المساعد الشخصي الرقمي

مشاهدة النسخة كاملة : نحبهم بس انواااااع الكفوف


ام النووووون
14-05-2010, 17:45
السلام عليكم ورحمة الله وبركااته

كيف حاالكم جميعاا :a_plain111:

أطفالنا فلذاات تسبوودنا

في مامضى تحدتني أحدى صديقااتي

وقاالت (أتحداك تلقين طفل مو سعودي جالسه امه تصفقه قدام النااس)

ومن هذا المنطلق أتحدااكم تلقوون ؟؟ :tongue_2_07:

لان اغلب اطفالهم يفهمون ويسمعون الله يخلف علينا بس

شووفو احنا اغرب نااس في طريقة التربيه

نحب اطفالنا لدرجه الموت بس طريقة التعبير مختلفه

يعني مثلا :

ناادرا اطفالنا يمشوون بالتفااهم ودايم اول الحلول كف

تلقى الام تحاول تقنع ولدها بشغله وبالبدايه ياحبيبي ومن هالدلع

وانواع البوسات وخلاص ياشااطر وشوووي

طرررررررررررررخ الا هو يفر قداامها :laughter01:



مووواقف :

مره كنت بالسوق وجالسه اشتري عصير الا فيه انسانه يمكن سوريه
ومعها بنت وولد وصغار ويبون عصير
الا اسمعها تقول مامعنا فلوس اجيب فيها عصيرين بجيب واحد وتتشاركوا
جاابت عصير وحطت فيه مصااصين وجلسو يشربون وهم مبسوطين
انا اتحدى احد اطفالنا يقبل بالشي هذاا!! :emot30_astonishe:

***

في المسجد بالعيد جاالسه اصلي كل ماسجدت فيه ولد صغيرون قدامي

وكل مااسجد صقعني بعلبة المويه في راسي

انا تمنيت اقطع صلاتي وافقع وجه امه
يعني لما جلست اطالع حولي اطفال السعودين منااقز وترفيس فينا :i_angry_steaming:
واشوف بنات سودانيات يصلون وهم ماوصل عمرهم اربع سنوات وجالسين بكل ادب

***
يعني والله ارحمنا تنزل الام للسوق
معها 500 يروح منها 200 لورعها المخيس
تركبه عربيه وتشتري له لعبه ويطلب حلوياات
مع انا اكثر شعب يجيب لعياله العااب
***
اتوقع مافيه بيت سعودي مافيه بلايستيشن مع العلم ان سعره غالي
واغلب الناس ظروفهم الماديه زفت :t_thumbdown:
بس اطفالنا ماعندهم قناعه او اكتفااء
مع اني كنت ادرس عند مدرسه تقول احنا بس بالمناسبات نشتري لاطفالنا العاب
لاحظوو مناسبات مو كل مارحنا سوق ولا منتزه ولابقاله
ومن زين الطبايع عندنا
لازرتم ناس قالو لك نبي ناخذ سيكلهم
ولا يفضحك قدامهم مع ان عنده نفس السيكل :mommy_cut:

المطلوب ::

فهموني احنا ليش كذاا؟؟

ابي مواقفكم مع براءه اطفالنا !!

كيف تتصرف مع طفل شقي ومزعج ومايسمع الكلام؟؟

هل العيب في اهلنا وتربيتنا ولا اطفالنا بالفطره مايفهمون؟؟

هل سبق وفقعت وجه بزر؟ أذكر السبب؟؟ :fantastic_new:

م/ن

عجبني الموضوع وحبيت اطرحه لكم
الميكرفون لكم ::::: نبدأ بأول مراسل معنا اتفضل/ي

بيانـو..
14-05-2010, 18:06
الميكرفون لكم ::::: ياحبي للكلمه هذه

ههههه,,

صراحه الموضوع قمه,,

مشكله اغلبنا يواجهها ليس الامهات فقط,,

حتى الابناء,,

احب اذكر موقف حصل لي في السوق

كنت مع امي واخوي الصغيررر واخوي هذا عنيييييد

لدرجه فظييعه المهم كان يبغى ايس كريم وكان وقتها مزكم

طبعاً امي رفضت انو اشتري له عصب وجلس يصرخ ابغى ايس كريم

وقتهااا بجد تفشلنا الكل يطاالع فيناا,,

طبعا انا ماقصرت معااه في البيت اما امي حبيبتي حدها تضربه على طووول

تحن عليه ,,


ان شاء الله عياالي راح يطلعون مؤدبين ويجنونوا:a_plain111:

اكيد لاني امهم هههههه

تسلمي ام النووون

كالعاده متألقــه

مريخيه
14-05-2010, 18:29
سلا ام النون نورتي
انا مع اني صغيره على سواليف العيال>>>>>>>>>بلا فلسفه صدقنا
بس انا اتوقع انا حياة الطفل مرنه يعني نقدر نتحكم فيها
ومافيها شي انا نعوده على الاشياء الحلوه وراح يتعود هو وبالنبه لطلاباتهم مافي طفل في العالم مايحب يطلب
العاب وغيره بس هذا يعتمد على الاستراتجيه الي انا استخدمه معه مو كل شي يطيلبه اجيبه لان كذا يجي في باله ان كل الي يتمناه يلقاه وهذا خطا
طبعا التحدث بهذا الموضوع يبغا له مجال مفتوح
بس انا اعتمد المثل الي يقول مابني على خطا فهو خطا

ام النووووون
14-05-2010, 23:53
اسعدني مروركم
غالياتي
منورات


طيب وش رايك اذا كنتي تربي طفلك على السنع
واذا تقابلتي مع احد عياله خربوا عليك طفلك
اذا هاوشتي قالوا بس تهاوشين
واذا سكتي ركبوا على راسك وخرب طفلك
وامهات هالزمان يااااااااااااااااوييييييييييييييييييييييلك تقولين طفلك اخطأ!!!!

الميكرفون مرة اخرى لكم،،،

مريخيه
17-05-2010, 15:49
اوووووووووه والله مشكله
>>>>اجل الله يعين كل الامهات هي تتعب وغيرها يخرب
بس ماعليه راح القى حل ههههههه

ام النووووون
18-05-2010, 00:23
هلا بك مريخية اسعدني مرورك الكريم

الأُولى
18-05-2010, 17:27
موضوع راائع يستحق النقاش
أختي أم النوون :
كلامك صح .. باقي نعرف إيش السبب اللي مخلي الاطفال يتعاملوا كده ؟؟؟
المثل يقول ( من أمِن العقوبة أساء الأدب ) يعني الطفل عارف طلباته كلها مجابة فأكيد مثلما يقولوا ( يسوق دلاله عليك) و يطلب و هو عارف مهما رفض الطرف الآخر لابد أنه بعد زمن بيرضى و يلبي له طلبه
لازم يشعروا الاطفال بالمسؤولية منذ الصغر مش بس بالجانب المادي كمان بالجانب المعنوي

ام النووووون
18-05-2010, 20:16
شاكرة مرورك المميز والرائع


الاولى

nuha1423
19-03-2011, 08:35
بسم الله الرحمن الرحيم


السلام عليكم ورحمة الله وبركاته

يسعد صباحكم يا الغوالي

والله ضحكتني كتاباتكم هنا

غابت التربية يا الحبايب وبالتالي غاب الأدب

التدليل خرب أولادنا

إن حرمناهم شيئاً شعروا بالظلم والمسكنة

لأنهم تعودوا أن كل طلباتهم أوامر

غابت العصا

التأديب يحتاج لشدة احياناً وما كل ما يطلبه الطفل يعطى له

ولنتذكر دوماً التربية التربية

علينا أن نكون مربون لا جيوباص متنقلة تحقق لأطفالنا كل طلباتهم

يجب أن يتعلموا أن الحياة ليست دائماً على ما نريد

رسولنا صلى الله عليه وسلم أمرنا أن نعودهم قيمة النعمة التي يتمتعون بها

وأن بالشكر تدوم النعم

أستاذة ام النووووون

حركت مواجعي من الأعماق

فما نراه في مجتمعنا ومدارسنا ليس إلا حصيلة تقصير بعض الأهل في التربية


للحديث بقية من وجع

لي عودة هنا

جزاكم الله خيراً

esraa mutasim
19-03-2011, 10:46
قد ايش ضحكني هالموضوع
ههههههههههههه
انا اعاني مع اولاد خالتي وخيلاني الورعان
مو بس السعوديين والله كل الجنسيات
مره كنا في السوق بعدين البزر قال يبغى ايس كريم ولا ماادري ايش
وامه قالت لالالا انت عندك ربو بتمرض والولد ماراضي يقتنع
الا ماشفناه الا على الارض يضرخ ويبكي كانه ذبحناه خير ان شاء الله ؟؟
وكل الناس تتفرج علينا ونحاول نهديه مو راااااااااااااضي
والله اتمنيت الاض تنشق وتبلعني من الاحراااااااااج خخخخخخخخخخ وماعاد رجعت داك السوق

المهم : المشكله في البزران المفروووض كفوف على طووول عشان يتادبوا ههههههههههههه

فرح القمر
19-03-2011, 20:49
تسلمين ام النون

سأضيف ردي فيما بعد

الحارث
19-03-2011, 21:22
مع ما مر علي من تجارب
اكتشفت أنه كلما دللنا أطفالنا أكثر كلما أفسدناهم
وكلما اشترينا لهم ما يريدون كلما خربنا أخلاقهم
يجب علينا أن نعلمهم ان ليس كل ما يشتهى يشترى
فمن المحن تولد الرجال
وأريد أن أنوه أنه ليس الجنسية السعودية فقط تعاني من هذه المشكلة بل معظم الأطفال المدللين في كل مكان
ولكن ربما نلاحظها هنا بكثرة لأن الأطفال يحصلون على كل ما يريدون(آدام الله النعم)

أشكرك على هذا الموضوع القيم
وأصلح الله أولادنا وأولاد المسلمين

بارك الله فيك وجزاك كل الخير

شيخه الزين
19-03-2011, 22:30
وعليكم السلام ورحمة الله وبركاته

اللهم صل على محمد وعلى آله وصحبه أجمعين


:) :)

وانا اقرى الموضوع تذكرت مواقف كثير كانت تحصل لي بمآ اني الطفله الاولى في العيله الكريمه
<< لاحظي اني مازلت طفله هع

كان انواع الدلال والدلع الاقيه من اهلي ..()

قبل فتره وحده من خالاتي تقولي ان وانا صغيره كنت اجننهم في السوق الا كل شيء يتنفذ لي
عاد مره من المرات طلعت مع جدتي وخالاتي السوق وكنت ابي آيس كريم قالت لي جدتي لا مافيه
توسخين ملابسك .. قعدت اصيح واصيح وطبعا جدتي ام التطنيش :D
وشوي طلعت فوق السور ( كنآ في الدور الثاني ) وقلت لهم شوفو لو ماجبتوا لي ابطيح نفسي ..()
:laughter01: :laughter01: :laughter01:

بصراحه انا ما اتذكر هالموقف لكن يوم قالوه لي صدقته لان من يومي عنيده خخخخ :fantastic_new: :fantastic_new:

.
.

لكن انا بوجه نظري التربيه تختلف من طفل لاخر ..()

اضرب مثال على اخواني بما اني بمثابة امهم :emot30_astonishe:

اخوي الصغير مااا يمشي الا بالسيااسه
ساعات اكون معصبه واجي اطلب من الشيء وانا اصارخ عليه
يقعد ينرفزني زود وما يسمع الكلام
فأضطر اجي ووووو ..... والمشكله يقعد يضحححك
وفي الاخير اقوله حبيبي ممكن اطلبك طلب ممكن تسوي كذا كذا ......
يقولي طيب ان شااء الله من عيوني <<< كان من اول يا شيوخ
:words_cut: :i_angry_steaming:

اما اختي لا ما تفهم الا ان شافت شيء بيدي ابحذفه :laughter01:

ممممم يعني هذا الشعب السعودي واحنا اللي نستاهل في تربيتهم
نعطيهم كل شيء ونكوون حنوناات ونخاف ع مشاعرهم ولا يزعلون
وبنتحاسب عند ربنا ... الخ
وفي الاخير ناكلها ..()

الحل بكل بساطه ان ننعلم عيالنا من وهم بالبيضه مووو كل شيء
ينوخذ ومو كل شيء ينضحك عليه .. لآ لكل شيء حدووود
<<< عيالنا مايجون الا بالعين الحمرا الماخلطه بالوردي
<< عاد فسروها خخخ >> يعني عصبيه + حنيه << ناويه انفصام

واهم من ذا كله اننا مانسمممح لاي كااائن انه يتدخل في تربيتنا لعياالنا >> لانه هو الخراااب

^^ اتكلمت كثير بس ماعليه امون احب سوالف البزران :D
ولآ بعد لي رجعه ما قلت شيء هع

يعطيك العافيه ام النون ع هـ الموضوع ^.^

معلمه طموحه
19-03-2011, 23:52
يعطيك العافيه أم النووون

تعلمت قاعده مهمه

أنا عصبيه جدا" وماأحب الدلع بالمره

ولأطفال إذا أعطتهم وجه وضحكت معهم يتمادون أكثر فمن قاصرها أكون حازمه معهم من البدايه

جونكري
22-10-2011, 08:26
http://img104.herosh.com/2010/11/09/343425441.gif