[.. فجر الإسلام ..]

أختــــي الغالية ..

المقصود بثبات شدة التيار أي ثباته في جميع نقاط هذه الدائرة بنفس عدد المقاومات .. يعني لو عندنا دائرة مثلاً فيها :

3 مقاومات متصلة توالي الأولى 5 أوم والتانية 10 أوم والتالتة 15 أوم

وعندنا فرق الجهد اللي سجله الفولتميتر اللي علي طرفي ال3 مقاومات مع بعض (هو فولتميتر واحد محاوط ال3) مثلاً 30 فولت

إحنا عندنا فرق الجهد في التوصيل ع التوالي بيتجزأ ع المقاومات بنفس نسبها فيبقى كده

المقاومة (1) = 5 أوم

المقاومة (2) = 10 أوم

المقاومة (3) = 15 أوم

هنوزع عليهم 30 فولت بالنسب بتاعتهم بنسبهم

1 : 2 : 3

هيبقى الجزء الواحد ب5 فولت هيبقى فرق الجهد ليهم بالترتيب من 1 : 3 زي المقاومات (دي صدفة عادي يعني مش دايماً)

يبقى لما تيجي تشوفي شدة التيار هتقسمي كل مقاومة على فرق الجهد بين طرفيها

يعني شدة التيار (1) = فرق الجهد (1) ÷ المقاومة (1)
=5÷5=1 أمبير

وطبقى نفس الكلام في المقاومتين التانيين هيطلعوا بردو ب1 أمبير

ولو إتعاملتي معاهم كلهم كحاجة واحدة يعني :

فرق الجهد الكلي ÷ المقاومة الكلية = شدة التيار الكلي
30 ÷ 30 = 1 أمبير عند أي نقطة في الدائرة ..



يا رب أكـــــون عرفت أوصلهالك ..


بصي مثال أبسط ..

عندنا خرطوم حطينا فيه بلي .. فلما بنيجي نحركه كله بيتحرك مع بعضة بنفس السرعة والشدة .. تعالي نحط شوية رمل في طريقه هتلاقي البلية الأولي سرعتها قلت أو وقفت خالص فأكيد هنلاقي الباقي زيها ..



يا تــرى وصــلت يا جميـــل؟؟