ملتقى الفيزيائيين العرب - بكرة عندي اختبار بليز ساعدوني

سهل هالمثال وما فيه شي
بس محتاج شويه تركيز
المطلوب في المثال ايجاد المحصله
فأول شي راح نوجد ق س .. و.. ق ص
كيف؟؟
أنا أقولك
جتا30 وتساوي المجاور على الوتر
الوتر هو 10 والمجاور هو ق س (لاحظ الرسم)
طبعا انا ابغى ق س
فراح أخلي ق س في طرف والطرف الثاني 10 جتا 30
بهذا الشكل
ق س = 10 جتا 30
ملاحظه{نضرب طرفين في وسطين عشان يطلع لك المعادله السابقه}
بعدين اجيب جا 30
بنفس الطريقه السابقه
جا 30 يساوي المقابل على الوتر
فيصير
ق ص = 10 جا 30
وبالمثل تقدر تجيب المركبات السينيه والصاديه ولازم تراعي الاشاراااات
بعد كذا بتجيب جتا 30 و جا 30
بالآله الحاسبه
جتا=cos +الزاويه
جا=sin+الزاويه
بعد ما تطلع جتا 30 بتضرب الناتج في 10
وتضرب جا 30 في 10
وبالمثل باقي المركبات
تضرب القوه في الــ جتا وجا (ناتج الزاويه بعد ما تطلعها بالأله)
بعد ما تطلع نواتج المركبه السينه تجمعها مع بعض
واقصد بنواتج المركبه السينيه (حاصل ضرب القوه في جتا و جا الزاويه)
وتراعي الاشارات
وبنفس الطريقه توجد المركبه الصاديه
فيطلع لك سيجما(يعني مجموع) ق س .. و .. سيجما ق ص
تربع ق س لحالها وتربع ق ص لحالها
بعد كذا بتجمعهم مع بعض
فبيطلع لك
ح تربيع=حاصل جمع المركبتين بعد تربيعهما
عشان اتخلص من التربيع اجيب الجذر التربيعي للطرفين
فيصير الناتج النهائي
ح= 37,4 نيوتن
ما تنسى الوحده

وبس
بالتوفيق بالإمتحان وأعتذر عن الشرح اذا كان مختصر بس ما حبيت اكرر الخطوات