[manal5]

يبدو عليك أختي توفيزا جدا حساسه وش بتسوين لو درستي طالبات في منطقة النظيم جدا مشاكسين وضعت بعد النقل فيها واقلمت نفسي انزل الى مستواهم واكسب ثقتهم ومن ثم انقلهم الى مستوى ديني وعلمي افضل موضوعك هين يعني هونيها وتهون ورأئي انك اول ماتدخلين تكونين جدا عادية وتقولين بنات ازرار الي اخذته على الطاولة كل وحده تتفقد ازاريرها مع ابتسامه وبس
وش راح تسوين في مواقف اصعب ؟؟؟
من مواقفي الي صعب انساها في فصل اولى واول مره ادخل عليهم كل مالتفت على السبوره يطلع صوت سسسسسسسسسس اطالع الجهه الي طلع منها الصوت مافي صوت اتفاجأ من الجهه الثانيه الصوت يطلع سسسسسسسسس ومن قدام ومن وراء ومافيه فم مفتوح صارت عيوني ماغير تدور ...تداركت نفسي وقمت اقول معهم سسسسسسسسسسسس وقعدو يضحكون وقلت اتحداكم تقولون جججججججججججججوبدو يحاولون وكشفتهم بشكل اوضح وقلت يكفي نرجع لدرس الله يرضى عليكم ونتهى الدرس واعطيتهم الواجب ومعه التدرب على نطق الجيم بشكل مخفي ومن بعدها وهم يجننون

[toofisa]

قصتي بهالفصل صارت عالمية بالملتقى نتابع الاحداث معكم لهذا اليوم
اللي صار دخلت وسلمت عليهم عادي ومسحت السبورة بس اللي يفرق ( انه لا ابتسمت ولا سالت كيف الحال )
وكتبت على السبورة يوم التفت الا دفتر بالنص بيني وبين اول طاولة قالت دفتري
عاد قلت ما اعرف ثاني الاشياء عندكم تطير وش السبب وشليت الدفتر ورميته على طاولتها وقلت لها ما تعرفين تاخذينه بنفسك وكنت معصبة حيل واول مره بهالشكل وهالاسلوب يشوفوني
وبديت بالدرس بدون ما اسال عن دروس ما ضية ويوم يشاركون قلت اليوم هدوء انا بشرح بس انتوا مستمعات اللي عندها سؤال فقط تسال عاد صاروا يجاوبون وهم جالسات سكت المهم ما قومتهم يشاركون
خلصت قلت يالله الدفاتر صححت واللي ما فتحت على اخر درس قلت لها ما تعرفين تفتحين تستنيني ورحت وتركتها لين تفتحه واصححه
لما خلصت قلت لهم ثاني شايفيين هالزرار اللي ضحكم هذا هو وحطيته عند السبورة اللي هو لها تاخذه
وذاكروا المنهج واي سؤال قبل الاجازة اسئلوا
التطبيقات تلغى اللي للفصل الاول كل شئ ذاكروه قالوا ليش ؟؟؟
قلت انشرح قالوا نعم قلت انفهم قالوا نعم قلت اذن ليش ما يتذاكر
وخرجت جوا بنتين عندي قالوا نبي نعتذر قلت على ايش قالوا ما نعرف البنات ارسلونا قلت ما ابي حد يراضيني ولا اعتذار ابي خطاء تتعلمون منه بس
وما كملت الكلام معهم قلت ما ابي اكلم حد
وجتني اللي رميت دفترها تعتذر انه طاح وكنت استنى استاذن منك اجيبه قلت طيب خير
وطول اليوم يلحقوني بالفصول وانا ساكتة
وما اعرف بكرة شلووووووووووون