رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

عزيزتي وجود .....

1 - هل تعلمين انه في منطقة الرياض فقط هناك اكثر من 3000 معلمة تقريبا بديله(جميع التخصصات ) الاتحتاج هذه االمعلمات البديلات من يرشدهن لوضع الاسئلة ام تترك والضحيه الطالبات فلا تكونين محدودة في نظرتك .
2- الدليل لم يصدر بعد كيف حكمتي انه اي كلام ولم يعدل .
3 -بخصوص كلامك عن دليل العام الماضي فقد حلل المحتوى من قبل معلمات ذوات خبره وامانه على مستوى المملكة وعلى اساس تحليل المحتوى تم وضع جدول المواصفات ثم نقل الى لجنه اخرى في منطقة اخرى لتحكيم الاهداف والجدول ثم اعتمد
4- اما بخصوص التاخير( الاخوات الاتي ذكرن ان الوقت متأخر) فانا معكم لكن زي ماذكرت سابقا ان التحليل يؤخذ من جميع المناطق وهناك اجراءات طويلة تحتاج وقت سببت هذا التاخير
5-سؤال للاخت وجود العام الماضي عندما ادخلتي التعديلات المناسبة لطالباتك هل حاسبك احد( اتمنى الرد على هذه النقطة) طبعا لا ..... تدرين ليه لم يحاسبونك لان الطالبة هي الهدف طالما التغيير التي احدثتيه كان في صالح الطالبة لن يحاسبك احد.
اخيرا اشكر كل من ابدى وجهة نظره

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

طيب الدليل متى سيصدر ؟؟
ودنا نحط الاسئله ونرتاح ..

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

ـــــــــــــــــــــــــــــ
حطي أسألتك وانا أختك ولا تنتظرين الدليل .. لأني أنا تعبت وأنا أسأل مرة يقولون لك راح يطول على مايجي .. ومرة يقولون راح نرسله للمدرسة أول ما ينزل ( متى إنشاء الله! ) ومرة يقولون لك خذيه من موقع الوزارة . مع أنه المفروض مو احنا اللي ناخذه من الموقع يفترض إنه يجينا جاهز على المدارس , ومع هذا كله فتحت موقع الوزارة وأخذته ( وبعد ما شفته) ما أقول إلا خسارة الوقت اللي قعدت أدوره فيه ..يقولون إنهم عدلوا عليه [ أي تعديل ] والله حق العام أرحم , وسألت معلمات كيف بيحطون الأسئلة أللي تقول لك أنا بأتبع الارشادي حق العام واللي تقول لك نتبع جدول المواصفات حق العام لان موجهتها قالت لها مافيه أي تغيير هالسنة عن العام واللي قالت لها موجهتها اتبعي جدول المواصفات حق هالسنة ..باختصار كل وحدة تألف من راسها لين ماحسيت راسي بينفجر من كثر ما أسمع ..
وبالأخير أنا هاليومين قاعدة أحط أسألتي من دون ما أتبع أي شي إذا فعلا يبغوننا نطبق شي يرسلونه على المدرسة
والمفروض ما يتدخلون بالتيرم الأول , إذا لما كانت الاسئلة من الرئاسة ما كان لهم شغل بالتيرم الأول فمن باب أولى هالسنة .

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

افتحي منتدى الوزارة - منتدى الاختبارات وتجدين جدول المواصفات وتحليل المحتوى.

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

فتحته وشفته ........من عدالته !! عشان كذا قاعدة أحط أسألتي من غير ما أرجع لأي شي

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

( لما شاب ودوه الكتاب)
لما انتهى الترم وبدأنا في وضع الأسئلة... قالوا: جدول المواصفات

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

أضم صوتي لصووووووووووووووتك

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

الحمد لله حطينا الاسئلة وبنبدأ التصوير

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

يانااااس انا اول سنه ادرس وانهبلت من التدريس واقول متى تجئ الاختبارات وافتك واخر شي جدول مواصفات ومدري ايش والاداره تقول لازم الاسئله تنحط والطالبات يبون مراجعه..والحين مقبول انهبل

رد: هام وعاجل لمعلمات الصف الثالث والثاني ثانوي قبل ان تضعي اسئلة الفصل الدراسي الاول
 

أضم صوتي لصوتك..........................
أحط أسألتي من دون ما أتبع أي شي إذا فعلا يبغوننا نطبق شي يرسلونه على المدرسة
والمفروض ما يتدخلون بالتيرم الأول ,
إذا لما كانت الاسئلة من الرئاسة ما كان لهم شغل بالتيرم الأول فمن باب أولى هالسنة .