المساعد الشخصي الرقمي

مشاهدة النسخة كاملة : سعيدان ... مسوي هوااايل !!


Mr-z
14-05-2009, 20:08
--------------------------------------------------------------------------------

جلست مع زملائي في غرفة المدرسين وكنا نسولف عن فصل ( أ ) وان طلاب هذا الفصل مستواهم الدراسي في تناقص وكيف انهم متفقين دائما مع اي شئ يريحهم من الواجبات ويلحون في التحديد للاختبارات واذا ماجابوا درجة يلحون في اعادته ويتذمرون من طول الشرح او كثرة التمارين وكان من بينهم طالب اسمه سعيدان وهذا طويل وطحش ( طحش بمعنى عريض المنكعين خخخخ ) وهو زعيمهم ومنظم الاحتجاجات ودائم يتحدث عنهم حتى انه مرة قال لهم لازم نسوي انقلاب على المدير والمدرسة ... ضحكنا من هالكلمة شوي واتفقنا على اننا لازم نشد عليهم وان شاء الله يصيرون احسن من الفصول الاخرى .

طلعت من الغرفة وانا ماشي بالسيب فيه عامل نظافة ينظف البلاط بالماء والصابون

ومريت من جنبه ومانتبهت للصابون ...

وتحصل المفاجأة ..

وازلق ....... وشوف الدنيا فوق تحت ( شقلبة ماحصلت في البطولة الاوربية هههههه

طاااااااااااااااااااااااااااااااااااااااااخ على راسي

وبعدها انقطع البث من العالم اللي حولي وصرت مااسمع غير صوت عصافير ...صوصصصووصوصصو


ثم فتحت عيوني واذا اني في غرفة مظلمة والا هي مستودع المدرسة

استغربت وش جابني هنا ...


وبعدها سمعت صوت صياح وركض برا الغرفة واطالع من الطاقة (الدريشة) واشوف طلاب مجتمعين عند غرفة المدير وبعضهم يقول امسكوه كتفوه ... واشوف المدير بنفسه مكتف ومربط هو ومعه الوكيل ورابطينهم بشمغهم (( افا وش السالفة )) ومن بين الطلاب ...سعيدان ماغيره يمشي بينهم الين جلس بكرسي المدير وضرب بيده على المكتب وقال : ابغا باقي المدرسين يجون كلهم الان .... والطلاب على طول تفرقعوا من عنده وانتشروا في نواحي المدرسة ....وكل شوي وهم شايلين مدرس وماخذينه لغرفة المدير

قلت افا سووها انقلاب مرة وحده

وصار عندي صراع داخلي :

نفسي تقول : هج وانحاش واطلب السلامة

وضميري يقول : افا الى هالدرجة طلعت خواف

نفسي تقول : بلا خواف بلا خرابيط هذي مافيها شجاعة والكثرة تغلب الشجاعة

ضميري يقول : روح مثلك مثل زملائك والموت مع الناس رحمة

نفسي تقول : العمر واحد لا تروح بكرة يقولون الناس راح الله يرحمة ماتهنى بحياته

قطعت الهواش وقلت طاوع النفس هالمرة .... واطلع من المستودع بسرعة واركض ركيض يم باب الخروج ويشوفني واحد منهم طالب صغير ويصيح بااعلى صوته : استاد مستر زد يبي ينحاش الحقوه . طالعت فيه و قلت اوريك بعدين امسك . وربشني هالصغير وارتبكت و غيرت اتجاهي ورحت اتجاه الدرج اللي يودي السطح واطلع معه للسطح وعشرين واحد منهم وراي وفي السطح مالقيت غير خزان الماء وافتح غطى الخزان وطب طشششششش بوسط الخزان واندس فيه واسكره علي . ويجون يدورون مالقوا احد ثم نزلوا وبعد ماتاكدت انهم نزلوا طلعت من الخزان وانا حالتي حاله ومبلل وغرقان وشوي واسمع صوت المكرفون والا هذا صوت سعيدان يقول :

استاذ مستر زد تعال وسلم نفسك احسن ترا مافيه امل تطلع من هنا حنا مسوين انقلاب والمدرسة مقفلة بالكامل

وصوت المدير من وراه : مستر زد انقذنا تكفى ..... وسعيدان يقول له اسكت طاااخ

عاد المدير قال تكفى وانا مع تكفى مااقول شئ .... يسمع ان كلمة تكفى تهز الرياجيل ...( وينك يوم طاوعت النفس وانحشت ))

وقررت اني انقذهم ......(( اكيد جايهم سوبرمان بشرشفه الاحمر ههههه ))

وانزل الدرج واروح للمصلى والقى كل الطلاب ومعهم المدير والوكيل والمدرسين مربطين واجري باتجاهم واصيح وخروووا عني تراني قوي ... واطالع فيهم والا نصهم جايين يمي يركضون واوقف واول ماقربوا مني قلت : بـــوووو ...(( قلت يمكن هذي تخوفهم .... وكان هذا اخر سلاح استخدمته خخخخ




وامسكونا وصفونا صف واحد وحطوني عند المدير وطالع في وقال :

هذا اللي يبي ينقذنا وحاطين املنا فيك

قلت : يااخي ترا ماقصرت انا اكثر واحد فيكم طول ماامسكوه ....( ياسلام على القوي وعذره خخخخ


واخذ سعيدان المكرفون وقال :

نصدر الحكم وهو ان كل مدرس تعبنا بالشرح والتمارين والواجبات والاختبارات يحكم عليه انه ياكل كتاب المنهج لمادته صفحه صفحه والحكم بالعفو عن مدرسين البدنية والرسم .....

واول مدرس كان حق الجغرافيا ...... من حسن حظه ان كتاب الجغرافيا صفحاته قليلة

وقعد ياكل الصفحات صفحه صفحه الين خلص وعفوا عنه

وبعده كان مدرس العلوم ..... الله يعينه كتاب كبير بس يمكن الصور تساعده لفتح الشهيه

وبعده الرياضيات ... قلت الله يعينه كتاب كبير والحمد لله اني مافكرت في يوم اتخصص رياضيات هههههه


وبعدها جاء دوري وقلت احس اني احسنهم وكتابنا ماهو كبير مره

وعطوني بدل الكتاب كتابين

وش هذا ...

قالوا :

هذا كتاب النصف الاول وكتاب النصف الثاني.... (( يا لله كيف ماجاء على بالي ان الدراسه ترمين...



على طول اعترضت

وقلت : ليش كتابين كتاب واحد يكفي

قالوا : هذا حظك لان الفيزيااااء مانحبهااااااااا

قلت : طيب مايصير اقل شئ راعوا ضروفي انا نحيف وبطني صغير حدي الباب الاول والباب الثاني ...

قالوا : خلاص هذا الحكم

قلت : طيب الباب اسابع والباب الثامن مراجعه ممكن تحذفونها

قالوا : لا داخل المنهج قصدنا ضمن الحكم

قلت : طيب بس لا تقولون الغلاف معها

قالوا : اكيد الغلاف وكل شئ

قلت : الله يصبرني طيب ممكن عصير عشان يمشي حلقي بين الباب والباب

قالوا : خلاص ماهي مشكلة

وانا ابدأ بكتاب الفصل الاول لانه اخف شوي ....

والا ...


تشششششششششش


الماء اللي انرش على وجهي ...

وانتبه واذا هذا مدرس الرياضيات يقول :

الحمد لله على السلامة انت طيب تحس بشئ توك طحت من الصابون واغمى عليك شوي وبغينا نصحيك ماصحيت وراح العامل وجاب ماء ورشيته عليك والحمد لله وعيت انت وشلونك تحس بشئ

قمت وقلت : الحمد لله انا بخير بس ماكان فيه انقلاب وحكم وعلمته بالقصة كامله

قعد يضحك وقال :


تصدق ان كلمة انقلاب فيها شئ من الواقع ...!!


قلت :


أ ... أ ... اعتقد ... تدري ما ادري ... بالضبط ما ادري

زمردا
14-05-2009, 20:54
مرحبا مستر زد الله يسعدك القصه رررررروعه والحين ابرسلها الصديقتي

الحارث
14-05-2009, 21:42
بارك الله فيك على القصص الطريفة التي تسعدنا بها دوماً
(لكن عندي سؤال أتمنى الأجابه عنه هل أنت من تؤلف هذه القصص؟؟؟؟؟؟؟؟؟)

Mr-z
15-05-2009, 14:16
زمردا

مشكووووووورة على المرور الرائع

ان شاء الله السعادة والضحكه دوم على محيااااااك

لك مني اجمل وارق التحاااااياااااا

Mr-z
15-05-2009, 14:19
الحارث

مشكووووووورعلى المرور الرائع

ان شاء الله السعادة والضحكه دوم على محيااااااك

افاااااااااااا يا الحارث ..... افااااااااااااا

لك مني اجمل وارق التحاااااياااااا

nuha1423
20-06-2009, 22:58
بسم الله الرحمن الرحيم

السلام عليكم ورحمة الله وبركاته

رائع


رائع


رائع



والله وأنا بنص القصة حسيت إنو حلم


لا الصراحة حسيت بأني جوة مسلسل طاش ما طاش


فرح الله قلبك على الضحكة الصافية التي منحتها لقرائك


بارك الله فيك


وبانتظار جديدك


ودمت بخير

العالمه
20-06-2009, 23:42
أضحك الله سنك ....... أضحكتنا بقصتك الرائعه...


بارك الله فيك.

البيلسان2010
21-06-2009, 00:15
قصة رااائعة وطريقة سرد أروع

وأدخلت السرور لقلوبنا

أسعدك الله في الداريين

الحارث
21-06-2009, 14:37
الحارث

مشكووووووورعلى المرور الرائع

ان شاء الله السعادة والضحكه دوم على محيااااااك

افاااااااااااا يا الحارث ..... افااااااااااااا

لك مني اجمل وارق التحاااااياااااا

بارك الله فيك الآن فقط قرأت ردك... دمت مبدعا وننتظر الجزء الثاني من سعيدان مسوي هوايل!!!

Mr-z
14-05-2011, 14:03
nuha1423
اسعدني مرورك جدااااااااا
نورتي متصفحي
وشرف لي ووسام على صدري شهادتك
ودوم الضحكة على محياك
دمتي بحفظ الرحمن

ام النووووون
15-05-2011, 13:50
☀ * اسعدك المولى كما اسعدتنا شكرا لك * ☀

قصة رائعة

Queen *
15-05-2011, 14:15
مسسستر زد آنت مبدع
يعطيك الف الف عافيه
وجزاك الله الف خير

بإنتظار جديـــــــك ق1

معلم مصرى
15-05-2011, 22:24
لالالالالالالالالالالالالالالالالالالالالالالالالا لالالالالالالا

اخى الكريم لا تليق ابدا مثل هذه القصص ولو حقيقة او خيالية عذرا على النقد

ولكنى عندما قرأت معظم القصة لم استطيع اكمالها لا يليق ابدا

بمربى فاضل مثل حضرتك ان يقص مثل هذه القصص

كفانا استهزاء وتهكم فى اعلامنا الهابط والفاشل ... وتقبل نقدى

معلمه طموحه
15-05-2011, 23:17
بارك الله فيك

رسمت الضحكه على وجوهنا

amaal
15-05-2011, 23:29
أضحك الله سنك

بنوته طموحه
16-05-2011, 08:16
بارك الله فيك
رآآآئعه القصه
اضحك الله سنك***

Mr-z
19-05-2011, 01:24
العالمه
تسلمين على طلتك ومرروك الكريم .

الضحكة دوم على محياك
تقبلي خالص تحيتي ومودتي.