العمليه بسيطه جدا
وقبل كده لازم نقول إن سرعة دوران الأرض المفروض هي سرعه زاويه .. يعني بالراديان لكل ثانيه .. وليس بالكيلومتر لكل ثانيه
السرعه اللي حضرتك كاتبها هي سرعة دوران نقطه على أكبر محيط للأرض .. وهي ناتجه في الأساس من ضرب السرعه الزاويه .. في نصف قطر الأرض عند ذلك المحيط (أكبر نصف قطر للأرض)
بمعنى إن لو خدنا نقطه على القطب الشمالي .. هنلاقي إن سرعة الأرض هناك = السرعه الزاويه * نصف القطر = صفر تقريبا
بالتالي بتختلف السرعه (الخطيه) من مكان للتاني
أما بالنسبه للسرعه اللي لازم تتحرك بيها الكاميرا فهي ببساطه لازم تساوي سرعة دوران الأرض مجرده
لو حاولنا نصنع الجهاز يبقى لازم نراعي سرعة الموتور واللي ممكن نغيرها باستخدام صندوق تروس ما
وبالتأكيد ميكانيزمات الحركه .. فقط ليس إلا
اليوم الأرضي = 24 ساعه تقريباً
إذن الأرض بتلف لفه كل 24 ساعه
N = 1 round per day
N= 1/24 rph
= 6.944444 في عشره أس سالب 4 .. لفه في الدقيقه
وفي الحقيقه المواتير (الدي سي) اللي بتتباع غالبا سرعتها بتكتب بهذه الوحده
ولكن أكيد من الصعب نلاقي موتور بالسرعه ده .. فهنجيب صندوق تروس يقلل سرعة الموتور