قصيدة للشاعر عبدالله الطلحي الهذلي
ســــــلام ياديــرتي والفيـــن ردّيــّـه
عذبات الأمثــال في وجوبــك نثنّيــها
ياكثر الأمداح مســــموعه ومقـــريه
وياكثر الأشـــعار جـــزلاتٍ معانيـــها
مااحصت وصايفك يالدار الســـعوديه
ياديـــرة العـــز ثوب العـــز كاســـيها
تنـــزلت فيــك الأنــــــوار الإلهيـــــه
طبٍ يداوي القلـــوب وغيث يحييــها
لين إستجابت للآيـــات الســــماويه
هبت ولبت لصـــوت الحــق داعيــها
يادارنـــــا اللي بعـــون الله محميـــه
الله عــن اللي نوى بالشـــر حاميـها
ياللي حصـــونك لنصــر الحق مبنيـه
من فوق سيســـانها ترسي مبانيها
يامعــقل الدين والأحكـام شــــرعيه
ياقبلة المســـلمين اللي تراعيــــها
أحبـــها نســـمةٍ تســـري حجـــازيه
إن كنت في شـــعابها وإلا روابيــــها
واحبــها نفــحـــة الإيمــــان مكيـــه
واحب طيبه بروحي من ســكن فيها
واحبــها روضــةٍ في الريف نجـــــديه
من كـــل فنٍ جــديد النبـت زاهيـــها
فيها الخــزامى تثنّى عقب وسـميه
وازهار ســـبحان خالقـــها ومحصيها
واحبها موجــةٍ في البحــر شـــرقيه
تجــري تقبّـل ثـراها في شــواطيها
واحبـــــها نغمـــةٍ حلــــوه خليجيــه
حكايـــة الغـــوص للأجيـــال تحكيها
واحبــــها قمـــةٍ شـــــماء جنـــوبيه
اللي ليامــــرت المــــزنه تلاقيــــها
واحبــــها دلـــةٍ صفـــرا شـــــماليه
وربــابةٍ تعــــزف الماضي مغــــانيها
واحبــــها شــــجرةٍ بالعـــز مـــرويه
مرويــه جــــذورها خضـــرٍ نواميـــها
نعيش في ظلـــها في سـابح الفية
الله يبــــارك لــــنا فيـــها ويبقيــــها
الشـــجرة اللي صحايفــها بطــوليه
من نســل عبدالعزيز الله منــشيها
حكامــنا اللي مواقفهـــم رجـــوليه
يشـــهد لهم قاصي الدنـــيا ودانيها
يوم المعـــارك تـــدور ونــــارها حيه
رسّوا سواة الرواسي في مراسيها
كم من حريبٍ عــطوه الــصاع مثنيه
ورايــة العـز في عـــالي ســـواريها
يـــادارنـــا دونـــك جنـــودٍ فــــداويه
أرواحنـــا في ســــبيل الله نهديــها
المــوت مكتـــوب والأرواح عــــاريه
لابــد من ســـاعةٍ ترجـــع لباريـــها
يازين ميتة شـرف في ساحة الهيّه
فيها الشــهاده لمن بالصدق باغيها
وتحيا بــلادي على التوحيـد مهديه
وصلاة ربي على المبعــوث هاديها