[الود مايعطى جميع المخاليق]

السلام عليكم ورحمة الله وبركاته
بصراحة ودي اشتري السنة هذي تحاضير فواز الحربي فيزيا ثاني ثانوي
بس ودي اخذ رايكم ياليت اذا احد منكم اطلع عليها او استفاد منها يقول عشان الكل يستفيد
تنصحوني اشتريها واذا لكم اي ملاحظااات ياليت تفيدونا بأسرع وقت
الله يعطيكم العافية

[resaram]

موجهتي انتقدتني على تحاضيري الترم الاول !!

لأنها تحاضير فواز الحربي !!

مدري المشكلة بالتحضير وإلا الموجهة؟؟!!

[آفاق]

و عليكم السلام ورحمة الله

تحضير فواز الحربي فااااااااااااااااااشل...... <<<< مع احترامي لشخصه

لا تاخذينه ماراح تستفيدي منه شي لا افكار ولا تبسيط للمعلومه ونفس السرد ألي في الكتاب حاطه مجرد نسخ ولصق حتى الاهداف دايم ناقصه ....... خسارة الفلوس ألي بتحطيها فيه أنا ندمانه إني شريته الترم الاول ...
على العموم هذا راييييييييييي ................

[k.s.a.vip]

انا برأيي
ان افضل تحضير هو تحضير اعضاء هذا المنتدى
لكن المشكله انه لا ينزل دفعة واحده
لأني بصراحه تورطت الفصل الاول بتحضير ثاني ثانوي
حيث نزل تحضير كل الدروس الا الفصل الاخير
ولكم ودي

[أطياف الأمل]

بصراحة فاشل توني شريته لكل مراحل الثانوي وثاني متوسط وفاشل بالمره خسارة فلوس والله إني من شريتها وأنا أدور في المنتديات على التحاضير ..
وهذا رأيي الشخصي ..

[الود مايعطى جميع المخاليق]

الف شكر للاعضاء اللي ردو على سؤالي الله يعطيكم العافية
بصراحة تحاضير فواز الحربي مدحتها لي وحدة اعرفها ولما سألت عن سعرها لقيتها غالية شوي
لاني ماسكة منهجين يعني تقريبا راح تكلفني 600 رياال ماودي احط فلوسي على شي فاااشل
طيب في احد عندة تحاضير ثاني علمي واول ثانوي الترم الثاني بنات بحيث تنزل دفعة وحدة عشان مانتوهق
واذا احد عندة تحاضير فواز الحربي او سمع عنها ياليت يشاركنا النقاش هل هي فعلا فاشلة ام متميزة
وفقكم الله لما يحبة ويرضااااة وجعلة الله في موازين حسناتكم

[فيزياء النواعم]

بصراحه انا ندمت اني اشتريت تحاضير فواز مقلب كبير اهداف ناقصه ويهمش اشياء كثيره انتي تسوينها في الدرس ماتكون فيها وخسارة ال600 فيهاوذا الترم بحاول اخذ من ذا المنتدى يمدحونه وذا راي في تحاضير فواز وانا مجربه ولا تستعجلين

[الحزينه]

ياجماعة لاتنتقدون الرجال وهو ماهو موجود خذو التحضير اللي أنتو تشوفونه الأفضل ...........وعموما تحضيرات الملتقى هي الأفضل

[ناصر اللحياني]

المشاركة الأصلية كتبت بواسطة k.s.a.vip انا برأيي ان افضل تحضير هو تحضير اعضاء هذا المنتدى لكن المشكله انه لا ينزل دفعة واحده لأني بصراحه تورطت الفصل الاول بتحضير ثاني ثانوي حيث نزل تحضير كل الدروس الا الفصل الاخير ولكم ودي

إيّاك أعني .. واسمعي ياجارة

أخي الكريم ... أعتذر عن إنقطاعي قبل إتمام تحضير الفصل الثاني
كان ذلك بسبب ظروف ، وأعدك أنني لم أنزل تحضيرا إلا إذا انتهيت منه

وأعود لتساؤل الأستاذة / الود

فأقول أن تحضير فواز في رأيي القاصر

" لا بأس به " ، يفي إلى حد ما بالغرض .



وبالتوفيق للجميع

[***بسبوسه***]

انا اشتريت تحضير فواز ولكن للأسف ما استفدت منه .. لكن فضلت عليه تحاضير المنتدى أروع منه مليون مررررره ..