ياخي حتى انا ابي افضفض :mad:
<<<ماصار بوح الحزن الا من التعليم اللي مدري شقول فيه :(
كرهوني بالتدريس ..
لحد يلومني أبي أفضفض :words_cut:
_______

لاحول ولاقوة الابالله .. مايفقع مرارتي ويثير الحموضه عندي غير كلمة ( أصبر ) ..
وش اصبر أصبر أصبر ولى متى بصبر أدري لنا الاجر عند الله ..
لكن الله عزوجل اعطانا عقول نفكر بها ونتدبر ونضع الحلول المناسبة لمشاكلنا ..
وزارتنا مدري وش توجهها بالضبط تتخبط ..
الطالب يخرج من الابتدائيه مايعرف يقرأ !! << اكبر مصيبه
يدخل المتوسطه ينصدم بمناهج صعبه !! ..لانه تخرج من إبتدائية التدمير المستمر(التقويم المستمر )
ومن بعدهاا
يدخل الثانويه وحلّها هنا مراهقه وحب وعذاب و معدلات تراكمية واختبارات تحصيليه وقياس وأدفع ياولي أمرالطالب دراهم عشان يختبر ولدك وليته يجيب نِسب زينه بالاختبارات الا نسب تسد النفس زي وجهه
وتعال للجامعات وخذ شروط القبول فيها كيف صعب وان دخل بكل امانه ماراح يلقى وظيفه :(
كل هالامور يعيشها الطالب ويفكر فيها ....
بصراحه وضع مزري لحد يقول اني سوداوي هذي الحقيقه اللي نشوفها ونعايشها ..
وبذمتكم كيف مايطلع الطالب يطلع عربجي وقليل أدب وعديم الفايدة ويضرب بالدراسه عرض الحايط (إلا من رحم ربي وهم نسبه قليله )..
.. لكن والله وضع مؤسف جدا جدا

أزيدك من الشعر بيت ياأستاذ ناصر

والله العظيم .. في مدرستي الحبيبه << لاتصدقون
صنابير المياه مكان وضوء الطلاب .. ماقد مــر عليها يومين واهي راكبه في مواصيرها D:
كل مارُكبت يأتي اليوم الثاني او الثالث والصنابير غير موجده مكانها يتم سرقتها وتدميرها بشكل تشك انهم وضعوا قنبله !!!
تدري لييييييييش ؟!
ليته عشان معمل
لاوالله عشان لايصلون !!
والسبب ( لأن من أمن العقوبه أسآء الأدب )
------
وماقول غير الله يكو بعون الجميع