كلامك صحيح ميه بالميه
انا كنت ماافهم هالمادة بس ماكنت اكرها ولافكرة احبها
كانت في الثانوي عندنا معلمة الله يستر عليها مكشره وذا دخلت الفصل ماتسلم .
والشرح تقولين تشرح النفسها
والبنات كلهم يكرهونها
ومحد يشارك عنده بس انا >> من زود الدفاره احضر في البيت
ولما تخرجت من الثانوي
ورايحه للجامعة علشان اسجل افكر في الطريق اقول ابتخصص كيمياء
او حاسب او احياء
والله ماجات في بالي الفيزياء ولا كاني دارسه شي اسمه فيزياء
ولما دخلت الجامعة لقيت البنات مستلمات ارقام علشان يدخلون ويسجلون تخصصهم
وللاسف لما جاء دوري كل الاقسام تسكرت مابقى غير الفيزياء
واغلب البنات الي بعدي تركو ارقامهم وطلعو معصبين
قلت لامي مابي فيزياء ماافهم فيها
قالت اجل بتجلسين في البيت قلت ماعرفها
قالت يعني كل الي طلعو من بطون امهاتهم يعرفون !!!
ولما سجلت جلست ابكي
بس بصراحة حبيت الفيزياء في الجامعة وهذا من فضل ربي
انا كتبتلك قصة مع الفيزياء علشان تعرفين ان ربي قادر على كل شي
مو معلمة الي تحدد مساري
وان شاء الله بتلقين الي يسرك في المنتدى
تفيدين وتستفيدين .