المشاركة الأصلية كتبت بواسطة Professor.M
السلام عليكم ورحمة الله وبركاته
أنا مصطفى ممكن تفتكروني من الموضوع ده
(عمري 13 سنه وأريد تعلم الفيزياء ... فمن اين ابدأ ؟؟!)
كتبته وبعدين انقطعت للدراسة
بس دلوقتي رجعت وأنا متحير !!
طبعا أنا بحب الفيزياء مثلكم .. وقمت بدراسة الكثير من الفيزياء (خارج المدرسة) لكني تعجبت : طب وبعدين ؟؟! لما ابقى متقدم في الفيزياء وكده يعني المفروض بشتغل ايه ؟؟ يعني :إيه هي الشغلة بتاعت الفيزيائيين ؟؟ ايه هي صنعتهم يعني ؟
بالنسبة للموضوع ده فقد قال لي أخي الأكبر (22 سنة) أنه صعب بالنسبة للبلد دي .. في الوقت ده !!
- ليه ؟
-علشان احنا دلوقتي في دولة متخلفة .. أقصد نامية ، يعني علشان اعمل كده لازم اسافر بره فعلشان اسافر بريطانيا على سبيل المثال .. لازم ثمن السفر (وده لوحده غالي جدا) وبعدين الإقامه وبعدين الدراسة ... يعني مش أقل من مليون جنيه :emot30_astonishe:
وإستمر في الحديث حتى اقتعني بما يقصد ، وهو:أني اشوفلي صنعه ثانيه
فـ(هل استمر ، أم ...... ؟؟!)
|
بص يا ابني
بلدنا بلد الممثلين و لعيبة الكورة
متقولش انك عايز تكون زيهم
لكن خليك ذكي في التخطيط لحياتك
يعني مثلاً حد قدامك هدف دخول كلية الهندسة
و بعد ما تخلصها مثلاً تاخد كورس برمجة كمبيوتر او اي مجال في الكمبيوتر يعني (غير ICDL )
كده يبقي انتا ضمنت مجالين قدامك
بعد كده اعمل ماجيستير و دكتوراه في كلية العلوم
قسم فيزياء
في المجال اللي تحبه
يبقي انتا حطيت 3 طرق مختلفة في حياتك
تبقي ضامن انك لو ملقيتش نفسك في مجال فيهم عندك غيره تشتغل فيه
و كمان لو جاتلك فكرة اختراع او حاجة تقدر تنفذه
الفيزياء تقدر تقري فيها كتير دلوقت
ادخل علي ويكيبيديا
و علي المنتدي هنا
اعمل قاعدة علمية عندك
و لو حبيت تتعمق في مجال لازم تكون دارس تفاضل و تكامل
يعني دلوقت اكتفي بالمعلومات العامة
دي نصيحة اخوك من مصر
ارجو انها تكون مفيدة بالنسبالك