قضية للنقاش .................................

[ليال الليل]

السلام عليكم ورحمة الله وبركاته
انا مشكلتي اني ادرس طالبات الصف الاول ثانوي( نظام المقرار ت ) + الصف الثاني علمي في احد المداس الاهلية , فمشكلتي مع طالبات الصف الاول الثانوي وهما فصلين , فصل منهم يتميز بالاتي :
1- فصل قليل الادب وقليل الاحترام للمعلم .
2- واثناء شرحي , واسئل في اي سؤال , فاهمين , يردون علي لا مااحنا فاهمين .
ودائما , حتى اثناء المراجعة , غير فاهمين . فما الحل لاني ضغطي مرفوع منهم وانا كارهم , لانه احسها استهبال منهم , وكل شوي عيدي طول الحصة .
اما الفصل الاخر فهو :
رائع في كل شيء بالادب وبالفهم . وكذلك الصف الثاني علمي فهم غالييين عندي وفاهمين ويقدروا المعلمة ويحترموا المعلمة .
:words_cut:فانا فاض فيني الكيل من هذا الفصل اللي عندها راي يعطيني بصراحة طفشت وتعبت منهم .

[عادل الثبيتي]

والله تبغى رأيي في هذا الفصل لا عاد تسألهم فاهمين وإلا لا وفي نهاية الدرس أسئلهم وفي يدك كشف الدرجات اللي يجاوب أعطيه درجة واللي ما يجاوب خصم درجة وبعد كل نهاية فصل أعمل لهم اختبار قصير
ولا تتفاهم معهم إلا بالدرجــــــــات

[جامعيه كول]

وعليكمـ الــسلآمـ والرحمه ’’’

الله يعطيك العافيـه مشكله إذا مــايقدرونـ المعلمــه
وقلوليلــهمـ إلــي عندهــا أيـ سؤالـ تجــي تسألينـي فــي وقــت أكــونـ فيه فــاضيــه ^.^

[كيوت لارا]

أنا أوافق أخوي الثبيتي الراي استخدمي الدرجات لانهم علمي وراح يحتاجون لكل درجه

[محمد ال مالح]

أرى بعد الانتهاء من الدرس تقولين فيه سؤال وطبعا من خلال خبرتك بالطالبات ستعرفين التي تسأل لقرض الفائدة والتي تسأل لقرض الاستهبال .
وبعد السؤال الأمر بديك تجاوبين أو تطنشين وكوني واثقة من نفسك .

[محمد ال مالح]

بالنسبة للدرجات والتهديد بها برايي الشخصي أنه قد لا يفيد في بعض المواقف لأنه فيه طلاب يأخذها على المعلم نقطة ضعف وأقل مايقوله الطالب بتركها على النظام

[عمار1]

الله يعين مهنه تحتاج الى صبر وتحمل ومهما يكأفي لايعتبر رد جميل لاكن أخوي فيه مجموعه فعلا ينفع معهم الدرجات وفيه مجموعه ما ينعطون وجه يعني بتكون معاهم رسمي تعطي اللي يرضي ربك وتشغلهم الحصه كامله
بعدين فيه فكره اذا كان هاالاسلوب عند كذا معلم ليه مايبلغ المرشد الطلابي أو الوكيل ويتوزعو ع الفصلين يعني فرق بينهم ( بتروح الشليه ) بعدين خذها مني المعلم بعد سنوات من الخبره ماراح يحركه اشقى طلاب !!!!!( يعني يحتويهم )!!!

[أطياف الأمل]

أختي بكوني معلمة فيزياء ومرشدة طلابية فأنا أرى بأن تطلبي من المرشدة الطلابية التدخل في حل الموضوع والمرشدة بدورها راح تقسم الفصلين من جديد وتفرق الطالبات في الفصل الواحد .. والباقي عليك اشرحي بكل ذمة وضمير ولا تسألي هل فهموا الدرس أولا .. واتركي دفتر الدرجات في يدك دائما اي حركة ماتعجبك وأي استهتار من الطالبة عليك بالدرجات .. وحاولي قد ماتقدري ماتستفزك اي طالبة وسوي ان الوضع عادي عندك هذا الوقت راح تعرف الطالبة أن ماأثر فيك وراح تتغير .. وبصراحة بحكم خبرتي تطنيش حركات الطالبات أمر ضروري جدا ..

[الفيزيشن]

الله المستعان

[بيان المعرفة]

الله يعطيك العافيه اختي على ردك لي بموضوعي للصف الثاني
بالنسبة لموضوعك اتوقع لو تثيرين روح المنافسة بين الفصلين بحيث يكون تقويم من ناحيه مسيرة الدرس للفصل والانضباط والتحفيز بين فترة وفترة راح يغير لو شي بسيط في انفسهن
---حاولي تغيرين اماكن الطالبات في الفصل علشان يسهل عليك الضبط
---اذا مالاحظتي تغير لاتوحدين الاسئلة للفصلين وخطيلهم اسئلة على شرحك علشان ياخذون درس انه ممكن تظل هالطريقة لنهايسة السنه وينظبطون غصب ( اللي مايجي بالطيب يجي بالعين الحمراء ) هههههههه:fantastic_new:

[ليال الليل]

والله اولا اشكر الجميع فرداً فرداً
المشكلة هم بنات الصف الاول ثانوي نظام المقرارت
والله وزعتهم
وطردتهم
ونقصت في الدرجات ولا شيء صاير .
انتي في وادي لتهذيب السلوك وهم في وادي اخر لاستفزازي .
والمشكلة كل يوم عليهم الحصة الاولى .
ودخلت المشرفة وكيلة قسم الثانوي , مااعليهم .
والله صرت اشرح ولا ابغاهم يجوءني يسلئون ابدا .
لاني كرهتم وانا بس هذا الترم ادرسهم ومادة جديدة عليهم يقولون .
اتمنى انهم يطردوني من المدرسة بس عشان اخذ شهادتي الخبرة .

[عاشقه علم الفيزياء]

معلمتي انا طالبة بالصف الثاني ثانوي
أولاً/ قوم للمعلم ووفه التبجيلا كاد المعلم أن يكون رسولا
الموضوع بإختصار (( قلةالتربية)) الطالبات يمشو على الصراط إذا عرفو إن السالفة فيها إدارة المدرسة
وهذا الحل الوحيد للطالبة المتمادية

:t_thumbdown::t_thumbdown:

[Cos x]

مساء الخير جميعا ـ عذرا على التأخير لكني لم ارى الموضوع الا الأن ـ وبصراحه ألمني كثيرا وضعك يأختي العزيزه. ودعوتي لك وفكرتي لك ، ان تقسمي الفصل الى مجموعات لطرح أسلئله عليهم " تعلم تعاوني بسيط " اوراق عمل ونحو ذالك بحيث تقسيمك يكون مناسب لإبعاد الطالبات عن بعض " الشله" وكل نهايه حصه تقومين بتثبيت ورقه في لوحه الأعلانات ، بجميع اسماء المجموعات وبتقسيم عشره درجات ، ومن ضمن الدرجات على الانضباط والتعاون ونحوذلك ،لعلي قدمت لكي فكره تنفعك :emot19_thumbsup:

[ليال الليل]

شكرا يااختي الطالبة , والله يكثر من أمثالك , وفعلا الجيل هذا الغالب سيء ا لا من رحم ربي , وصارت العملية التعليمية عملية متعبة على المعلم , والله ثم والله نحن نعاني وبذات اللي يكونوا في مدارس اهلية . مو حكومي فانا في مدرسة اهلية .

[ليال الليل]

اهلين بجتا :
والله ماايسمعونك والهدف انهم يضيعون وقت الحصة وبس ,وتطلع من عندهم من غير مااتكملي الدرس علشان بس تضبطيهم , مااينفع مهم تعليم تعاوني , لان انا عن نفسي معاهم اهم شيء اخلص من حصتهم وبس , لانهم مااايستقبلون منك , ومتمللين من كل شيء , بس انا اعطي وافرح لمن تنتهي حصتهم الساعة 8 بالضبط وانا طالعة ولا ثانية اجلس معاهم زائدة في حقهم حرام وكمان حصتهم اول حصة , هذه عشان سلوكهم سيء .

[Cos x]

:mommy_cut:معليش يأختي تحملي . مهما يكون هذا جيل جديد له طريقته . انا من راي لاتتحطمين وواصلي مسيرتك. لانها قد تثبت في مسيرتك هذي النقطه. والحياه تجارب والانسان الناجح اللذي يحول المشاكل الى نقاط خبره له ليستفيد منها.اعملي مابوسعك واجتهدي . فالله سبحانه لايخيب تعب الانسان المجتهد. وزي ماقلت لك اعملي حركته التقرير اليومي في ورقه وحطيه على الجدار وكل طالبه بإذن الله رح تتغير بإسلوب غير التهزي. عذرا على الاطاله وتكرار الرد, لكني متفاعله مع الموقف

[عمار1]

الله يعين ويساعد فعلا شي مؤسف لاكن مأجوره والصبر زين
وقفه : يبقى ولو عدد قليل يجبر الكسر ويمحو التعب ويداوي الجراح لكن الحمد للي عطانا نعمة النسيان والتسامح !!

[ليال الليل]

الحمدلله على كل حال .
ان شاء الله الترم يخلص وانفك منهم .

[عمار1]

المربي أو المربيه عند من ماكان نجاحه ( احتويهم ) لو فيه بعض مثل ما ذكر ماحد بيحتويه لاكن لازم ننسى ونتسامح ع شان القافله تسير فعلا مهنه الصعاب ومانقول غير الله يخارجنا !