ملتقى الفيزيائيين العرب - قانون 24 ساعه أغاني ....

ملتقى الفيزيائيين العرب (http://www.phys4arab.net/vb/index.php)

- استراحـــة أعضاء ملتقى الفيزيائيين العرب. (http://www.phys4arab.net/vb/forumdisplay.php?f=17)

- - قانون 24 ساعه أغاني .... (http://www.phys4arab.net/vb/showthread.php?t=53263)

قانون 24 ساعه أغاني ....

http://im1.gulfup.com/2010-10/12878811802.gif
..

,,,

..

بدأت القصة لما كان عمري 15 سنه و كان بدايتها طلاق ..

أخذ بابتي أخواني الصغار و انا و الباقيين عشنا مع مامتي

كنت أقضي وقتي دايماً و أنا ارسم واسمع أغاني حزينه وأجلس أبكي عليها كنوع من التفريغ

و استمريت على حالي لا صلاة و لا عباده وعايشه مع نفسي :(

و بعد أولى جامعة في الاجازه الصيفيه .. تحديداً ثاني يوم في رمضان

زادت المشاكل وزاد عيار الضغط النفسي

أخذت سماعاتي وقررت اني اسمع أغاني لمدة 24 ساعه ..... جلست اسمع من بعد المغرب

للساعه 10 الصباح تقريبا و فجأه قلت لنفسي

تخيلي جاكِ ملك الموت دحين بايش حتقابلي ربِك ؟؟؟:(

وقتها بكيت عيوني دموع التوبه وقمت صليت ودعيت ربي انه يهديني لعمل ينفعني في الدنيا و الآخره

و خطر لي أروح اعيش عند بابا مع اني كنت اتجنب حتى الكلام معاه ...

وفعلاً رحت عشت عنده وعَدَت 3 شهور و في يوم رجعت من الجامعه

و أنا أفتح باب البيت سمعت صوت التلفزيون قلت يا حليله بابتي أكيد يتفرج العربيه كالعاده

ودحين بيجلس يحكيني ايش صار في العالم ..

دخلت بحماس و ابتسامه و ألاقيه ميت على الأرض ..

صح كانت صدمه بس بعدها حمدت الله أولاً لأنه الهمني الصبر و حسن التصرف و قتها

و ثانياً لأني عرفت انه بابتي مات و هو راضي عني

و هذه نهايتنا كلنا ... اليوم عندنا فرصة نتوب و نحسن علاقاتنا مع الناس

بس يمكن بكره يكون فات الأوان

هذه قصتي حبيت اكتبها يمكن سبحان الله ربي يهدي بها أنسان غافل

roro-ray