ملتقى الفيزيائيين العرب - ألا ليت الزمن يرجع ورى

بسم الله الرحمن الرحيم

السلام عليكم ورحمة الله وبركاته

كم أثارت بي من شجون

رغم أنها قديمة ولكنها أعجبتني فأحببت نقلها لكم

nuha

ألا ليت الزمن يرجع ورى

ألا ليت الزمن يرجع ورى

وإلا الليالي تدور

ويرجع وقتنا الأول وننعم في بساطتنا

زمان أول أحس إنه زمان فيه صدق شعور

نحب ونخلص النية وتجمعتا محبتنا

زمن مافيه لاغيبة ولاحتى كلام زور

ياليته بس لو يرجع ونسترجع طفولتنا

صغار وقلوبنا بيضا تعيش بعالم محصور

ولا نعرف أبد أغراب ماغير عيال حارتنا

صحيح صغار بالتفكير لكن ماعلينا قصور

نخطط نكسر اللعبة وتسعدنا شقاوتنا

نروح المدرسة بدري ونضحك داخل الطابور

نحاول نزعج العالم بروحتنا وجيتنا

وعشان نأخر الحصة نخبي علبة الطبشور

نشاغب بس في الآخر تميزنا براءتنا

نحب الضحك والبهجة نحب ننط فوق السور

نفرفش ليه ما نفرفش مادام الضحك عادتنا

ولكن دارت الأيام وبان الخافي والمستور

وصار الهم متعلق على قمة سعادتنا

كبرنا وصارت الدنيا تصف أحزاننا بالدور

وتهدينا الألم والهم غصب عن عين رغبتنا

تعبنا من بلاوينا أحد ضايق وأحد مقهور

وكلآ غارق بهمه و بالآخر تشتتنا

وأنا ماأقول غير إنه ألا ليت الزمان يدور

ويرجع للورى فترة نعدل وضع عيشتنا