السلام عليكم ورحمة الله وبركاته

موضوع خطنطر

في الحقيقة قبل فترة كنت أهتم اني أعرف كل شي عن شخصية الرجل فكنت أقرأ بعض الكتب وحرصت اني أطبق بعض الاشياء على أخواني >>> تتدرب من بدري

الموووهم هذه بعض الأشياء للبنوتات يستفيدوا منها

* اشكريه و امدحيه على أبسط الأشياء فرضاً اشترى لك مويه بريال قوليله شكراً يعطيك العافيه وخليه يفتحها لكِ بعدين قولي ايش العضلات والقوه هذه ..بتشوفي ضرس العقل من الابتسامه
:laughter01:

* اذا تبغي تروحي معاه السوق جهزي قبلها قائمة بالأشياء اللي تبغي تشتريها يعني الضروريات فقط عشان لا تطولي لأن الرجال يكرهوا الأسواق والسبب انه كثرة الالوان والأصوات تسبب لهم تشتت لأنه معروف الرجل يميل للتركيز في شي واحد

* خذي رأيه و اذا اختار لك لبس وما عجبك خذيه لأنه في النهاية هو اللي رح يشوفه عليكِ

* لا تعطيه نصايح أو أوامر أبداً مثلاً سافرتي معاه شهر العسل وضيع الطريق لا تقترحي عليه كيف يتصرف لكن خففي من توتره بإنك تقولي له أنا مبسوطه لأني ضايعة معاك تصدق نفسي ما ارجع و هو أكيد حيتصرف و ترجعوا

* اذا حبيتي تطلبي شي لا تقولي كلمة (تقدر ) لأنها كلمة استفزازية بالنسبة للرجل يعني مثلاً لاتقولي تقدر تروح البقاله؟؟ لأنك عارفة انه يقدر بس استبدليها بكلمة ممكن

وآخر حاجه في شي اسويه مع أخواني على سبيل الدعابه وهو اني كنت فتره اركز في كلامهم و اخذت بعض المصطلحات فمثلاً اذا سالني أخوية تبغي شي أقول جيب لي معاك شاي من كشك المالكي أو تاخذني لفة بسيارة بوقاتي أو لمبرقيني :laughter01:

شكراً على الطرح المميز أستاذنا البالود

أختكم : عزابية قاطة وجهها :)