طيب بصوا يا شباب من البدايه :
اولا من البدايه المولدات والمحركات مالهاش علاقه بقانون لنز
المولد أو الدينامو دا جهاز اساسه العلمى هو الحث الكهرومغناطيسى ( بيبقى فيه ملف موضوع بين قطبى مغناطيس والملف دا متصل بحلقتين يدوران مع دوران الملف وكل من الحلقتين تلامش فرشاه من الجرافيت لان الجرافيت يوصل التيار)
على العموم كل اللى بيحصل ان الملف بيدور وكده يقدر يقطع خطوط الفيض المغناطيسى وتبعا لقانون فاراداى تتولد ق.د.ك مستحثه وبالتالى تيار مستحث وبذلك تحولت الطاقه الميكانيكيه ( دوران الملف) الى طاقه كهربيه (التيار المتردد أو المتناوب)
جدير بالذكر طبعا ان لنز لم يذكر هنا لانه مفيش جهد أصلا علشان تتولد ق.د.ك تعاكسه . كل الموضوع ان ملف اتحرك وقطع خطوط فيض واتولدت فى الملف ق.د.ك ونتج عنها تيار
يبقى الخلاصه انه لو فيه بطاريه نتج عنها تيار وتولد عنها خطوط فيض مغناطيسى وهذا الفيض قطع لفات ملف فانه تتولد فيه ق.د.ك مستحثه عكسيه (علشان تقاوم جهد البطاريه)
اما بقى لو مفيش بطاريه فان ق.د.ك تكون حثيه فقط وليست عكسيه (لانه لا يوجد جهد تعاكسه)
والله الموفق