[{..طالبه موقره..}]

السلام عليكم ورحمة الله وبركاته






أدري غثينكم هالايام بالاختبارات وحوستها الاستراحه مليانه من هالمواضيع بس عاد لازم هذا موسم مهم

وبعدين موضوعي مايتعلق في الاختبارات فقط ينفع لكل حاقه بتسوين مشروع بعد التخرج وهكذا


مدخــل ..~

كل خطوة تقربك لغايتك
غامر في المشي إليها
ولا تصاب بـ الشلل العقلي
مادمت من السائرين على الحق في طريق النجاح

وتغنّى أثناء سيرك بــ:
ومن يتهيب صعود الجبال
يعش أبد الدهـر بين الحفـر
الحفـر
الحفـر

كثير مننا يبي يحفز نفسه على المذاكرة
وكلنا نبي ناخذ درجات كاملة
وكلنا نبي ننجح
اليوم حبيت اساعدكم على المذاكرة
بإذن الله تلقون نتايجها سريعه
بس يبي لكم تتبعون هالنقاط الي بقولها لكم



نحديد مستوى المذاكره[ يعني نقول بنذاكر من الصفحة الأولى إلى 100] .



بعد مانحدد المستوى الي نذاكرة يجينا



نحدد هدفنا من المذاكرة ، [مثلاً هدفي : اخذ درجه كامله ، ارفع راس اهلي ، الأجر والثواب ] وهكذا .

بعد تحديد الاهداف




نكتب الأهداف، [فيه دراسه تقول انهم سووا دراسه على عدد من الناس الي يقولون بنسوي بدون لايكتبون وصارت نسبة انجازاتهم الي انجزوها 30% وسووها على ناس يكتبون الي يبون يسوونه وصارت نسبة الإنجاز 90% بالمية ]
خلونا تكتبها بخط عريض كبييييير بورقه او بأي مكان اهم شي نشوفه كل شوي .


بعد مانكتب اهدافنا



نتخيل تحقيق الآهداف ، [مثل نقول : انا اختبرت وحليت كل شي واخذت الدرجه الكامله ] ، لأن الدماغ سبحان الله يستوعب اكثر الاشياء من التخيل ويحولها لواقع .

بعد مانتخيل



نبعد أي تفكير سلبي ، [لاتقول انا مااعرف انا مااقدر انا لو ايش مااراح افهم هالمسأله وانا وانا ]<<كل هذي الاشيااء نشيلها من تفكيرنا ، مانبي اي شي سلبي ، خلونا نقول حنا نقدر وحنا نعرف وراح نفهم بإذن الله .


بعـــدها ..




الثقه بالله ، [نقول: ربي معي حتى لو ماحليت كل شي مكتوب وكل شي خيره لي اكييييييييييييد ] وثقوا ثقه تامه انه دامك مع ربي بيصير لك كل خير .

بعــدها ..




نصفي أذهاننا ، [يعني لاتفكر بأي شي وقت المذاكره خل راسك كله مع المذاكرة ، كل مافكرت شل هالتفكير وركز مع المذاكرة ]لأنك اذا ما فكرت بشي ، وركزت ترا بسرعه بتقضي وبسرعه تستوعب الي انت تقراه .


بعـــدها



نركز ، [ خل كل تركيزك يسار الكتاب يعني نظرك يسار ومكان الكتاب يسار ] لأن سبحان الله الجزء الأيسر في المخ أدق من الأيمن ، ( الأيسر يستوعب الجزئيات والأيمن يستوعب الكليّات ) .

بعـــدها




النفس العميق ، [ دخل كميه من الأكسجين ، ويكون النفس بشفط بطنك ] لأن الدماغ سبحان الله يتقوى مع الأكسجين .

بــعدها



نربط ، [ يعني انك مثلاً تربط بين هالجمله والثانية ، مثلا هذي تنتهي بحرف الراء والي بعدها تبدأ بحرف الراء وكذا ، او مثلا ترسم ، يعني زي اذكر مره عندنا حفظ علماء كثيره مره وحفظها يبي له شوي ،
المذهب كان الحنفيه ويندرج تحته كم اسم جيت ورسمت حنفيه [صنبور] وكتبت اسامي الكتب حقتهم وكذا وحفظظظته بسرعه ، وهالطريه استخدموها كثير لأنها اسرع طريقة لحفظ الأسامي والأرقام .]


وبــعدها .. وهو اهم شئ



التوكل على الله ، [ لاتقول اني ذاكرت ولانيب حال وغيرها ، توكل على الله في كل كبيره وصغيره وانه ماراح يخذلك ولا راح يضيع تعبك واذا صار لك شي فهو مقدّر لك وخيره اختارها لك الله] .

وبــعدها ..



الدعاء ، [صل لك ركعتين واختمها بوتر وادع ربك فيها انه يثبت حفظك ويسهل عليك الأختبار وتحل زين وادع للمسلمين معك ،
عن أبي الدرداء رضي الله عنه أنه سمع رسول الله صلى الله عليه وسلم يقول:
"ما من عبد مسلم يدعو لأخيه بظهر الغيب إلا قال الملك: ولك بمثل" أخرجه مسلم .]

وبعـــدها




الأستغفار ، [ كثر من الاستغفار وانت بالطريق للأختبار وبكل وقت استغفر وبإذن الله تلقاها مفتوحه بوجهك ] وأسألوا مجرب الاستغفار شي عجيب وربي عجيب عجيب ، عمري ماشفت زي مفعوله وأثره على حياتي .


مـــخرج ..~

اللـــهم وفقنــا لكــل ما يحـــبه ويرضـــاه