[البالود]

أيوه

اقولك شيء مضحك وموقف اكتشفته طول الرحلة

:::

أنا يعنني أني



مسوي فيها البلبل الأنجليزي حقهم

هههااااي , قسم ألّفت قواميس ومفردات لو يدري شكسبير حرم لايتكلم بالانجليزية

المهم نجي للموقف

اكتشفت شيء مضحك بسفرتنا للفلبين

لما نجي الصباح ونمر من عند الرسبشن يطلبون منا اشياء وتوقيع على اوراق
فأخوكم هو الفزعة والناطق الرسمي للشلة
فيصير وجهي مثل هذي



فماذا فعلت قلت شوفوا

قولوا " ييس " لو فيها دفع 2000 ريال

ولاتقولون " نو " وبعدها يسألونا " واي " بعدها ناكل هوى ونبلش

آخر شي صرنا نطلع من عند معبر العربية او الكرسي المتحرك للمعاقين , وهو نفسه مخرج الطواري

نسمعهم من بعيد يقولون " اكسكيوزمي "
وربعكم "طنشا" مطنشين وأقول لهم " هجوا / اهربوا "

والله حالة قسم بالله

ماانتهت السالفة
ولها هذا الشي المضحك

المضحك انه بعد مانحتك بالناس من الصباح
وبالاسواق والكوفي شوبات
والملاهي والكورنيش
غير البرامج التي احيانا تبدأ من الصباح ولاتنتهي الا بالمساء

فنجي للفندق وألسنتنا " منطلقة / سلسلة / متمرسه " على اللغة

عاد تعالوا شوفونا وحنا داخلين " اللوبي "
اول مانسمع كلمة " اكسكيوزمي " لو ماهي لنا ,, نرد عليهم بصوت واحد " يس "



::

طبعا نزلنا في المطار , وركبنا على تكسي
وقلت له يوصلنا لاقرب مكتب

وهذي صورتنا بالتكسي



وكنا قريبين من هالصورة



وحصلنا مكتب
وانا نازل من السيارة أحس أني منتصر على دولة

ههه

المهم دخلنا المكتب وقلت للشباب : ياعيال خلوكم رجال ومخترمين وجيهم انتم وهالبدل تقل هنود البطحاء
ولاكلمة تردونه خلوني اتفاهم معهم

دخلت الا بنت بالرسبشن والابتسامة واصلة اذانيها
" يبون قروشنا "

المهم انا ودي اخلص ولاادخل بمتاهات حول نوع السكن
فعطيتها من الاخر قلت نبي 4 او 5 ستارز
وخلط بكلامي عربي مثل قولي
" الشلة اللي وراي عيارين , والله لو ماسكنتهم بمكان حلو , لياقفون بحلقي "


ووقعنا على فندق زي الحلاوة