[( الرويلي ) محمد]

بسم الله الرحمن الرحيم

التجربة الاولى

[]
خطة خبيثه مخبثه

يقولك اذا صرت ذاك اليوم متهاوش انت وولد الجيران وقالك بعد ما فكوكم الناس
والله لاكسر قزازة سيارتك :i_angry_steaming: اوريك هين
وقلتله اذا في امك خير اكسرها انا في الملحق والملحق جنب الشارع وخلني اسمع صوت قزاز والله لاكسر راسك....
المهم ... انت في الملحق تدور شر ودك تسمع صوت قزاز متكسر ....
المهم جاء الفجر ولا سمعت صوت وقلت اكيد انه نسى الموضوع يوم طلعت تصلي
لقيت القزازه مكسوره ...عمى .... (متشعره):emot30_astonishe:
وقلت في نفسك وشلون شلخ القزازه بدون صوت ابن الذين انت عارف ان هو بس ما مسكته متلبس :mommy_cut:
.........................................
وشلون تثبت التهمه ....
اسمع معي
انا بخق واعلم وشلون سواها ولد جيرانكم :a_plain111: هو رايح للبنشر الي حولكم وقعد يجمع بواجي ( بواجي سيارات / بلوف ) منطله في البنشر ..
بعدين كسرها
وفصل الحديد حق البوجي عن الابيض الي فوق ..
ودق الجزء الابيض من البوجي بمطرقه لين صار مثل الرمل حبيبات صغيرة :mommy_cut:
بعدين جاء قبل الصلاه بربع ساعه ونثره على قزاز سيارتك (((وتشعرت)) :emot30_astonishe: كل القزازه صارت كنها منقلبه ست قلبات على الزفت ...
هذا هو السر يقولك ان الماده هذي تاثر على الزجاج من مجرد الملامسه ...
وهي خطه خبيثه لحد يسويها انا قلتها عشان اعلمكم بس واذا في احد منكم لقافه وودة يجرب ترى تنفع على اي قزازه مهوب لازم قزازه سياره الله يجزاك خير هاه .... :s_thumbup:


التجربة الثانية


تجربه تخاف منها الجن(( واقعية))

يقولك اذا صرت بالبر وانت تعبان وودك توقف تريح وش تسوي :k_crying:
توقف ياطويل العمر وتسدح الفراش اوالدوشق وتعطيها نومه... :shy_5new:
بس يوم جت الساعه وحده الليل .. :emot30_astonishe:

سمعت صوت :words_cut:

عمى وش ذا :words_cut:
صار واقف جنبك ...نقول مثلا ..حمار يتتن :emot30_astonishe:
ولا نقول ....................عنز تقرا جريده :emot30_astonishe:
وولا نقول.............. ولا نقول ضب يفرش سنونه :emot30_astonishe:


بعد اي منظر من هالمناظر

تدوخ ويغمى عليك :n_no:
لكن قدر الله وما اغمي عليك وش تسوي :n_no:
اول شي هذولي اكيد انهم جن موذي
في هالحاله اول ما تسوي تذكر الله .....
وتقوي قلبك _03bad_1:
ثم تبدا في (((الاذان))) .. نعم الاذان :i_angry_steaming: الللللللللللللله اكبر الللللللللللله اكبر
وبصوت مرتفع ...ليه
اول شي
* ذكر الله يطرد الجن
*الاذان فيه جمل تحتوي على كلمات يكرهها الشيطان وتطردة
*الصوت العالي بالاذان يعطيك القوه من الناحيه النفسيه :a_plain111: ... وتزول الرهبه وبسرعه
لان كلما علا صوتك :i_angry_steaming: انت الاقوى الجني الموذي كنه بزر انا نفخت عليه اندقم واذا عطيته وجه وسكت له غربلك ...
وهذي مجربه من بعض الزملاء في حالات مشابهه
لكن المشكله ان طلعلك مارد وقعت تنافت وتنافخ عليه :i_angry_steaming: عليه
ولسك بذاك الكف ولا دخل فيك ووقف في جرانك من زود اللعانه ...
لكن لا تنسى مهما كان ذكر الله فوق كل شي .. :s_thumbup:


التجربة الثالثة


تجربه لحقين البر اذا ودهم يسوون ذهان ( الكتابة بدون قلم )؟

يقولك هذولي شلة كانو طالعين للبر ورايحين من شقراء الين روضه جراب حول مدينة الزلفي مشوار 250 كيلو
المهم جلسو وهيصو ..
كانو ناوين يجلسون يوم واحد الي هو يوم الاربعاء بس
لكن جازلهم الجو وودهم يجلسون خميس وجمعه ...
بس المشكله ما تزهبو :emot30_astonishe: ليومين زيادة لازم تجيبون زيادهة مونة اغراض من اقرب ديره الي هي الزلفي ...
عادي جدا ...
ارسلو واحد من الشباب يجيب الاغراض من مدينة الزلفي
وقال لهم يالله وش اجيب ...
الي قال رز والي قال دجاج وملح بصل والي قال بيض
شاهي ,غاز, خبز ,جبن, صلصه, مفتاح صلصه (( على فكره ترى فيه صلصه في كريتين صغير بس لازم صلصه علب مزاجهم كذا حقين البر :a_plain111: ))
المهم خوينا ضيع الطبخه ونسى المقاضي
قال ياشباب تراني ابضيع من كثر الطلبات ..
قال واحد ياثور اكتبها طيب :i_angry_steaming:
يوم دورو قلم مع الشباب
مافيه أحد منهم معة قلم...... محمد معك قلم .....لا
سليمان معك قلم .......... خلصت المدرسه ياخوي
ناصر معك....... اذكر اني قد شفته بس ناسي شكل القلم الا هو وش يسوابه

افا :emot30_astonishe: وش السواه ..... :emot30_astonishe:...... :a_plain111: لا مشكلة :s_thumbup:

ناصر قم جب صابونه اليد الي في السياره
وهات كرتون المناديل
قطع كرتون المناديل
وبدا يكتب بالصابونه على الورق بدل القلم
وكتب كل شي ...
قال واحد من الشباب :laughter01: لوي داري ان كان ما اشتري قلامه اروح للمدرسه بصابون... :emot30_astonishe:
يوم خلص قام واحد منهم وقال بالله ورني الورقه:words_cut:
يوم خذ الورقه يدور شي يقراه ما لقى ...:i_angry_steaming:
قال هيييه وين الي كتبته تخف بنا انت وكشرتك ... :i_angry_steaming:
قال خوينا لا تستعجل انا اوريك الحين كل شي .... قال يالله :i_angry_steaming:

قاله طيب هات مويه عشان اشرب قال .... اشتغل عند ابوك انا قم انت :i_angry_steaming:
قال اسمع ما ودك تشوف باقي التجربه رح جب مويه .. :a_plain111:
رح جب مويه ...قال طيب خل نشوف اخرها ...
يوم جت المويه لخوينا شرب نص الكاس ...

وباقي الكاس كبه على الورقه وثواني والله يوم طلعت الكتابه :emot30_astonishe: وبدت تبين لما جتها المويه
رز
دجاج
جبن
خبز
بيض
الى اخره

ونجحت خطه الصابون:s_thumbup:

اتمنى ان التجارب اعجبتكم وانشاء الله اجيبلكم كمان اذا زادت الردود :s_thumbup::s_thumbup::s_thumbup::s_thumbup::a_pla in111::laughter01:

[في ضوء الطبيعة]

يعطيك الف عافية عـ التجارب الخفيفة المفيدة ولا عدمنا جديدك

[mafia]

و الله أفكار فلته و ما تخطر على البال

لك خالص الشكر على التجارب الخفيفة واللطيفة

[( الرويلي ) محمد]

شكرا لمروركما على موضوعي وهذا شرف لي ووسام على صدري يا مافيا و ضوء الطبيعة

[عمار1]

يعطيك الف عافية عـ التجارب الخفيفة المفيدة ولا عدمنا جديدك

[معلمه طموحه]

يعطيك الـــــــــــــــــــــف عافيه