[align=center]الى اخواتي وخصوصا
جوديان
&
ام اسيل
طبعا ابدي راي كطالبة واقتراحاتي علشان البنات ما يزهقون
انا من وجهة نظري سوف ابدأ من البداية والاساس
1) ان الاستاذة تتعامل بأطيب تعامل مع الطالبات ويكون تعاملها بعدل لا افراط ولا تفريط
يعني مثلا اضحك معهم بالحصة بالمعقول واشرح وانا مبتسمة ما اشرح وانا مكشرة كل حاجب داخل في الارض 10 امتار
2) اذا كان الدرس صعب وثقيل دم وممل احاول اشبه المثال او شي بالدرس ان اشبهه بشي يضحك او شي انهم ماينسونه
3)محاولة ضرب الامثلة بالواقع
4) ان تشرحي الدرس كله ولما يجي اليوم الثاني اسأل اسئلة بالدرس اللي فات
واذا كانت التعاريف كثيرة في الباب حاولي انك تسألي بكل حصة عن جميع التعاربف اللي خذيتوها من قبل كذا البنات يحفظوها بدون ما يفتحوا الكتاب
5) عند الاختبار محاولة حذف الاشياء التي ترى بأنها ليست ضرورية او مهمة ومحاولة التسهيل على الطالبة
6)تخطيط اهم النقاط وانفعها للطالبة
7)حاولي ان تكون الاسئلة سهلة لكن يوجد بها سؤال او سؤالين ذكاء ((يعني او ما شابهه )) للتميز والتفريق بين الطالبة الفاهمة واللي مو فاهمة
8)اني انوع في الاختبارات مثل فكرة اختنا اضواء القمر
9) محاولة تسهيل التصحيح وترتيب الدرجات بالعدل على الاسئلة
10)اعادة الاختبار للي يبغون اعادة او تحسين لانه فيه البعض لايعيدون ولا يحسنون
11)اخذ افضل الدرجات
12) اهم شي انتبهي بأن لا تظلمي احد فتذكري ان دعوة المظلوم لا ترد
صح احس اني مرة طولت ولكن والله انا احس انه كذا راح يشتاقون الطالبات اصلا متى تجي حصتك
ويدعون لكم في ظهر الغيب ويصيرون يحبون المادة ويشتاقون لها ويهتمون فيها
واسألوا مجربة
انا والله الاستاذة اللي تسوي معنا كذا ما اصدق متى بتجي حصتها واهتم في مادتها والدفتر
ولا احب الحصة تخلص ما عدا الدعاء لها في ظهر الغيب
اما والله اللي تجي عكس كذا والله اكره حصصها وما نصدق نسمع انها غايبة وطول الحصة طفش وما نقول غير الله يهديهم
والله وفيه بنات يدعون عليهم وبعضهم توصل معها انها تقعد تلعن فيها وفي ابوها
واسألوني انا وأسألو الطالبات فنحن اللاتي نعيش الوضع ونرى حركات الطالبات بوجه الاستاذة شي وبظهرها لما تطلع شي ثاني
اتمنى ان اكون وفقت لما به الفائدة والنفع
واعود واقول هذه مجرد اقتراحاتي ورائي وبامكانكن تطبيقها او لا
اتمنى من الله ان ينفعني واياكم بما نقول ونكتب
ويجعله في موازيين حسناتنا وحسناتك
واتمنى ان اكون خفيفة الظل عليكم
اخواتي الحبيبات تقبلوا مروري
استودعكم الله
[/align]