[طبعي الوفاء]

المشاركة الأصلية كتبت بواسطة فيزيائية نيوتن وااااااااااااااااااااااااو عن جد ابهرني العرض ومقطع الفديو سلمت انا ملك وبارك الله في جهودك بس ليه طلب اذا ممكن ابغاك تنزلين الكلام الي قلتيه في الحصه يعني شرح الدرس ربي يسعدك

الله يسلمك ويعافيك .. ويبارك فيك ..

بالنسبة لشرح الدرس اول شي بديت اراجع الدرس السابق .. وبعدين عرضت الشرايح الاولى وسألت الطالبات عن هل من الممكن ان يتحول الصوت الى صورة فيه طالبات اجابوا نعم وفيه قالوا لا
قلت بنشوف اليوم هل من الممكن ان تتحول الصوت الى صورة والا لا..

ثاني شي لما جيت استنتج خصائص الموجات الفوق سمعية ..

جبت مطاط ووزعت على الطالبات وخليتهم في المرة الاولى يجعلون عدد الاهتزازات اكثر يعني يكون المطاط مشدود والمرة الثانية يكون عدد الاهتزازات اقل وقلت قارني بين التردد في الحالتين قالوا في الاولى اكثر بعدين قلت وكيف يكون الصوت اشد قالوا في الحالة الاولى . ووين تكون الطاقة اكثر قالوا اذا كان التردد اكثر تكون الطاقة اعلى ..
قلت هذا الكلام راح يطبق على الموجات الفوق سمعية فكيف يكون التردد فيها قالوا عالي لأنه اكثر من 20000 هيرتز قلت اذن كيف تكون طاقة هذه الموجات قالوا طاقتها عالية ..
اذن الخاصية الاولى ترددها عالي بالتالي تكون طاقتها عالية ..

عشان نستنتج الخاصية الثانية جبت مسطرة ورقية طويلة شوي يعني خذي ورقة وقصيها بشكل مستطيل طويل ورفيع شوي ومسكتها وعرضتها للطالبات بشكل افقي قلت كيف اجعل هذه الورقه تسير في خط مستقيم لأنك اذا مسكتيها من طرفها تلقائي الورقة ماراح تكون بشكل مستقيم وتنحني للاسفل وسمعت اراء الطالبات فيه بنات قالوا امسكها من الطرفين قلت انا ابغى طريقة بحيث تكون بدون ما امسك طرفها الثاني .. فيه بنات قالوا نحط تحتها مسطرة وكذا اجابة انت استمعي لأجاباتهم
المهم قلت طيب وش رايكم لو قصرنا من طولها ممكن تكون في خط مستقيم وقصيت الورقة بحيث صار طولها قصير وفعلا سارت بخط مستقيم ..
قلت نفس الشي هذا راح يطبق على الموجات عشان تكون تسير في خطوط مستقيمة كيف يكون طولها الموجي قالوا قصير واستنتجنا الخاصية الثانية للموجات انها طولها الموجي قصير وبالتالي تسير في خطوط مستقيمة ويمكن توجيهها ..

باقي الدرس كنت اشرح وبعدين انزل الشريحة والشرايح اللي تكون فيها معلومات خارجية زي النبذة والاستخدامات الجديدة اخلي الطالبات يقرؤونها ..

قبل ما انهي الدرس يعني قبل التطبيق وحل الخريطة المعرفية شغلت الفيديو وصراحة مرة اعجب الطالبات تحسينهم مرة متحمسين مع الصور ويعلقون على الجنين اللي يضحك واللي يتثاوب ..

بعدين حلوا التطبيق على شكل مجموعات .. وانتهى الدرس بسلام

وانا اصلا طابعة الدرس والفيديو وورقة العمل على سيديات وزعتها على الحاضرات

اتمنى يعجبك واذا ما وضح شي مستعدة اعيد ..


مرة انبسطت بردك ووجودك حياك ربي