الجزء الثاني
وجد خالد في غربته من يؤانسه وكان نعم الرفيق فليس كونه من الوطن فقط انما كان فهد من الشخوص التي تتميز بخفة الدم
فكانت دعاباته تخفف عليه مر الاغتراب
المهم في احد الايام جاء فهد الى خالد وقال له الم تسمع الاخبار
قال خالد يافهد وهو انا غايب عنك انت على اخر الزمن تتابع اخبار
وكمان ايش اللي صاير مقطب حاجبيك لا ما اصدق !!!
فهد:لا والله انك فايق لا حول ولا قوة الا بالله يابن الناس الدنيا مقلوبة
خالد : ايش فيه ايش اللي صاير يكون بركان حينفجر
فهد لا والله انك منت في الدنيا
فهد : امريكا اعتدت على افغانستان
خالد :
متى حصل الكلام هذا يعني الا وتنفذ اللي في راسها حسبنا امرها بس تخويف
فهد لا والله ما عاد ينقعد في باكستان
خالد : ويش تقول يافهد والدراسة
فهد اقول تولي الدراسة
خالد : بصراحة انت مكبرها مرة لهذي الدرجة انت خواف ترى الحرب في افغانستان مو في باكستان
فهد لا ياشيخ تنكت انا عارف لالكن ياخوي باكستان على مرمى حجر من افغانستان
ولابد ان يطالها الشرر
خالد اقول تراك طولتها وهي قصيرة تعال اجلس وانا اسويلك احلى شاهي ينسيك الحرب وساعتها
فهد : قاعد تنكت انت وجهك
خالد : لا الظاهر انقلب الوضع
وماهي الا دقائق والصديقان في جدال الا وفاصل لحديثهما رنات الهاتف
رفع خالد الهاتف آلو : هلا وغلا بامي يامرحبا
الام : كيفك ياوليدي عساك بخير
ما دريت عن البلية اللي صارت في افغانستان
اقول ياوليد لازم ترجع لنا اليوم قبل بكرة لا زم تحجز على اول طيارة
خالد : يمه ويش تقولين اسيب دراستي عشان امريكا احتلت دولة جنب باكستان لا خلاص كم شهر وخلاص تجي الاجازة واجييكم
الام على راحتك ياوليدي بس انتبه لا تخرج في الليل
انتبه لنفسك
خلاص يايمه تامرين امر ابوي كيفه
الام خذه معك
الاب : ها ما تغير كلامك ترى الوضع شكله ما يبشر بخير
الموضوع ياوليدي شكله خطير
خالد : لا ياابوي اخلص السنة هذي ويصير خير
وتم انهاء المكالمة
وماهي الا ساعات وقد افلج الصبح عن الضوء
طرق فهد الباب على خالد
خالد: طيب طيب...مين
فهد : انا فك الباب لحد الان نايم يلا ترى المحاضرة الظاهر بتروح علينا
خالد : فتح الباب
انت امس تقول انك رايح وايش الاهتمام هذا
فهد لا يالاخو اذا كنت موجود هنا فلاهتمام الى اخر قطرة لكن اليوم بروح للسفارة واشوف ايش يشورون عليا
خالد : كويس انك بديت تفكر في مستقبك بشكل افضل
فهد : اقول اخلص الدنيا قيلت واحنا تروح والا ماتروح
خالد :طيب ادخل لين ما البس
فهد : طيب بس لا تأخر
ثم ذهب الاثنان الى الكلية وبعد انتهاء الدوام جمع فهد دفاتر محاضراته وصرخ بأعلى صوته ياخويلد فينك من داخل غرفة المحاضرات الكبيرة وقد كان خالد يسأل الدكتور عن بعض الامور التي اشكلت عليه
نظر خالد الى جهة فهد تمتم في نفسه لا والله بيجيب العيد ايش فيه مو شايف الدكتور قدامه
وهذا اخينا في الله لا زال يصرخ ياخويلد وصار ينكت ياخويلد ابي شمس !!!
ابي قهوة !!!
والجميع في غرفة المحاضرات ينظرون لهذا الاخ الذي يزعق ولكان فيه احد غيره
وماهي الا لحظات انهى خالد محادثته مع الدكتور وذهب الى فهد وقال : يافهيد وراك بهذلتنا
ما خليت احد في الكلية الا وعرفته فينا
فهد احسن عشان اناديك بسرعة تلبي وتقولي لبيه يافهيد
خالد ما كنك شايفني اكلم الاخو الدكتور
فهد والله لو تكلم برويز مشرف نفسه اللي توه متوسد الرئاسة لبهذلك
خالد : لا ما انت صاحي اليوم
فهد : تخاويني للسفارة
خالد : طيب يلا بسرعة امش
وصل الاثنان الى السفارة الساعة 11صباحاً
ودلف الاثنان الى مكتب السكرتير وحولهم الى مكتب شؤون الطلاب المغتربين
سأل فهد عن الوضع الامني هل يسمح لهم بالبقاء في البلد
دون خوف من اي اجتياح
هدأ الموظف من كلام فهد اجتياح مرة وحدة !!!لا يا اخوي الموضوع في بلد ثاني
وان شاء الله المكان هنا ما فيه اي خوف ما في داعي للقلق
خالد : نظر لفهد هاه شفت
فهد : همس لخالد اقول يخويلد وهو هذا الجالس يدري عن اللي يدور في راس التيس بوش
خالد : تراك وصلتها للسماء وهي قصيرة
فهد : اقول بسوي اوراقي وبمشي
الترم هذا اقدر اعوضه وما راح ارجع الى ان تهدأ الاوضاع
خالد: طيب واذا امريكاراسها والف سيف ما تروح عن افغانستان وايش السواة
فهد : خليها تقعد اصلا هو ترم اللي درسناه وترم ما كملته
يعني ما فيه حسافه
خالد : وتسيبني لوحدي
فهد : مو قلت لك امش معي الحرب ما هي لعبة وانا اخوك
خالد: لا روح انا ماني مستعد اضيع بقية الترم عشان خرابيط في راسك بس
فهد :طيب وهو كذلك
ثم افترق الاثنان كل على بيته
وفي اليوم التالي
اتصل فهد على خالد
وقال له : هاه ياخويلد ماراح تودعني
خالد: آفا يافهيد الا وتنفذ اللي في راسك
فهد : اقول لا تكثرها وهي قصيرة انا تحت عند البيت انزل وصلني لحد المطار
وودع خالد صديقه ومؤانس وحدته فهد
ولكن ما الذي حدث بعد ذلك والذي ادى الى سؤ الاحوال في الباكستان
هذا ما سنعرفه في الحلقة القادمة من الحلم الذي انطفئ................ بقلم / ربانة