[align=center]ياشقى دنيا على زايد ألـــمــــــــــــها
ويا شقى وقتن علي دايم شــــــــحوح
بي جروحن كل ما حــــاولت المــــها
تنتثر في قسوة الياس اللحــــــــــــوح
من يعاون نفس متــــزايد سقمــــــها
من يشيل الهم عن قلــــــــــــب وروح
روحي اللي تشتكي من نار همــــــها
وقلبي اللي يشكي من نزف الجـــروح
آه يادنيا علي ارخت ظلمـــــــــــــــها
لين خلت كل شي فيني ينـــــــــــــــــوح
في الاسى والحزن عندي ياكرمــها
ويابخلها في السعادة والفــــــــــــــروح
يوم عيني وقتي القاسي حرمــــــها
شوف شخص شوفته تشفي الجـــروح
كم بكت هالعـــــــين لكن مارحمها
وكم شكت في عتمة الليل وتــــــــبوح
من فراق اللي تحت دوسة قدمــها
درب للجنة من ارضـــــــــــــاها يلوح
امي اللي صارت بقبــــــــر يضمها
ضمني من بعدها حزن لحــــــــــــــوح
ليتني باللحد بالي مع جســــــــمها
مابقى لي بعد فرقاها طمـــــــــــــــوح
كم تمنى خاطري بوسة خشمــــها
او تداعب ايدها راسي بمـــــــــسوح
صرختي يمه ابد محــــــدن فهمها
ظنهم هالصرخة يايمه مــــــــــزوح
مادروا ان الاسى روحي هدمــــها
ومادروا فيني الالم شيد صـــــروح
ربي اللي قدر القسمة وقسمـــهــا
وحكم ربي اقبله بصدر سمــــــــوح
عل ربن خالق الجنة ونعمــــــــها
يجعل الفردوس لك يمه طــــــــروح[/align]
أسأل الله ياأمي أن يسكنك فسيح جناته وأن يجعل قبرك روضة من رياض الجنة ...