يا ناس شو ما ضل حدى فهمان الدنيا، الفيزياء هي الفيزياء، والله دوخو المدرسين بالمناهج الجديدة، الغاية برأيي نت عملية التعليم كلها إصال المعلومة من المدرس إلى الطالب، ليس المهم الطريقة، كأنو فهمانين شي غلط، بس دريو بالطريقة الحديثة حتى صار الكل يصفق ويهلل ومو فهمان شي، يعني بصراحة هيك بيكون التدريس بمدارس اوروبا وأمريكا، عن جد شغلة فاضية يشغلو فيها المدرسين، الفيزياء والرياضيات والكيمياء تعتمد أكتر شي على حل التمرينات، وروحو اتأكدوا من سلاسل شوم، الكل بتركز على حل التمرينات، ونحنا راكضين على مضيعة وقت، الطالب صار يكره المدرسة والدروس لأنو ما عاد فهم شي، هاي هي الحقيقة يلي ما حدا يسترجي يحكيها. خلي التربية تعمل استبيانات بين الطلاب والمدرسين ويعرفو الحقيقة. العالم وين ونحنا وين، هيك طريقة بدها أرضية متينة من لما الطالب بالصف الأول ولازم تتوفر كل التجهيزات، يعني التجارب جاهزة، والمخابر بمستوى أكاديمي، والطلاب مجموعات صغيرة حوال 3 طلاب على التجربة الوحدة، والأهم من كل هاد لازم يكون لكل مادة عدد 2 من المدرسين بالإضافة لمخبريين مختصين، وغير هيك الطريقة فشل بفشل، الجيل أمانة يا ناس، معقولة نضحي بجيل كامل مشان طرقة جديدة، شو الطلاب فئران تجارب.