اخوي الغالي
يعطيك ربي الف عافيه
اخوي الغالي انا طالب في الصف الثانوي والى الآن الاختبارات الى قدمتها كلها بإذن الله درجاتها كامله بإذن الله
لكن انا ادري وش بنقص فيه لازم بنقص بالفيزياء
لنه المدرس الي يدرسنا عارفينه من الصف الأول الثانوي وهو معقد الماده
اول مره اشوف مدرس فيزياء بالصف الثالث ثنوي يقول الكتاب معك كله اللهم يدخل كل حصه ويشرح شىء خفيف ونسأله وش نذاكر ياستاذ يقول الوزارة مقرر لك الكتاب نقوله طيب حل المسائل يقول محلوله في الكتاب
ماعمره حل لنا سؤال ؟؟؟
اشتكينه عليه كثير في المدرسه ومن خارجها ولا صار شىء فيه
انا هذا الفصل اخذت مدرس خصوصي وشرح لي المنهج كامل والحمدلله عرفت احل اغلب اسئله الوزارة بل اغلبها وحملت جميع النماذج الى موجوده هينا للأسله المطابقه وحليتها وفاهمها كلها
لكن كل هذا مايفيد واتمنى انه يعدي يوم السبت على خير
والله اتمناها تجيني من الاداره او من برا ولا تجي من مدرسنا
ياجماعه مدرس مب معقووول بالمره
الفصل الأول اروح له بعد انتهاء الاختبار وانتهاء اللجان اسئله عن فقرات الصح والخطأ لنه جميع الطلاب يحل وبس لنه حتى ماهي موجوده نص في الكتاب يقول انا اجيبها من الشرح
المهم انا اسئله واقوله نص الفقره ويقول والله مدري خلني اتأكد من نموذج الإجابة ..!
يعني في رأيك ياخوي
هل مدرس زي هذا ؟؟؟ تتوقع الطلاب يجيبون ردجات في مادته زينه ؟؟
للعلم الفصل الأول اكثر رسووب في المدرسة في مادة الفيزياء وبنسبه كبيره
الله يعديها على خير يوم السبت
ودعواتكم لنا بالتوفيق
تحاتي لكم