ههههههههه والله مواقف بعضكم تجيب الضحك ..الله يهديكم بس ههههه..
الله يعطيك العافيه اختي على الموضوع الاكثر من رائع..
اما بالنسبه للموقف ..
هذا موقف ولا عمري نسيته ولا فكرت اني انساه << الاخت ذاكرتها ذاكرة جمل
كنت في بداية اولى متوسط طبعا انا داخلة المدرسة ولا ادري عنها شئ
المهم جات حصة العلوم << طبعا هذا الحدث صار بعد ماجينا في نص الدراسه
ودخلتنا استاذة العلوم في المعمل ونبهتنا مانقرب لاي شئ خاص بالمعمل
وانا وصديقتي الله يذكرها بالخير كنا مررررررره شاطرات <<والله من الهلس
وكانت صديقتي حاطه يدها على الغاز اللي في المعمل <<كان شكل الغاز كنه انبوب مويه اللي في دورات المياه الله يكرمكم هههه
المهم جات صديقتي ولفت الكرسي والتف معها مفتاح الغاز وكانت كراسينا اطول اللي تدور وكانت اطول من الغاز
المهم الاستاذه شمت ريحت غاز وقالت بصوت عالي ارعب الفصل :مين اللي فتح الغاز ؟
وكانت صديقتي ياعمري ماتدري انه غاز
وكل الفصل مايدري انه غاز زجات الاستا\ة ودارت على كل الانابيب الموجوده في المعمل عشان تشوف ايغاز مفتوح المهم يوم قربت منا وحنا في قمة البراءة وشافت ان الغاز اللي عندنا مفتوح وهي تصيح باقوى صيحه :اطلعووووووا بسرعه ..وحنا ياعمري ماقلنا على الله ونقعد نركض صوب الباب اللي يشوفنا يضحك ماراح يساعدنا ..ههههههه..
وصارت الاستاذه تطلب النجدة من المديرة والاداريات والاستاذات اللي يمرون وماقعد احد بالمدرسه الا ما استنجدت به
وبعدين جو لفصلنا وقالوا من كان قاعد في ذال المكان قالوا المصريات اللي بفصلنا الله يهديهم:هوما دوليك اللي كانوا بالمكان وصارت سالفه والمشكله ان صديقتي تقول ان انا اللي فاتحته وانا قاعده اكذبها وهي تتهمني وانا اكذبها وتتهمني واكذبها وراحت نص الحصه على هالموال وفي النهايه وانا اتكلم جات صديقتي من الخوف والسحى اللي فيها عطتني كف وسكتتني وقالت انا بتكلم ..انا استغربت الكف وقلت تكلمي ..
وجات لحظة الاعتراف ..واعترفت الاخت الكريمه انها هي اللي فاتحته وكانت ماتدري انه غاز >> وصراحه شكلها وهي تعترف ههه يالبى قلبها
وفي النهايه ارشدوا الفصل كله واعطونا اوراق فيها كل شئ عن المعمل ..<<تابوا انهم يدخلون ناس فاهيين
وهذا موقفي واتمنى يعجبكم
ادري مليتوا..ههههه