[federal]

السلام عليكم ورحمة الله

انا طالب في هندسة القاهرة السنة الاعدادية

سؤالي الي ياريت حد يرد عليه حتي لو كان المشرف في موضوع جاوس والفيض الكهربي


دلوقتي لما تكون شحنه داخل سطح مغلق ومش كره او اوسطوانه ولكن مثلا في مكعب او متوازي مستطيلات ازاي ااقدر ساعتها اطبق قانون جاوس واحسب الفيض عند سطح معين فيه او المجال على نقطه على سطحه على الاقل؟

ونفس الكلام لو كان السطح المغلق مش منتظم في شكله؟

انا المشكله عندي الي اتمني الي يرد يعرف نقطة ضعفي في الموضوع اني مش قادر افهم ازاي ان الفيض الناتج من شحنه في سطح مغلق متساوي مع اي سطح تقع الشحنه في داخله مهما كان نوع السطح ده

انا فاهم ان الفيض متساوي ويعتمد على الشحنه في السطوح المغلقه الي فيها تماثل زي الكره والاسطوانه
لان متجهات المساحه بتلغي بعضها لكن ازاي لما يكون شكل مش متماثل او مكعب مثلا داخله كره والكره في مركزها شحنه ويقولي ان الشحنه دي بتطلع فيض وقيمه الفيض الي في الكره هي هي الي في المكعب او الشكل الغير متماثل

انا ممكن بهلوس من كتر زهقي
لكن ارجو الي هيرد يستحملني

[جـــــــود]

وعليكم السلام ورحمة الله وبركاته

في حالة التوزيع الحجمي للشحنة يمكن تطبيق قانون جاوس على حجم غير متناهي في الصغر
في حيز معين ( space )
بكثافة حجمية معينة على الاحداثيات i j k
ولدينا متوازي مستطيلات أو مكعب أطوال جوانبه متناهية الصغر dA1 dA2 dA3
بالتالي يمكن تطبيق قانون جاوس






وللإستزادة

تفضل هنا

وتفضل هنا

[ابو غازي]

السلام عليكم

موضوع جميل ورد اجمل الحقيقة الروابط مفيدة جداً لكن يلزم الألمام بهندسة المتجهات

[federal]

السلام عليكم ورحمة الله وبركاته

مشكور اخ جود على الرد الاكثر من رائع والحمد لله بردك انهيت اغلب مشاكلي في الموضوع وشكرا للاخوه على المرور

لكن لي تعقيب وسؤال للاخ جود
1)اولا التعقيب:بالنسبه للرسم الموضح في المشاركه انا الي فهمته انه مكعب مغموس في مجال منتظم
لكن بالنسبه للتكاملات وتطبيق قانون جاوس

فانا من معلوماتي ان الفيض الكلي للمكعب سيساوي صفر لان السطوح التي لاتعامد المجال وتكون متجهات المساحه لها عموديه على المجال سيكون الفيض فيها بيساوي صفر وهم اربعه اوجه في حاله المكعب

اما السطوح التي تعامد المجال ومتجهات مساحتها تصنع زاويه مقدارها صفر مع المجال فانه يمكن حساب الفيض فيها لكن من الرسم هتلاحظ ان متجه المساحه لوجه في المكعب يكون عكس متجه المساحه للاخر في بالتالي حاصل الضرب المقياسي في معادله الفيض لكل من الوجهين ستكون متساويه في المقدار ومختلفه في الاشاره

فعند جمع الفيض في هذه الاسطح لاستخراج المعادله العامه للفيض خلال المكعب ستلاحظ ان الناتج النهائي يساوي صفر

وده مثال مشهور عندنا في الكتاب ان لاي سطح مغلق مغمور في مجال منظم فان الفيض فيه يساوي صفر لان عدد خطوط المجال التي تدخله هي نفسها التي تخرج منه



اما السؤال:
ارجو من الاخ جود زياره الصفحه في الموقع الي كتبهولي
http://www.cbu.edu/~jholmes/P251/P1gauss2/sld003.htm

وهنا تكمن كل المشكله عندي الي مش راضيه تتحل ان ازاي الفيض متساوي في الاسطح المغلقه المشتركه في شحنه واحده مع اختلاف المساحه السطحيه لها؟؟؟؟؟؟؟؟؟؟ انا مش قادر افهمها لكن انا بستخدمها في حل المسائل بدون فهم

وانا بعتذر يامنتدي ومن جميع الاعضاءء ان اول مشاركه ليا سؤال لكن والله التدريب عندنا في الكليه مش راحمنا ومحتاج الموضوع في تقرير التدريب

ومشكورررررين وبالاخص الاخ جود
والسلام عليكم

[جـــــــود]

هل لك أخي الكريم أن تضع المسألة التي لم تفهمها حتى يتسنى لي فهم معضلتك

أشعر بأنني لم أصل إلى نقطة إلتقاء مع ما يؤرقك...

شكرا لك...

[federal]

مشكور اخ جود على الاهتمام

لكن سؤالي هو عن الفيض الكهربي داخل سطح مغلق في الكلام الموجود داخل الرابط بيقول ان مهما كان السطح المغلق فان الفيض يعتمد على الشحنه واذا كانت الشحنه داخل اكثر من سطح مغلق فإن الفيض يكون متساوي خلال تلك الاسطح


سؤالي: كيف يكون الفيض متساوي خلال الاسطح المغلقه المشتركه عند مركزها في شحنه مع الاختلاف في مساحتها السطحيه وده بيخالف قانون الفيض ؟

تسلملي على المتابعه وياريت تكون فهمت لاني مبعرفش اشرح

[جـــــــود]

أخي الكريم:

لابد من اختيار سطح مغلق مناسب لتوزيع الشحنات وشكل المجال أياً كانت مساحته

ويراعى في اختيار سطح جاوس ما يلي:

1- أن يمر السطح المغلق بالنقطة المراد حساب شدة المجال عندها
2- أن يكون السطح متلائماً مع توزيع الشحنات و أن يكون منتظماً قدر الإمكان
3- أن تسقط خطوط القوة عمودية على السطح أو موازية له أو تصنع معه زاوية ثابتة معلومة حتى يسهل حساب الفيض الكهربي
4- أن تكون شدة المجال ثابتة على أجزاء السطح المختلفة

[federal]

شكرا اخ جود

تسلم للمتابعه

[جـــــــود]

العفو أخي الكريم

أتمنى أن أكون قد قدمت لك ما يفيدك

[federal]

تسلملي اخوي على مجهودك خلاص كلها اسبوع وبدخل الكليه وهطلع روح المعيدين والدكاترهمن كتر الاسئلة دعواتكم
بس


_________________
اي خدمة؟انا في الخدمة
federal