[جديه بس رومنسيه]

بعطيك مثل قبل شرح المقاومه عندنا شعب فلسطين قاعدين يقامون الاسرائيلين
عشان مايدخلون اراضيهم ومقاومتهم هذه راح فيها ضحايا شهدا من اجل الدفاع والله ينصرهم
تقدر تشبه الموصل بفلسطين والالكترونات بالشعب والتيار الي بيمر فيها هو اسرائيل(هههه)
لما يمر التيار هذه الالكترونات تتحرك وهذه الحركه تتحول الى طاقه حراريه وهذا معروف
(لانه لما يبذل طاقه حركيه سوف تتحول الى حراريه)جرب وحك ايدينك في بعض راح تحس بحراره
باختصار المقاومه في الموصل اي يقاوم او يمنع مرور التيار ولما هذا الموصل يقوم مقاومته نلاحظها بارتفاع درجة الحرارة

تسبب هدرا في الطاقه الكهربائيه راح اذكرك عندنا من انواع المصابيح
الفلورسنت والمتوهجه ايش الفرق بينهم
المتوهجه تسبب حراره لدرجة انها دايم تنحرق وهذه صح رخيصه بس تسحب كهرباء
اما الثانيه حرارتها اقل وغاليه لكن اوفر في مصروف الكهرباء ودايم ينصحون بها
يعني الموصلات لما تقاوم راح ترتفع درجة حرارتها وبالتالي تسبب هدرا في الطاقه الكهربائيه
وهذا توضيحي المتواضع حسب فهمي