المساعد الشخصي الرقمي

مشاهدة النسخة كاملة : من روائع القصيد . . .


بنت الفيصلية
21-11-2010, 01:14
ياليل ماذكر في حياتي تمنيت
............مثل ابتسامـه تنتشل قلب منصاب
مليت ورب البيت ياليل مليت
...........من الجـروح اللي تجيني بلا اسباب
تدري ياليل اني على الجرح غنيت
...........غنيت دمعه والصدى ضم الاهداب
تبي الحقيقة والصراحة ترجيت
............فـرحة ولكن الـزمن بالعطا خاب
ياليل قلي بدنيتي ويش سويت
............حتى الهمـوم بداخلي تفتح ابـواب
ان كان طيبي عيب ومشكلتي اوفيت
...........امـوت صادق وارفض اعيش كذاب
طبعي كذا من ميزتي ماتخليت
...........عنـدي مبادئ دونها تـرخص ارقاب
بيني وبينك ياكثر ماتعنيت
.............اركض بغـرفة مغلقة مالها باب
غرفة وراها فرحتي دونها جيت
.............اركانها عتمـة ولاحولي احباب
كاس الفراق المر منة تقهويت
............انا اشهـد ان الشـوق بالليل غلاب
ياليل انا لاشفت ماعفت قفيت
...........اقفي ولـو خلفي كثيـريـن الاصحاب
الا جروحي كل مارحت واقفيت
.............جتني تحمل صـدتي لـو وعتاب
ماذكر ولو مرة بحياتي تهنيت
..........اضحك كـذا والصـدق عـن شفتي غاب
صارت دموعي ضيف وعيوني البيت
............ودايـم تشـوف من المناديل ترحاب
لاشفت شمس الصبح لايديك حنيت
............وفي داخلك حبر القلم بالشقى ذاب
اسريك بحالتي واذا رحت ونيت
............مابي تـروح ودمعتي بيـن الاهـداب
اكتب شعوري في ظلامك على ايت
............ونـورك ختـم قصة عذابي على اب
يالليل قل للصبح اني تمنيت
.............بس ابتسامـه تنتشل قلـب منصاب

nuha1423
21-11-2010, 07:19
سلمت يداك وجزاك الله خيراً

جوديان
21-11-2010, 15:01
جميل جدا

بارك الله فيك

بنت الفيصلية
21-11-2010, 16:25
أسعدني مروركم . . .

نورة الشريف
21-11-2010, 21:03
قصيد رآئعة بنت الفيصلية ..
أجمل شطر
".. .عنـدي مبادئ دونها تـرخص ارقاب . .. "
رآآآئــع بمعنى الكلمة ..!

شكرآ لك غاليتي ..

الحارث
21-11-2010, 21:33
مشكوووووورة والله يعطيك الف عافيه

بنت الفيصلية
21-11-2010, 23:43
أسعدني تواصلكم نورة الشريف + الحارث . . .