[مرجانه]

السلام عليكم ورحمة الله وبركاته

خلال لحظات كنت متضايقة وجالسة اقلب بمنتدى الاستراحة

وماني عارفة شسوي

ودي ابكي ودي اصرخ

والله مضايقة جدا

رحت فتحت منتدى الشيخ محمد العريفي ولقيت موضوع لاحد الاخوات الله يسعد قلبها

ولما قراءته حسيت ان الهم بدا يزول مني

الكلام طويل شوي بس ماحسيت بطوله لاني مستمتعه بالقراءه

اليكم الموضوع .........


(سر السعاده في الدنيا ) مناجاه الله سبحانه –لا تفوتونها وهي

السعاده مع الله – جربوها ولو مره واحده....


بنات تبغون تعرفون كيف نكون سعداء –تبغون تعرفون كيف

الوحده منا تحس بالامان الحقيقي الثابت فوالله الرحمن الرحيم

السعاده ماتكون الا بمناجاة الله ...كيف ؟

بعضكم مايعرف الطريق وطريقها ( الاحسان ) وهو ان تعبد الله

كأنك تراه فإن لم تكن تراه فإنه يراك.

بنات لوتعرفون مدى الراحه واللذه بمناجاة الرحمن والامان

الامان الامان اللي حنا محتاجينه كل امان في الدنيا زائل كل أب

راحل كل أخ مااحد ضامنه لاخر العمر كل زوج حنون او طيب

بيوم من الايام يمكن ان يصبح طليقك كل ولد ذاهب محد باقي

معك الا ربك الى الموت .. مناجاة الرحمن في الثلث الاخير من

الليل كيف ؟اولا: أوقفي وانتي تريدن الصلاه قفي وقفه صادقه

من قلب ارمي الدنيا ورى ظهرك تخيلي ولو كم دقيقه ان

ماعندك هموم ولا احباب كل شي ورى ظهرك لدرجه لو أختك

موجوده ماتعرفينها ....

ثم تخيلي لا مو خيال الا هو الجد انك واقفه امام الله حتى لو

عجزتي حاولي لاتقولين ماأقدر الله ماطلب منا الخشوع الا

وحنا نقدر لكن يأنك ماتعرفين أو للأسف ماتبغين ...

اقعدي ساعه كامله وانتي تدعين الله في السجود وانسي ملذات

الدنيا شوي هذا في السجود الاول :

(اعترفي لله بحبك له وبتقصيرك حسي بوجوده حسي انه قدامك

اعرفي انه باسط يديه للتآئبين اعترفي له بأنه ارحم من أمك

وأبوك ومن هالدنيا ومافيها كلها عليك ... قولي ربي اني احبك

احبني ربي يارحم من امي وابوي علي تقبلني عندك من

التآئبين قولي ربي انا احبك حسي فيه وهو يناظرك وهو يعلم

مافي صدرك وماتخفينه إعرفي انه قريييييب قال تعالى ( ونحن

أقرب إليه من حبل الوريد (

ربي اللي باقي معك ومع ملايييين المليارات من الناس كيف

وهو احد اسمائه ( الباقي ) اي عظمه هو واي قوه سبحانه

مااضعفنا وما أقواه ..


بنات حاولوا لاتقولون مااقدر فوالله لها لذه وراحه مايحسها الا

اللي يجربها وانا جربتها بنفسي ودائما بدعائي اقول

(ربي تقبلني ربي حبني ربي تب علي ربي اجعلني من أهلك

( اهل القران هم اهل الله وخاصتهم) ربي لاتجعلني من

المكروهين عندك ربي اجعل صوتي من احب الاصوات اليك ...

ربي ياجبار ...اتعلمون مامعنى جبار هو الذي يجبر ) 1- جبر

القوة، فهو سبحانه وتعالى الجبار الذي يقهر الجبابرة 2- جبر

الرحمة، فإنه سبحانه يجبر الضعيف بالغنى والقوة، ويجبر

المنكسرة قلوبهم بإزالة كسرها، 3- جبر العلو فإنه سبحانه فوق

خلقه عال عليهم، وهو مع علوه عليهم قريب منهم يسمع

أقوالهم، ..(تخيلوا يابنات قبل كنت اخاف لما ادعي ياجبار كنت

فاهمتها غلط اي بمعنى متسلط ونحو لما عرفت حقيقه المعنى آه


مااحلها من كلمه وماارحمه من اسم كل يوم ادعو به) ربي

ياجبار اجبر خاطري وانكسار وضعف قلبي...

*ربي ياأحلى كلمه نطقت بها لساني ياأحلى من كلمه أمي,

وأبوي, ياوليدي,يابنتي ,ماما) كلها كلمات لذتها مجرد

استماعها فقط ولكن ربي اسم باقي معك احس بنطقه اللذه

الالهيه . الامان ,الرحمه ,الاله الرحوم, الولي العطوف..

ربي لاتحرمني لذه النظر الى وجهك الكريم والشوق الى لقائك

في غير ضراء مضره ولافتنه مظله

ربي انت تعلم اني احبك ومشتاقه الى رؤيتك ربي لاتحرمني

منها ولاتصد عني يوم القيامه بذنب او خطيئه واجعلني اراك

على عمل صالح ترضاه عني ..

ربي اجعلني اعبدك كأني اراك اجعلني ابلغ منزله الاحسان حتى

ترضى عني وتحبني وتذكرني فيمن عندك..

ربي انك خلقتني انثى وانا اشعر بضعف ربي تولني فيمن

توليت وارحمني وتولى نصري

اللهم لاتجعلني اخرج من هذه الدنيا الفانيه الا مرضيتك

ومستحقه جنه الفردوس الاعلى من غير حساب ولاعقاب وانا

حافظه كتابك وحاجه بيتك وصايمه ايام وسنين وكافله يتيم )

هذا دائما اناجي الله بالهدعاء تغيرت حالي احمدالله على همومي

اللي مرت على على كبرها وصعوبتها علي الا والله بقدها

عرفت الله حبيته المحبه الحقيقه التي قبل ماكنت اشعر بها

والان احمدالله ان مرت على هالمصائب علشاني عرفته ولولها

ماكان تعلمت ادعيه تفريج الكرب ماكان حفظت سوره البقره

وقرأت قران ماكان صمت اثنين وخميس لان كثير من اللي

اظن انهم سعداء لاهين ومنشغلين عن هالاشياء اللي اساسا

انخلقنا عشانها جربوها ماراح تندمون ابدا وتصير الدنيا

صغيره بعيونكم والله عندي هم هد حيلي وتعبني لكن اذا الله

مانصرني بالدنيا راح ينصرني بالاخره الضيقه الحمدلله راحت

عني من كثر ماادعي الله الله طمني (الابذكرالله تطمئن القلوب)

حبيباتي ادعولي وادعو لصاحبة الموضوع

شكرا لكم .