|
استشارة
السلام علبكم ورحمة الله وبركاته ,,
كل عام اونت بخير - رمضان كريم -,,, حبيت استشيركم بشغله بسيطه ,, بالنسبة لسؤال المعلم اثناء او بعد الحصه ,, انا ما افهم بعض الاحيان بالحصه ويمكن تكون هذي الاشيااء اما مساله او معلومة او اي شي واستحي اسال المعلمة فيها او اقول لها عيدي ,, اخاف اثقل عليها او تكرهني وتحطني ببالها ,,, كمان اخاف من نظرة الطالبات لي يمكن يحسون اني ابغى ابرز نفسي او يزهقون لان العاده يبغون المعلمة تخلص من شرحه وتطلع وانا اجي اسال,, ابغى تقولون لي هل المعلم يتضايق اذا ساله احد اوحتى قاله يعيد,, وش تنصحووني اذا ما فهمت الشي اسكت ولا اتكلم ,,, واكيد راح يكون بحدود المعقول ,,, لاني مو كثيرة اساله بس في اشيااء ما افهمها,,, يعني ينبسط المعلم اذا حد ساله وكذا ولا يتغير علي ,,, لاني بسنه ثالث وهذي سنه مصيريه ,,, وشكــــــــــــــــــــــــراًُ,,, |
رد: استشارة
وعليكم السلام ورحمة الله وبركاته ........وأنتي بخير.........
حيا ك الله (نحو القمم)وإلئ الأمام دائما أبذكر لك كيف كنت وأنا أدرس كنت أحاول أعرف شخصية كل معلمةوطريقتها في الشرح وهل هي تفضل سؤالهاوهي تشرح أم عندما تنتهي و بعض المعلمات تسأل عند الانتهاء من نقطه من الدرس هل هي مفهومه أولا؟ والبعض وهم الغالبية عند الإنتهاء من شرح الدرس هل هو مفهووووووووووووووم؟؟؟ ولكي أن تسألي ما تشائين فلك الحق وزملائك لا تهتمي بأمرهم فكل واحده لها حرية السؤال عما يصعب عليها ... وبالعكس المعلمه تسعد كثيرا وسوف تجيبك بإذن الله وموفقه ياااااااااااااااااااااااارب |
رد: استشارة
بالنسبة لي أحب بناتي يسألوني ... لان الفيزياء مادة تخاطب العقل ,, ولا أتخيل أن طالبة تستوعبها بدون ما تسأل وتستفسر ...... بالعكس حتى زميلاتك يستفيدو
من حقك السؤال في كل نقطة ... لكن لو شعرت أن المعلمة تتضايق من أسئلتك يمكنك أن تطرحي كل ما يدور ببالك في المنتدى .. فهدفك الأساسي البحث عن المعلومة ... وفقك الله ودائما نحو القمم ......... |
رد: استشارة
مشكوووره كهربااااء على كلامك الحلو ..
طالبة علم اسعدني مرورك واكيد راح احط كل شي ببالي بالهمنتدى الراااائع اللي استفد منه كثيرررررررررر |
رد: استشارة
انا نفس حالة نحو القمم ومعلمتنا الله يهديها احسها من النوع الي ماتتقبل اني اسائلها لأنها تصير حافظه الي بالكتاب حفظ,,,
ويوم اجي اسئلها تقول كذا يقول الكتب وبنمشي عليه,,,, والله لدرجة اني صرت اكره نفسي يوم اسئلها ولاني احب الفيزياااااااااا مووووووووووووووت وما فكر الا اني ادخله بالجامعه لاني الحين بثالث اصير اذا سئلتها وماعطتني الأجابه الصح اطفش وافكر اني ماعاد ادخل الفيزياء نهائي احس اتحطم وبقووووووووه والمشكله الي انا مقهوره منها اني اذا سئلتها تعطيني اجاابه غير عن سؤالي,,,,, ومرره سئلوها الفصل الثاني عن شي فقالت انا معليش ماعرف اوصل المعلومه ,,, واذا سئلنها عن باب الديناميكا الحراريه قالت اشترو من المكتبه موسوعه واجلسو اقرو فيه,,,, هي مي فاهمه الماده خلاص تقعد وتخلي غيرها يشرح في ناااااس قاعدين بالبيوت وماشاء الله فاهمين الفيزياء من قلب فتخلي غيرها,,, اذا انها عارفه انها ماتعرف,,,, عشان مايكون راتبها عليها حرام...... حتى انا دايم لما يستصعب لي اي سؤال احطه بهالمنتدىوالحمدلله القى اجابات تشفي غليلي وترجع املي بالفيزياااااء,,, اجابات من ناس فاهمه الي هي قاعده تقوله,,, لان الفيزياء ماده تخاطب العقول مادة فهم بحته,,, مو حفظ من الكتاب وبس!!!!!!!!! هذي وجهة نظري ومعاناتي مع معلمتي......................... |
| الساعة الآن 01:00 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir