[hesham1216]

السلام عليكم ورحمة الله

كيف حالكم إخواني .. إن شاء الله بخير

موضوع شيق أكيد ... جزاكم الله خيرا جميعا

كان ليا تعليق صغير .. أو مش صغير D: ... بعد إذنكم

------------

قرأت مره في كتاب عن المخلوقات الفضائيه وربطها الكاتب بمثلث برمودا والمسيح الدجال

الكتاب كان فيه أحاديث للرسول عليه الصلاة والسلام .. لتدعيم الرأي بتاع الكاتب

كان بيتكلم عن إن المخلوقات الفضائيه ده كلها ما هي إلا جنود من الجن تتبع جيش المسيح الدجال

واللي هيساعده عند خروجه بتكنولوجيته العاليه في عمليات زي .. إحياء الموتى (كنوع من السحر أو الوهم)

وتغيير الواقع وخلافه بالفتن اللي هيمتلكها المسيح الدجال .. وقاني الله وأنتم منه

وكان الكاتب بيقول إن الكائنات ده (الجنود) بتقوم برحلات استظلاع من فتره للتانيه لأسباب كتير

زي دراسة البشر ومعرفة الأخبار وكده .. ده غير إنه قال إن المسيح الدجال نفسه مقره في مثلث برمودا

(أو ابليس) مش متذكر بالضبط صراحه - ودعم كلامه بحديث ( ابحث في جووجل على كلمة عرش ابليس على الماء)

ده نقطه أو راي .. والله أعلم إن كانت صح أو غلط

--------

النقطه التانيه .. وهو سؤال يتبادر دائما إلى ذهني ...

ليه سوبرمان أمريكي ؟ .. ليه باتمان أمريكي ؟ .. حتى سبايدر مان D: ؟؟

وليه الكائنات الفضائيه لا تحلق غير فوق أمريكا ؟؟؟

ليه واحنا واقفين فوق السطوح كده ما نلاقيش طبقين معديين مثلا ويقولولنا باي D: ؟

شاهدت فيديو تاني .. إن طبق طائر وقع في غابات روسيه !!

وده حط احتمال كبير .. إن ده ما هي إلا لعبة سياسيه من ألعابهم تبعت الحرب العالميه ولسبب بسيط في رأيي

إن ده حرب أعصاب غير مباشره .. أو بمعنى أصح عشان تفضل أمريكا هي الممتلكه لكل التكنولوجيا .. حتى الغير معروفه لأي حد من البشر .. واللي كبر الفكره .. الفيديو اللي شفته بتاع روسيا .. على اعتبار إن روسيا فهمت اللعبه

واحنا عارفين الحرب البارده اللي فضلت لفتره كبيره بينهم

فأمريكا بتوهمنا إنها بتدرس تكنولوجيا لا يمكن الوصول إليها لأي حد من البشر حتى .. وفي نفس الوقت بتوهمنا إنها عامله الموضوع سري وبتوهمنا إنه الأسرار بتتسرب ضد رغبتها

الأمر كله أشبه بلعبة الدمى .. وللأسف يظهر إنهم معتبريننا إحنا الدمى !

طبعاُ لا أقصد بكلامي إخواني الكرام أي إساءه .. ده رأي أو خاطره ليس إلا .. بارك الله فيكم

النقطه الثالثه والأخيره

أنا لا أؤمن .. ولا العكس .. بوجود الكائنات الفضائيه .. ليه لأ .. والله سبحانه وتعالى قادر على كل شئ

يمكن فيه فعلا عالم متوازي .. لديهم دنيا وآخره وحساب وجزاء وعقاب وقرآن وأنبياء .. الخ

تانيين غير اللي عندنا .. وزمانهم ومكانهم مختلف عننا ومش شرط يكون أو لايكون بيننا وبينهم اتصال

يمكن يكون تم ذكرهم بطريقه غير مباشره في القرآن .. أو لأ .. أو في السنه ويمكن يكون الحديث لم يصل إلينا

زي ببساطه ميعاد ليلة القدر .. بسبب مختلف أو أي شئ آخر .. الله سبحانه وتعالى أعلم

وكل التفاسير الموضوعه للقرآن الكريم .. موضوعه من قبل البشر .. بالتالي تقبل الخطأ أو الصواب

الاحتمالات لا نهائيه .. وما أوتينا من العلم إلا قليلا !

على الأقل ده آيه صريحه ومعناها واضح .. بالتالي بتعطي لينا عدد لا نهائي من الاحتمالات اللي ممكن تبقى موجوده

لذلك أنا أؤمن بأن كل شئ ممكن .. حتى السفر في الزمن !

وقد قرأت مره الآيه الكريمه .. بسم الله الرحمن الرحيم :

http://qurancomplex.org/quran/Search...C8%CD%CB&Adv=0

صدق الله العظيم

وهي تدل على نسبية الزمان .. ده مما فهمت والله أعلم سبحانه

وصلنا أم لم نصل للسفر في الزمن .. ده شئ آخر

وبالتالي أي شئ ممكن .. بغض النظر عن إذا كنا وصلنا له أو لأ

القاعده الفلسفيه بتقول " أنا لا أعرفك .. إذا أنت غير موجود "

ولكن هل ده معناه إنك مش موجود ؟



ملحوظه صغيره .. أتمنى من أي حد يكتب آيه كريمه أو حديث .. يتأكد منه إن كان حديث .. ويكتب نص الآيه بالضبط

لأن ده من شروط روي القرآن الكريم .. ويستطيع أي حد أن يبحث عن الكلمه في موقع القرآن اللي بحثت فيه في المشاركه

معلش على الإطاله ربنا يتقبل مني ومنكم ويجعل أعمالنا كلها خالصه لوجهه الكريم

بارك الله فيكم وجزاكم خيرا