بسم الله الرحمن الرحيم
السلام عليكم ورحمة الله وبركاته
وبعد فرج الله همك وييسر الله امرك وشرح الله صدرك
ياختي الغاليه لاتشلين هم اقرئي موضوعي في المنتدى عن (((((كلوووووووش انتهت زيارتي الصفيه وفيه بعض النقاط ممكن تفيدك ))
مدخل الدرس ومقدمه لعبة الشفرة السريه وانا شرحتها في الموضوع سابقا ومنها نستنتج موضوع الباب كامل وهو الرنبن في الاعمدة الهوائيه
اما بعد ذلك تحدثي عن اين ممكن مشاهدة الاعمدة الهوائيه مثل الاالات الموسيقية كالناي والمزمار والساكسفون وممكن تحطينها اول صفحة في عرض البور وتضيفين لها الالات وترية كالعود والاورق وغيرها وهذا سهل ياعزيزتي اكتبي في قوقل الاالات موسيقيه وبعدين اعملي نسخ ولصق للصور في العرض وبكذا يبان الفرق للطالبه ايهما عمودي وايهما وتري ( واذا ماعندك عرض بور سويها على اوراق واطبعيها ملون وبعد كذا وزعيها على الطالبات واكتبي سوال اي الالات التي امامك وتري وايهما على شكل عمود مولازم اسم الاله حطي ارقام تحتها بحيث تقلك الشكل رقم كذا وكذا عمودي
........وبعدين قولي انه توجد في جسم الانسان بعض اشكال تشابه الاعمدة الهوائية كالحنجرة وانها عباره عن عمود مفتوح الطرفين احدهما يتصل بالحنجرة والاخر بالرئتن ووضحي لهم اهمية نعمة الكلام وان كثير من الناس حرم هذه النعمة كوسيله للتخاطب بها مع الاخرين كالانسان الاخرس ووضحي انه يجب البعد عن الغيبة والنميمه وانه اواحد لازم يستغل كل نعمه في مايرضى الله فيجب التغني بالقران والاكثار من التسبيح والذكر
............ولازم تقولين ان الصوت ينتج من اهتزاز الاجسام نريد ان نتعرف على انواع الاهتزاز واكتبي على السبوره موضوع الدرس تحت موضوع الفصل وقولي عشان نعرف انواع الاهتزاز نفتح الكتاب ونجري النشاط الاول .......... وعادي يالغاليه ترى انا في درسي النموذجي حضرت الموجهة والتجربه الثانيه ماكان عندي شوكتين لهما نفس التردد اخذت عرض الفديو من المنتدى هذا وتلقينه مكتوب عليه رنين شوكتين
وتخيلي فتحته على لاب توب عادي من غير بروجكتر لانه ماكان يفتح الفديو على جهاز المدرسه
وبعدين الدرس الاول ينتهي عند الاهتزاز الرنيني فقط يعني الاعمده الهوائيه درس ثاني
.......... ممكن تستخدمين المخبار المدرج صح موغلط وكمان ممكن تشغلين عرض فديو كمان تلقينه في المنتدى
فكرة عمل الميكرويف هى التالية : تسلط موجات دقيقة ( الميكرويف) و التى تتميز بانها ذات تردد كبير جدا 2500 ميجا هيرتز فتعمل هذة الموجات على اهتزاز جزيئات الماء الموجودة في الطعام ( جزيئات الاكسجين والهيدروجين ) نتجة الاهتزاز يحصل احتكاك بين الجزيئات فتتولد حرارة . وبذلك تترفع درجة حرارة الطعام , اما العلاقة بين الميكرويف والاهتزاز الرنينى هو ان التردد الذى تتهز به جزيئات الطعام يتوافق مع تردد الميكرويف .
اما المذياع فلازم يكون تردد الموجه الملتقطة من جهاز الارسال = تردد جهاز الاستقبال يعني قولي لمن ابغى اسمه اذاعة القران لابد ان اضبط الراديو عندي من الجهاز نفسة حتى يتساوى تررده مع الموجات المرسله وبدليل وانا الفة في صوت وشوشه ولمن الفة يسير الصوت واضح معناه تساوت الترددات وقولي خلاط الطماطم نفس الفكره ولاتفصلين وممكن ماتذكرين المثال
اتمنى انك استفدتي واهم شي اكتبي كل شرحك في ورقة خارجية مرتبة من المقدمه حتى سوال الواجب وكل النقاط اشرحيهها في الورقه كانك قدام البنات وبكذا بمشيئة الله تترتب افكارك وتتسلسل
الله يوفقك والله حااااااااااااااااااسه فيك وبعدين بشرينا كيف سار الدرس:s_thumbup: