[الفيزيائي الصغير]

أختي فيزيائية أو بمعنى أصح ( الدكتورة فيزيائية ) حياك الباري

بكل صراحة كلنا مرينا بالمرحلة هذي وكل منا يمر بالتحطيم ولابد لكن ودي أبشرك إن هذا دلالة على إنك بالطريق الصحيح ولا يهمك كلام اللي يحاول يحطم وأبغى أقولك حاجة أي شخص يحاول يحطمك ويستهزي فيك هذا شخص فاشل مهما كان اسمه ومنصبه وشهادته لانه لو كان شخص متميز كان ما سوى كذا لانه أكيد أي شخص متميز مر بالمرحلة اللي أنتي فيها .

ولازم تعرفي إن الهدف السامي لازم يحتاجله وقت وجهد وعدم تساهل , وبكل صراحة اللي وصل مراتب عالية ما فيه فرق بينك وبينه بس هو اجتهد حتى وصل وأنت بعدك بأول المشوار ولازم تطمحي للأفضل

ولا أخفيك أنا ألحين أحاول بكل اللي أقدر عليه عشان أكون أفضل من معلميني وإن شاء الله راح آصل مبتغاي ولازم نكون طموحين .

ومثل ما قلتلك اللي يحاول يكون حجر في طريقك سويله حذف إلى سلة المحذوفات واعرفي انك أفضل منه لأنك أنتي تحاولي تاصلين هدفك وهو مهنته النقد الهدام وعرقلة الطريق قدام الناس

فأقول لا تستسلمي وخليك صاحبة هدف وهمة عالية والله يوفقك إن شاء الله والأعضاء هنا ما راح يقصرون وأنا متأكد إنهم راح يحطون يدينهم بايدك ويساعدوك باللي يقدروا عليه

وتقبلي تحياتي