[انين الشوق]

السلام عليكم ورحمة الله وبركاته

[انين الشوق]

الى جميع اعضاء المنتدى ابغى رايكم ضروري وبصراحه انا محتاره ومدري ايش اسوي
انا معلمه فيزياء وبعد اجازه عيد الاضحى معلمه الحاسب الالي اخذت اجازه وضع لمده شهرين ومسكت انا ومعلمه الكيمياء والاحياء منهج الحاسب لحد ماتجي المعلمه من الاجازه وانا مسكت منهج ثالث ثانوي وبصراحه تعبت معه كثير لان المعلمه مامشت بالمنهج المهم استمريت بالشرح ووضعت الاسئله وكانت الاسئله مطابقه لمنهج المواصفات والمعلمه تنتهي اجازتها يوم السبت وراح تباشر واختبار ماده الحاسب راح يكون يوم السبت مع الفيزياء
سؤالي هو هل من حقي اطالب معلمه الحاسب بتصحيح مادتها والا لازم انا اصحح لان المعلمه عرضت عليها المديره تصحح بس هي رفضت وانا سالت رئيسه الاشراف وقالت مانقدر نغصب معلمه الحاسب انها تصحح على الرغم من انها هي معلمه الماده وانا ماسكه المنهج مؤقت فقط...
بصراحه انا بحيره ومدري وش اسوي لاني انا تعبت من كثر التصحيح وعدد الطالبات كثير يعني هذا جزائي اني اخذت المنهج وشرحته وبالنهايه يقولون لي كملي معروفك وصححي ومعلمه الماده قاعده تتفرج والله ظلم
افيدوني الله يجزاكم خير مين الصح فينا انا والا هم؟؟؟؟

[السعوديه دياري]

برأيي معلمه الحاسب تتولى التصحيح بحكم عودتها للدوام

[انين الشوق]

هذا المفروض بس المشكله ان المعلمه رافضه التصحيح ومديره المدرسه رفعت يدها وقالت كل شي بيد معلمه الحاسب ومن حقها ترفض لانك انتي وضعتي الاسئله
انا راح ارفض التصحيح بس مديرتي ومديره الاشراف واقفين ضدي......

[السعوديه دياري]

مصيبه اذا فعلنا المعروف في غير اهله

[الأسطووورة]

أختي أنين الشووووق ..

رائع ما فعلته كثر ربي من أمثالك ..
أنا أرى وإن كانت رؤيتي قاصرة فالعفو منك ..
أرى أن تكملي معروفك كما بدأته .. خاصة وأن أغلب المقرر شرح من قبلك وأنتِ من وضع الأسئلة .. أقدر المجهود الذي ستبذليه لكن احتسبيه لله ..
وما دمت احتسبتِ عملك منذ البداية فثقي أنه وإن ضاع المعروف بين الناس فهيهات أن يضيع عند رب الناس ,,وأسعد الناس بالمعروف باذله ..
وفقك الله أنين ..
أسطووووورة

[انين الشوق]

مشكورين وجزاكم الله كل خير انا ماطلبت رايكم الا وانا متاكده انكم ماراح تخذلوني وتعطوني ارائكم بكل صراحه ..
ولكن المصيبه هي كثره عدد الطالبات اللي يزيد عن 65طالبه والمطلوب مني التصحيح للمادتين بنفس اليوم وانا مدرستي بقريه بعيده شوي عن مدينتي بس الحمد لله على كل حال وراح احتسب الاجر والله يعين.

[ميشو الحزينة]

[align=center]غاليتي :

نظاماً : معلمة الحاسب هي من يجب أن تصحح ..وأنا لو كنت مكانك لن أصحح وأحتسبي الأجر في تعليمها الدرس ..لماذا ؟

لأنه لا يصح أن نترك المتسيب يفعل ما يريد ونقول بأننا سنحتسب الأجر في إكمال أعماله أرى أن تعليمه النظام أولى ..

أتركي الأوراق ولا تصحيحيها وإن لم تصححها بالرضا فتصححها بالإكراه ..[/align]

[rajaa_4]

أستغرب فعلا

أليست حريصة على مادتها وعلى طالباتها

إن لم تصحح هي الأوراق ، فليكن مناصفة

أما أن تمتنع تماما !!!! فهذا مستغرب فعلا