يا أخي أسأل الله انه يوفقك
وبالنسبة لإختيارك في تخصصك لازم يكون بإرادتك انت وحسب تقييمك انت لنفسك
وقبل هذا وذاك لازم تستخير الله وتتوكل عليه وصدقني راح تكون في المكان المناسب لك
بالنسبة للي يقولوا لك دراسة القسم صعبة فأنا راح أقولك نظرتي ورأيي
بصراحة الفيزياء على مستوى العالم طلابها قليل وهذا كلام دكاترتنا بالقسم
والسبب مو انها صعبة لكن السر في المفاهيم
ياخوي الفيزياء كلها مفاهيم ومو أي واحد يقدر يوصلك هذي المفاهيم
عشان كذة الأمر يتطلب منك مجهود عشان تساعد نفسك وتفهم
بس تقدر تمشي فيها بسهولة اذا انت حابها اصلا وحاس انه لك ميول فيها
واذا كنت ما تحبها ولقيت على الأقل دكتور واحد يشرح تمام صدقني راح تحب الفيزياء
بصراحة الفيزياء فلسفة الطبيعة
الفيزياء .. الكون كله
واذا فهمت لو جزء منها تحس انك ملكت العالم كله
واذا عني والله عمري ما ندمت اني دخلت فيزياء بالعكس انا احمد الله كل ما تعمقت فيها
وهناك حكمة تقول
اذا كنت تريد قوس قزح فعليك تحمل المطر
ولا تنسى الصعود للقمة يحتاج للصبر والتوكل على الله
وبالنسبة للشروط يمكن تلقاها بموقع الجامعة
و أخوي متخرج قبل سنتين من جامعة الملك عبد العزيز من كلية العلوم بس من قسم الكيمياء
واللي اذكره إنه درس أول سنة علوم يعني كل شي كيمياء وفيزياء وأحياء من غير ما تخصص
والسنة الثانيه يخلوك تختار التخصص اللي تبغاه
يمكن تكون الذاكرة خانتني لكن أحاول اتأكد منه
وبالتوفيق يا اخوي
أخوك صدام