[معجب بالفيزياء]

سلام عليكم


الاخوان والاخوات الكرام


التكميل مصيبة على الطالب قبل المعلم


جاني تكميل لثانوية وادرس فيها الاول ثانوي والثاني ثانوي

الثاني ثانوي لامشكلة فيه

لكن المشكلة والطامة الكبرى الاولى ثانوي منهج جديد والان لنا بالدراسة حوالي الشهر !!!

وانا بكرة اول يوم لي مباشرة بالمدرسة الجديدة والطلاب ماخذوا ولا حلاف بالمنهج !!!!


فكيف التنسيق بين المنهج الجديد بلخبطته الغبية وبين الوقت المتبقي !؟؟؟؟!!!

شوروا علي ؟؟؟؟


انا ماني عارف متى تنتهي الوزارة من مهزلة التكميل :i_angry_steaming:


بالرغم انني اعشقه فتغير البيئات مطلب مهم :a_plain111:

تناقص فيزيائي

[سحرالشرق]

عادي عادي على اول ثانوي الكل متاخر سوا كان تكميل
اومن اول يوم داوم
اخذي حصص زياده وماعليك الوقت بيكفي ان شاء الله

[مدرسة فيزيائية]

أن أشوف أنك لازم تأخذ حصص احتياط كثيييييييرة .. الله يعينك , وما تسوي أوراق عمل لانها تاخذ وقت كبير من الحصة , بالاضافة إلى عدم الإسهاب في النقاط السهلة .

[كهرووو]

الله المستعان غليك بالحصص الاحتياط
ترا حتى اللي بدأوو من اول يوم متأخرين
وحاولي اعطاء المهم

[معجب بالفيزياء]

سحر الشرق

جزيتي الجنان . والله صحيح الاحظ الكل متاخر . وحتى المدرسة الي كملت فيها المعلم ماعطى شيء الى الان ؟!!

مدرسة فيزيائية
جزيتي الجنان . لااوراق عمل بالحاله الطلبيعيه فكيف بالتكميل ؟!! . والنقاط السهله ماتاخذ ماعطيها وقت دام الطالب اكتسب معلومة جديدة يكفي

لكن المشكلة اليوم اول درس والطلاب مقفلييين !!!
وكل شوي : يا ستاد هذا انجليزي مو فيزياء !!!!

كهروو

جزيتي الجنان .. على ردك وتنبيهك بالمهم . والله يكون بالعون



شاكر لكم اخواتي . واتفقتوا على الحصص الاحتياط !!

ولا فيه احتياط باخذ حصه معلم آخر . ونبدا بطلب الحصص والاحراج !!!



اليوم الصباح وانا بالطابور . يكملني المعلم الي جيت له مساندة يقول : يمكن ماتكمل عندنا خلاص !!!!!!

لاني بكون وكيل فني ولازم يجي واحد ياخذ 12 ( أنا اخذت 6 فقط )
وقراره صادر خلاص ..

قسم بالله مهزلة .يعني تكميل وحوسة جدول وتاخير منهج ع الطلاب .

ثم حركة جديدة بسبب الوكيل الفني !!!

وياوزارة التربية والتعليم واصلي

[star2007]

نفس الشئ
تكميل لاولى وكمان ثاني مطور

[kzzs]

السلام عليكم
انا ايضا مكمل في مدرسة اخرى و لكن المضحك في الامر ان نصابي عشرين حصة و جاني تكميل 14 حصة في مدرسة ثانية مدرستي الاولى خفضو نصابي الى ست حصص و صار عندي في المدرسة الثانية 14 حصة اي المجموع في المدرستين 20 حصة و المضحك المبكي في الامر ان المعلم في المدرسة الثانية التي اكمل فيها عنده 12 حصة فقط علما بان لا يوجد عذر للمعلم لا مهام ادارية و لا عارض صحي لا قدر الله
:words_cut:

[معجب بالفيزياء]

المشاركة الأصلية كتبت بواسطة kzzs السلام عليكم انا ايضا مكمل في مدرسة اخرى و لكن المضحك في الامر ان نصابي عشرين حصة و جاني تكميل 14 حصة في مدرسة ثانية مدرستي الاولى خفضو نصابي الى ست حصص و صار عندي في المدرسة الثانية 14 حصة اي المجموع في المدرستين 20 حصة و المضحك المبكي في الامر ان المعلم في المدرسة الثانية التي اكمل فيها عنده 12 حصة فقط علما بان لا يوجد عذر للمعلم لا مهام ادارية و لا عارض صحي لا قدر الله :words_cut:

ليه مارفضت التكميل !؟؟!

وقلت لهم ان المعلم الثاني نصابه 12 دام ماعه ولاهمه ادارية ولا وكيل فني ولا مريض !!!!


مو تتعب بالتكميل 20 حصه وهو مرتاح 12 ؟

انا والله رفضت التكميل العام الماضي لكن هالسنة المدرسة الجديدة معجبتني ورحت لها

[الحايرة]

والله انا اعطي البنات الخلاصه واخذ حصص احتياط كل اسبوع ومع ذلك احس اني متاخره وارحم البنات لان توهم بيجيهم معادلات الحركه وقوانين نيوتن مادري وش يسون بعدين