الأخت الكريمة شكرا جزيلا على تشجيعك لي, لكن موضوع اللغة العربية الفصحى ده في كلام, لإن أنا من المؤمنين بأن الدعوة لعودة اللغة العرببية في التخاطب بين الناس هذا وهم كبير, فاللغة العربية لن نستطيع إحياءها غير في الكتب العلمية والنشرات الإخبارية ....إلخ.
لكن الهدف الأكبر من ذلك, هو الإرتقاء بالعقول العربية في فهم تلك المواد الأساسية وهي الرياضيات والفيزياء والكيمياء, ولما حضرتك تشوفي الإسطوانة , وتستمعي للدروس, هتفهمي أكثر هدفي من هذا السي دي, وبإذن الله هتستمتعوا جميعا بإسلوب الشرح.
كما أتمنى أن تلتزموا بما سأطلبه منكم في هذا السي دي, يعني ما تحاولوش تجروا في الدروس, فالمنهج ده معمول لمن لا يعرف أن الأجهزة الكهربية تعمل بالكهرباء, يعني لا يعرف أي معلومة عن الكهرباء, لذلك عشان أقدر أفهم شخص مثل ذلك الشخص معنى الكهرباء, فلا أعتقد أن الأسلوب التعليمي الرتيب الممل بتاع المدارس هينفع.
الهدف , هو , إن , الناس , تفهم , كهرباء , أي شخص يدرس هذا المنهج بعون الله وتوفيقه هيفهم الكهرباء.
كذلك خدوا بالكم إن درس النصائح الهامة, ليس موضوع مخصص لطرح نصائح أو خبرات في مذاكرة الكهرباء أو الفيزياء, لكنها نصائح للأمة الإسلامية كاااااااافة , لإن نفسي نفسي نفسي ألاقي عقليات الشباب والشابات في الوطن العربي عقليات راقية ومتفتحة فكريا.
وانا كنت رفعت محاضرة من كام يوم بعنوان " الحقيقة العلمية والفرض العلمي " , قد يكون بعض الناس شعروابأني بتكلم كلام فارغ, لكن هتفهموا بعدين , قدام, أنا ليه عملت المحاضرة ده, وخاصة لما هنخش في درس الذرة, عشان نفهم إزاي الغرب بدأ في تطوير كل هذه العلوم التي نشاهدهه اليوم, وتعرف إزاي تفكر وتذاكر أي معلومات هتحصل عليهه من كتاب أو مقال أو شيء آخر, يعني عاوزك تفكر, تفكر, بلاش أسلوب التعليم القائم في مدارسنا العربية إلي هوا " تعريف كذا" " كذا كذا كذا كذا " , أو " الدرس الثاني, التفاضل " " يقال عن الدالة التي تحقق شروط كذا كذا أنها قابلة للإشتقاق على ......إلخ" " طيب ليه؟ ؟ ؟ ؟ " " ويعني إيه التفاضل أصلا, وليه لو حققت الشروط ده تبقى قابلة للإشتقاق على كذا كذا , ليه ما تنفعش شروط تانية؟ فهوا ده هدفي, أنا مش عاوز أسردلكم تعاريف أو مصطلحات فيزيائية تعد تحفظهه, إحنا هنكتشف الكهرباء مع بعض, وكأنها لم تخترع بعد, واحنا إلي هنخترعهه إن شاء الله.
طيب خلوا السي دي ده مفاجأة, المهم , تكون رايق وفايق ومركز وانت بتستمع للدروس, عشان هنشرح الكهرباء حتة حتة .
وبالتوفيق للجميع
