بس أبااااا اتطمن سؤال للمعلمات فقط !!! [الأرشيف]

صمتي المجبور

16-03-2006, 23:03

ســــلام صبايا كيفكم اتمنى تكونون بخييييير
بس حابه اعرف معلمات ثالث ثانووي وين واصلين بالمنهج وبالنسبة لفصل المغناطسية بتوزيع المنهج حاطين له كم اسبوووع ؟؟؟

ومممممممم لا بس

يعطيكم العافيه

toofisa

17-03-2006, 08:20

اهلين
عني خلصت فصلين وبكره باذن الله بابدى بالمغناطيسية حاسبه له ثلاث اسابيع 2 من شهر 2 وواحد من 3
واللي بعده اسبوعين من 3 واللي بعده اسبوع من 3 واسبوع من 4
باذن الله اقدر اخلص بهالفترة
وكل فصل احل تمارينه و اراجع للبنات يذاكرون على ثلاث اجزاء والرابع تمارين ومن اسئلة الرئاسة اعطيهم وكمان تطبيقات لكل فصل من الرئاسة يحلونها بالبيت ويجيبونها لي

إينشتاين

17-03-2006, 11:18

بالنسبه لي بكرة أشرح ربط المولدات وبعده حل تمارين ثم أشرح الربط المختلط وقوانين كيرتشوف تاخذ 4 حصص
ثم أبدأ في المغناطيسية اللي موضعته في شهر ونصف يعني ان شاء الله المراجعة تكون أسبوعين بدل من اسبوع

ماشيه على توزيع المنهج بس أشرح 5 حصص بدل من اربع حصص

صمتي المجبور

17-03-2006, 19:32

toofisa ماشيه تمام مثلي بس انا بكره خليته اختبار للفصل الثاني كامل لاجل يذاكرون والاحد ابدا بالمغناطسية يالله خليكي معاي على الخط

إينشتاين الله يسهل عليك وعلينا

ومشكورين على المرور

toofisa

17-03-2006, 20:00

تمام سوى :)
انا اقسم الفصل 3 اجزاء والرابع للتمارين لانه صعبة مذاكرته كله افضل براي تقسيم واخبرهم انه يذاكرون نهائي كانه بكره الاختبار

manal5

17-03-2006, 20:33

انا واصله لربط المقاومات ماشاء الله عليكم متقدمين انا تغيبت لفتره فهذا سبب تأخيري مع تمنياتي لكن بالتوفيق

إينشتاين

18-03-2006, 05:03

ليش طايرين في المنهج أنا ما قد تغيبت وأخذحصة خامسة أشرح التمارين
بس ما شيه على مهلي ليش أخلص بدري المراجعة أسبوع حسب التعميم وأن أن شاء الله أبراجعهم أسبوعين
والله يوفق

toofisa

18-03-2006, 17:06

براي مو طايريين ابد :) الا جالسة افكر هل يمديني
الحين باقي هالاسبوعين من 2 وشهر 3 وشهر اربعة يمكن اسبوعين محسوبة احس قليل وبعدين ثالث غالبا يغيبون بدري للمذاكرة واحسن ترتاحين وتراجعين وتروقين للتنظيم للاختبارات

صمتي المجبور

18-03-2006, 21:53

وين طايرين مابقي الا شهرين وكلها بغمضه عين تروح الله يستر ونخلص

مع تحياتي

دنيا الفيزياء

19-03-2006, 21:27

أنا بكرى قوانين كرشوف
وماشية مضبوط ولله الحمد
اسئلة الوزارة مقسمتها على الدروس أعطيهم أياها واجب
باقي لي حل المسائل علماأني أخذ 5 حصص بالأسبوع وعندي فصلين ثالث !!!!!!!!!!!

سلمى23

19-03-2006, 23:54

انا الان في قوانين كرشوف
وان شاء الله يوم الاحد ابدا المغناطيسيه

toofisa

20-03-2006, 00:59

الله يوفقكم

ميجا2006

20-03-2006, 15:00

ما شاء الله عليكم الظاهر إن طالباتكم نوابغ أنا واصله إلى ربط المولدات
فهل أنا متأخرة مع العلم إني ما تغيبت ولا يوم حرر بتاريخ 20 /2 /1427هـ
ردوا على وقولوا لي ماذا أفعل حتى اتقدم في المناهج كلها ( أولى - ثانية - ثالثة ) فأنا ملاحظة على نفسي إني بطيئة جدا 00000000والله المستعان
والله يعين على المغناطيسية
ميجا2006

أم مصعب

20-03-2006, 22:14

حاولي أختي تأخذين حصة إضافيه لثالث في الأسبوع لأن خمس ويالله ماشين أنا بكره إن شاء الله كرشووف وحاسه إني متأخرة لأن ضروري الأسبوع القادم تبدأي مغناطيسية. وفقك الله وأصلا البنات مايحبون الفيزياء سواء شرحتي قليل والا كثير أنا جربت مع أول ثانوي مافيه قدرة على التركيز والاستيعاب.

أرض الشمس

22-03-2006, 17:55

أنا داخلة المغناطيسية على 25 صفر يعني عندي 8 أسابيع و الأخير مراجعة وآخذ 5 حصص . أكيد يكفي المهم الأعصاب تكون هادئة . وطالباتي استيعابهم يعني يحتاجوا وقت لوصول المعلومة لأن مستواهم أدبي لكن غصب يدخلوا وهذي مشكلة .....................

إينشتاين

15-04-2006, 21:41

إن شاء الله بكرة أبدا في الاجهزة الكهربائية +غلفانومتر الظل (((18 / 3 ))

ما أدري المعلمات ماشين معي أومتقدمين علي ؟؟؟؟؟؟؟؟؟

أرض الشمس

15-04-2006, 22:18

أنا مثلك بالضبط بكرة غلفانومتر الظل

روعة الخيال

15-04-2006, 22:23

انا الحمد لله الان بحل تمارين المغناطيسية وحتأخذ مني على الاقل 3 حصص مع العلم انه بأخذ حصص زيادة للتمارين
وبالنظر للأخوات واضح انه اما انا متقدمة مع العلم اني على توزيعي للمنهج ومستغربه من كلامكم ويتضحلي انه انتم متأخرين عني بكثير والا ايه رأيكم .

إينشتاين

16-04-2006, 04:52

مسائل المغناطيسية سبق وأن حليناها والاجهزة بعد فصل المغناطيسية تاخذ أسبوعين

بينما الموجات ما تاخد إلا 5 إلأآ 6 حصص يعني إن شاء الله المراجعة أسبوعين أو أكثر بحصتين

المعلمةشوووووق

16-04-2006, 22:32

انا بعد بكره ان شاء الله راح اعطي درس الحث المغناطيسي
هل انا متأخره او متأخره
والغريب اني اعرف معلمه تقولي الان توها متهيه من كيرشوف وحتبدأ بالمغناطيسيه

افيدوني هل انا متأخره أو لاء
وتوزيع المنهج اللي اخذته من هالمنتدى يقول اني متقدمه باسبوع والمفروض درس الحث آخذه السبت الجاي!!!!
حرر 18\3

شـــــــــــوق

إينشتاين

17-04-2006, 05:30

انا متقدمين على توزيع المنهج باسبوع ونصف حتى نخلص ونرنتاح وبنات 3 يغيبون على راحتهم وإن اشاء الله الاجهزة والموجات ما تاخذ إلا 3 أسابيع

والحث المغناطيسي والذاتي وقانون لنز 3 حصص والتمارين 2 حصة يعني 4 أسابيع إن شاء الله وتنهين المنهح

وبال

نجمه

17-04-2006, 14:14

ماشاء الله كلكم معلمات ثالثة الله يعينكم علية
اش رايكم في هذا المنهج وماهي انطباع الطالبات عنة
احس انة منهج صعب بلرغم اني مادرستة ولكن حكمت علية من تذمر مدرسات المادة منة وكل وحدة تحاولان تعطية المدرسة الثانية

المعلمةشوووووق

17-04-2006, 16:41

اينشتاين ربي يريحك
يعني ممكن اخلص بدري ربي يسعد قلبك يارب
وبكره بإذن الله راح اعطي درس الحث
وربك يسهل

شـــــــــــوق

نيوتن

18-04-2006, 14:01

يعني على هذا الحساب اني متاخره اسبوعين اليوم 20/3 بدأت احل تمارين المغناطيسيه
الله يسهل

نيوتن

18-04-2006, 14:01

يعني على هذا الحساب اني متاخره اسبوعين اليوم 20/3 بدأت احل تمارين المغناطيسيه
الله يسهل

toofisa

18-04-2006, 16:06

مرحبا بنات
الله يقويكم وينجح طالباتنا بتفوق قد تعبنا يارب ويجي امتحان الفيزياء حلو وسهل
بالنسبة لسؤالك نجمه اول سنة لي العام كنت خايفه امسك ثالث هالسنة صار عندي ضروري ثالث واتمنى اصير دايم ادرسهم
وانا بنات متقدمة لانه بيغيبون بكره ان شاء الله باعطي درس مولد التيار المستمر

ميجا2006

19-04-2006, 19:53

اليوم الأربعاء 21/3 الحمدلله أعطيت الأميتر ولكن فوجئت من أن إختبار الفيزياء نزل في الجدول في الأسبوع الأول يوم الأربعاء وطالباتي جدا........مستائين ياليت أحد يغير هذا الجدول والله المستعان منهجهم اللي بيدقق فيه يجد معلومات مهولة وتزاحم وتقارب في الأفكار والمبادئ وكل درس ما انتهي منه إلا بطلوع الروح لأن الدروس مبنية على بعض ومترابطة ,,,,,,,,؟؟؟؟؟؟؟؟؟!!!!!!! وش رايكم يامعلمات

المعلمةشوووووق

19-04-2006, 21:44

ميجا انا قرأت الجدول قبل فتره
وموجود الفيزياء يوم سبت
والكيمياء هي اللي موجوده يوم اربعا
بصراحه انا مستائه جدا وقلقانه اكثــر مو معقووووول
كيمياء ثالثه سهله
بس الفيزياء يبغالها وقت

طيب وش حاطين يوم السبت؟؟؟؟

شــــــــــــــوق

ميجا2006

20-04-2006, 00:22

حاطين كيمياء السبت الثاني والكلام أكيد نزل في الجرايد وهذا الخبر سمعته من المعلمات هذا اليوم ومن الطالبات ايضا واللي أبدوا كما وسبق إن كتبت قلقهم الشديد واتمنى أن يكون ذلك حلم

إينشتاين

20-04-2006, 09:58

لا وكاتبين هذا لرغبة الطالبات والمعلمات مسكين طالباتي انصدموا من الجدول

toofisa

20-04-2006, 11:27

معقول بنات ما قريت هالخبر
ياليت تتأكدون منه اذا وحدة عندها الجدول على الاقل اعطي طالباتي خبر يستعدون

روعة الخيال

20-04-2006, 14:38

السلام عليكم
لقد قرأت موضوع جدول الاختبارات وهذا هو شاهدوه
http://9q9q.com/apr/1145532737.jpg (http://9q9q.com/)

toofisa

20-04-2006, 16:22

كيف فيزياء اربعاء بتنزل نسب البنات يحتاج وقت ولا تتوقعون بيجيبونه سهل

نيوتن

20-04-2006, 20:29

يظهر ان عالم الكيمياء تزمر من ان كل الاعوام الماضيه يكون في نصف الاسبوع

المعلمةشوووووق

20-04-2006, 21:03

بالفعل الخبر اكيد
وتفاجئت فيه
بس لازم الكل يعارض
وياليت احد يتصرف ويبلغ الوزاره بهذه المعارضه هذا رابط الموضوه بمنتدى الوزاره

http://www.moeforum.net/vb1/showthread.php?t=36985

وش ممكن نسوي لنعترض حتى نحن المعلمات على هذا الجدول؟؟؟

شــــــــــــــوق

toofisa

20-04-2006, 21:46

اذا اكيد معناه لا امل بس نكتب اعتراضات بس لا نتيجة

إينشتاين

20-04-2006, 21:56

القاهرني أنهم كاتبين أن هذا التغيير لرغبة الطالبات والمعلمات

فياليت نصوت جميعا بالرفض يمكن يفيد أو على الاقل ما يتعودونها السنوات الجاية

صمتي المجبور

20-04-2006, 23:11

كيف الحال جميعااااا
بصراحة شي صعب الفيزياء يوم الاربعاء يادوب خميس وجمعه لاجل يراجعونه

اموت واعرف مين الي حط هالجدول اذكر مدرستي تقول هذي لجنه مختصه سريه

الله يستر لو طاحوا البنات بالرياضيات بيكملونها بالفيزياء وربي صعب

الله يستر ويتغير الجدوول

toofisa

03-05-2006, 21:42

مرحبا بنات شخبارررررركم
الجدول لسى زي ما هو
وابشرررررررررررركم خلصت ثالث اليوم
باقي لي حل كم تمرين بالفصل الاخير واسئلة مراجعة له

إينشتاين

04-05-2006, 05:57

إن شاء الله أخلصهم يوم الاحد والاثنين تمارين

لكن المشكلة ما طريقة المراجعة التي تفيدهم أسئلة الرئاسة معهم وبالحلول وتوزيع الدرجات

والتعاليل أكتبها معهم على كتبهم وشئ مصورته على أوراق