أنا مش حجاوب بالتأكيد عشان ماضيعش الفرصة على غيري
لكن كخطوات:
1- من الأسهل نوعًا إننا نقسم الحركة لمرحلتين، المرحلة الأولى هي مرحلة صعود الجسم، والتانية هي مرحلة هبوطه حتى الوصول للأرض.
2- اكتب معادلة نيوتن للحركة في المرحلة الأولى، وكامل بالنسبة للسرعة، تجيلك علاقة بين السرعة والمسافة المقطوعة (حتستخدمها بعدين)
3- اكتب معادلة نيوتن للحركة في المرحلة الأولى، وكامل بالنسبة للزمن، تجيلك علاقة بين الزمن والسرعة، تستنتج منها زمن المرحلة الأولى
4- كرر الخطوات 2 و 3 بالنسبة للمرحلة التانية.
5- بعض الجبر البسيط... تم حل المسألة!
وطبعًا القيم الإبتدائية والنهائية مهمة جدًا، ومش حقولها لأن هي دي الفيزياء اللي في الموضوع، الباقي رياضة.. على الأعضاء انهم يفكروا في القيم الابتدائية و النهائية لكل مرحلة عشان يعرفوا يعملوا التكاملات المطلوبة..
حاجة كمان: ماتخافش تفرض رموز من عندك.. اكتب اللي انت عايزه المهم كل الرموز اللي حطيتها من عندك تعوض عنها بالرموز المطلوبة في الناتج النهائي.
وشكرًا ليك على الموضوع
