[noor4444]

السلام عليكم ورحمة الله وبركاته

إن شاء الله في القريب العاجل, هرفعلكم عينة مجانية من كورس "العناصر الكهربية والإلكترونية" لشركة الحسام للتعليم الإلكتروني, تحتوي على درس الملف, ودرس خاص بالبطاريات, وهذه بعض الصور:










أنا حطيت درس البطاريات في هذا الكورس, عشان أنا مش هعمل كورس المغناطيسية والتفاعلات الكهروكيميائية , لاسباب خاصة, وفي درس البطاريات, قلتلك إني هشرحهالك بشكل عام, وبعدين هنشرحهه بالتفصيل تاني في كورس الكيمياء, فالبطارية إلي إتشرحت في كورس " ما هو التيار الكهربي؟!" لا تعبر عن البطاريات الفعلية الواقعية, بل تقدر تعتبرها زي المكثف الكيميائي, فعشان كورس الكيمياء مش هيتعمل, فهشرحلكم البطاريات في كورس العناصر الكهربية والإلكترونية, وهديكم الحقائق العلمية الخاصة بها مباشرة, دون شرح مستفيض, وهخلي السلسلة ده خاصة بالرياضيات والفيزياء فقط .

وبالنسبة للأخوة والأخوات الطلبة إلي كلموني, وطلبوا إن كورس "التفاضل والتكامل" يتعمل بحيث إنهم يقدروا يعتمدوا عليه في دراستهم المدرسية, فأحب أطمنهم إن الكورس هيكون شامل إن شاء الله, وهحط فيه أسئلة وتمارين كتير, من الموجوده في المناهج الدراسية, بس الصبر, عشان أنا إلي بعمل كل حاجة في السي دي, وبحب آخد وقتي في عمل سكريبت الشرح, عشان يطلع منهج جيد.

إنتظروا العينة المجانية في خلال بضعة أيام.
والسلام عليكم ورحمة الله وبركاته.