[5aNjaR]

السلام عليكم ورحمة الله

كيفكم يا عباقره .. ان شاء الله بخير .
المهم هذا اول موضوع ليه في المنتدى وان شاء الله ما راح يكون اخر موضوع
المهم الموضوع راح يكون عن الحركه الدائريه ....
اول شي بحط صورة بسيطه لجسم في حركه دائريه


عفوا شباب لكن بستخدم مصطلحات انجليزيه لاني تعبان في الفيزيا بالعربي لاني دارس منهج انجليزي << محد سالك ياالطيب -_-!

المهم

في الصورة عندنا السهم الاخضر يوضحلنا :1- اتجاه Centripetal force الي هي القوه المسببه للحركه الدائريه فلنفرض مثلا كان حجر مربوط في حبل والحبل يلف .. المهييم
ونفس السهم يوضحلنا اتجاه ال Centripetal Acceleration.

والسهم الازرق يوضح اتجاه ال Center fugal Force او قوة الطرد المركزيه

والسهم الاحمر يوضح اتجاه الVelocity و Tangential Acceleration ..

----------------------------
الحين انا عندي كم سؤال :-

1- كلنا نعرف انه ال Centripetal Force مصدرها قوة الشد في الحبل ... لكن قوة الطرد المركزي شو مصدرها ؟؟

2- كثير يقولون انها ردة فعل للقوة الاولى (يمشون ورى قانون نيوتن الثالث ) يعني هي تساوي القوة الاولى لكن في اتجاه معاكس ... حلو الكلام

3- الحين اذا كانت متساويه في القوه و معاكسه في الاتجاه يعني القوتين يكنسلون بعض ... يعني اذا استخدمنا قانون نيوتن الثاني الي هو F=ma بما ان مجموع القوى يساوي صفر في هالحاله ... ليش عندنا acceleration باتجاه المحور ؟؟:t_thumbdown:

4- ليش الجسم يتحرك بزاويه قائمه مع القوة ؟؟ .. لانه القوه مالها اي تاثير في هذا الاتجاه لانه cos 90 يساوي صفر شو الي يخلي الجسم يتحرك في هالاتجاه . ؟؟

5- نفس الكلام بالنسبه لل Tangential Acceleration ... يعني احنا ما عندنا اي قوة في هذا الاتجاه بالنسبه لقانون نيوتن الثاني المفروض تكون تساوي صفر لانه مجموع القوى المؤثره في اتجاها يساوي صفر ..


6- بالنسبه للنقطه الاولى ... مادري ليش احس انه العلماء (( ألفوا )) هذه القوة مع انها مش موجوده علشان يرقعون لقانون نيوتن الثاني ... شو رايكم ؟؟؟

انا هالاسئله سالتها للدكتور في الجامعه وقعد يخربطلي حسيت انه ما عنده جواب وحاب يصرفني :i_angry_steaming: :i_angry_steaming:*

الموهيم اذا حد عنده جواب ((( مقنع )) يقولنا ..

وعفوا على الاطاله ...