بداية كل المنى والاحلام ان نعيش احلى رمضان


مليء بالايمان و طاعة الرحمن



...



هل تشعرون بالاجواء الحاره هذه الايام

يزين الجو يومين ثم شوي ويرجع الحر الشديد ...

كنه يقول من قال لك اني رحت



وبعدين سبحان الله



الاجواء عندنا صيف وشتاء بس ...

مدري الربيع والخريف مطلعين بطاقات وطالعين من كرت العائلة والا وش السالفة




... وفي الايام هذي


نعيش حرارة شديدة رغم ان الصيف في نهاية كما يتوقع اهل المعرفة بالفصول والنجوم


ماتحس انه في اخره وماوده يفكنا .....(( ياهو حبيب ويحبنا ))





كذا مرة اذا طلعت لشغل بر البيت بالنهار ...


اول من يسلم علي الشمس

ومن اروع مايكون تحبني على راسي على طول


ومع الوقت تتضح حرارة الترحيب ...


وابدأ اتصبب عرق ...


وشوي ودي اهج من ملابسي ..


وبعدها تهب نسمة هواء ...


واذا بديت احس بها اذا هي سموم ...

هواااا حاااار ..

دورني وانا اتمعط بوجهي .....(( تمعط تعني انكمش من شدة الصدمه ...




ويرجع السكون ... والكتمه

ويبدأ مفعول الروائح ...... خاصه اذا كنت في مكان مغلق

وتصبر والا ماتصبر ....

كاني في وسط بركة وماسك انفاسي .....

لان الشهيق معناه سحب هواء من الخارج ... ( خيار صعب هههه





واذا اضطريت للمشي من محل الى محل ولو قريب ..


تلقاني امشي واتصبب كأني ماصورة ماء فيها تهريب ...


والاخلاق تضيق والصدر مايحتمل حتى مزح ..


واطالع بالسماء والارض واشعر كأني عايش بمدينه محشورة بفرن ...


واحس اني مثل دجاج الشواية اتقلب على نار ... وانتظر متى اجود (:




وبعد مايخلص الشغل وارجع البيت ..


ادخل و انادي : دلوني الطريق الى الدش ..


واذا نزلت الفنيلة كني اطلع ستيكر لازقه تسحبها سحب ...


واذا اخذت دش وزانت الامور وحسيت بالانتعاش ...


ابقى يومين مااطلع في النهار ..


الا اذا مسألة فيها حياة وموت وممكن بعد اشاور نفسي




بس تدرون


والحمد لله على كل حال


والحمد لله ان هالسنة رمضان اجازة





حبيت افضفض لكم عن مشاعري الحاره ........ (( لا والله انهمد الموضوع كلها حرارة بحرارة خخخخخخخخخخخخ

تحيااااااااتي
Mr-z