلب المعلمين يطلبوا من الطلاب حفظ المعلومة كما هى مكتوبة دون تعديل فى اسلوب الكتابة
7 - الطلاب تعودوا على الحفظ فقط وإذا وجدوا موضوع يحتاج الى فهم فلا يستطيعوا فهمه كما يجب
8 - الإختبارات معظمها لا تقيس مستوى الطالب من حيث فهمه للمنهج ولكنها تقيس مستوى ما تم حفظه
9 - الأسئلة التى يلقيها الطلاب الى المعلمين ضعيفة المستوى لا تدل على أن السائل ذو فهم ضعيف
10 - هروب الطلاب من المعلم الذى يعتمد على الفهم وليس الحفظ
11 - الجامعات الخاصة فتحت الباب لاولياء الامور القادرين على إدخال ابناءهم مما ادى لعدم الجدية فى الدراسة
ولذلك معظم الطلاب يخافون من الدخول فى اى مضمار للمناقشة