[يوسفكم]

السلام عليكم .. انا طالب وما ادري اذا مني حقي اجاوب على هذا السوال ..
بس انا اعتقد انو هذا التاخر اللي فينا ناتج من المدرسين والطلاب والدولة بحد ذاتها ...
اما المدرس ممكن ما يعطي الدرس حقه او يتوفر عندو الاجهزة والادوات ولكن يعتقد ان الطالب لا يستحق هذا التعب (وبصراحة انا لاحظت هذا الشي من بعض المدرسين ) اواستخدام اسلوب واحد وممل وما هو ممتع ومن هذا الاسلوب يصير الطالب يكره المدرس والمادة ويصير شغلو الشاغل متى ينفك مها ..
ومن الطالب في عدم اجتهادوا مثل ما قالو اخواني ..
ومن الدولة في عدم تقديم المساعدات والمميزات للطلاب المتفوقين او عدم توفير الكتب اللازمة في المكتبة المدرسية ..
هذا راي عشاني من الطلاب وممكن اكون غلطان ..
ولو انا مدرس (( اعطي دروسي على ااجهزة ومو بس كذا اتعبو بالابحاث في واخلي ايسويها بالمدرسة هذا اذا كانت الكتب متوفرة لانو بعض الشباب الله يهيدهم البحث اذا انطلب منو ايروح المكتبة وبـ 50 او 100 ريال ايسويلو احسن
بحث انا ايد انو الطاب يتعب تعب ما شاف زيو عشان المعلومة تنحت براسو ..
اعتقد لازم المدرس يطبق المثل القائل easy come easy go فلازم المدرس مهما كان عندو من اجهزة لازم ايخلي الطالب يسوي ابحاث ويحل ويجرب ويتعب ...
وطولنا عليكم..
والسلام خير ختام ........