أخي طالب علم
أولا أنا قلت إني مش متأكدة من الحل لأني طالبة ومش معلمة
رح أشرحلك كيف حليت وبدي منك تعطيني رأيك _ وتذكر أنا مثلي مثلك
أنا إعتمدت في الحل على قوانين الإشتقاق بالرياضيات ( التفاضل)
بما إن المقاومتين موصولتين على التوازي
إذاً المقاومة المكافئة تساوي مضروب المقاومتين على مجموعهن
المقاومة المكافئة = م2 * م1 /(م1 + م2 ) .............. المعادلة(1 )
بعدين بنشتق المعادلة (1) ............ حسب قوانين الإشتقاق
دم/ دز = (م2 + م1 )(م2 * دم1/ دز + م1 *دم2\دز ) - ( (دم2/ دز + دم1 /دز ) (م1 * م2 )) /(م2 +م1 )^2
هذه الخطوة هي مشتقة المعادلة (1)
لأنو من قوانين الإشتقاق مشتقة القسمة تساوي( ( المقام في مشتقة البسط ) ناقص ( البسط في مشتقة المقام ) ) تقسيم مربع المقام.
ليش أنا إشتقيت ؟؟ .......... لان المطلوب هو معدل تغير المقاومة المكافئة
ومعدل تغير المقاومة يساوي التغير في المقاومة على التغير في الزمن = دم/دز .......... صح ولا لأ ؟؟
و دم/دز هي مشتقة المقاومة بالنسبة للزمن .......... صح ولا لأ ؟؟
يعني الحل ممكن يكون بإشتقاق المعادلة (1) وبعدين بس بنعوض
كمان مرة أنا مش متأكدة من الحل, إحتمال يكون في غلط ....... يعني يا جماعة بدنا حدا يأكدلنا أو ينفي الحل
ما تقول عن حالك فهمك ثقيل. الغلط مش منك إذا انت ما فهمت الحل الغلط مني لاني ما شرحت حلي بطريقة منيحة
بالتوفيق إن شاء الله